DUVI. Diario da Universidade de Vigo
Cabeceira
Mércores, 17 de setembro do 2014

Elena Rial, Eva Soto e Laura González presentaron as súas coleccións neste desfile para novos talentos

Esdemga brilla con con luz propia no Ego da Madrid Fashion Week

O titulado Rafael Cameselle participou, co deseño dun xersei, no New Talent Shop desta pasarela


ImageEstudantes e titulados de escolas de moda de toda España presentan cada semestre as súas coleccións ao proceso de selección do Ego, a plataforma para novos talentos da Mercedes-Benz Madrid Fashion Week, onde os Estudos de Moda e Deseño Téxtil de Galiza (Esdemga) brillaron este martes con luz propia. Non en van, só foron nove os deseñadores e deseñadoras finalmente seleccionados para presentar as súas coleccións na xornada de clausura da edición número 60 desta prestixiosa pasarela, e nada menos que tres forxaran o seu talento nas aulas da Universidade. Eva Soto, Elena Rial e Laura González, Waverley, foron as tres representantes de Esdemga nun evento que centra as miradas dos principais referentes do sector da moda en España, motivo polo que as tres tituladas coinciden en sinalalo como un grande escaparate que achegará unha maior proxección as súas traxectorias profesionais.

Duvi. Diario da Universidade de Vigo. | Contacta con nós