DUVI. Diario da Universidade de Vigo
Inicio arrow Campus de Vigo
Xoves, 23 de xuño do 2016

Ciencias Económicas e Empresariais acolleu as I Xornada de Orientación Profesional MTE

O Máster de Técnicas Estatísticas presume do éxito laboral das súas egresadas e egresados

Ex-alumnas e alumnos de distintas promocións volveron ao campus para expor as súas experiencias


ImageO Máster Interuniversitario de Técnicas Estatísticas cumpre dez anos e para celebralo os seus impulsores organizaron para este xoves a I Xornada de Orientación Profesional MTE, unha xuntanza que reuniu na Facultade de Ciencias Económicas e Empresarias a un destacado número de exalumnas e alumnos que, chegados de diferentes lugares -Vigo, Porriño, Santiago, Madrid, Bélxica ou Alemaña...-, puxeron cara ao éxito que está a acadar este perfil profesional en distintos sectores do mercado laboral, desde a banca e as telecomunicacións á bioloxía e a saúde.
Xoves, 23 de xuño do 2016

O enxeñeiro de MathWorks, Javier Gazarri, falou sobre o uso das ferramentas en vehículos eléctricos

As ferramentas MATLAB e Simulink amosa as súas capacidades á comunidade universitaria

Nunha xornada desenvolvida na sede de Torrecedeira da Escola de Enxeñería Industrial


Image Estudantes e persoal investigador de 5000 universidades de todo o mundo utilizan MATLAB e Simulink para facilitar o desenvolvemento de capacidades para a resolución de problemas mediante a modelización e a simulación. “Dende hai 32 anos as nosas ferramentas utilízanse en innumerables proxectos de investigación, desenvolvemento, implementación e testeo en industrias como a automotriz, aeroespacial, automatización industrial e comunicacións, entre moitas outras” explica Javier Gazzarri, enxeñeiro de Aplicacións en MathWorks, que este mediodía ofreceu un relatorio na sede de Torrecedeira da Escola de Enxeñaría Industrial.
Xoves, 23 de xuño do 2016

Preto de 50 investigadores de diferentes países reúnense na sétima edición do Atlantic Workshop

Claves para coidar o planeta dende a illa da Toxa

A cita, que arranca este luns 27, tratará aspectos económicos da enerxía e o cambio climático


ImageComo cada dous anos, a illa da Toxa acolle os vindeiros 27 e 28 de xuño o Atlantic Workshop on Energy and Environmental Economics (AWEEE), unha cita que, na súa sétima edición, xa goza dun prestixio que o converte nun dos congresos de referencia en economía enerxética e medioambiental a nivel europeo, pero que mantén a filosofía coa que comezou, “crear un punto de encontro internacional onde se discutan os avances recentes nun campo académico en ebulición”, como destaca o catedrático do Departamento de Economía Aplicada da Universidade e membro do comité do congreso, Xavier Labandeira.
Mércores, 22 de xuño do 2016

A tradutora canadense e o taxónomo mariño recibiron hoxe a máxima distinción da institución académica

A paixón polo galego e a malacoloxía converten a Erín Moure e a Emilio Rolán nos novos honoris pola Universidade de Vigo

O reitor apelou a que a excelencia rexa na docencia, investigación, transferencia e especialización


ImageErín Moure e Emilio Rolán son desde este mediodía os novos doutores honoris causa pola Universidade de Vigo, que xa fixo entrega da súa máxima distinción a un total de 26 persoas ao longo dos seus case 26 anos de existencia. A tradutora canadense converteuse hoxe na segunda muller, tras Lynn Margulis, en recibir o grao de doutora honoris causa, neste caso polo seu traballo a prol da lingua galega e as súas traducións ao inglés de poetisas como Rosalía de Castro, Chus Pato e Lupe Gómez. Pola súa banda, con máis de 1200 novas especies de moluscos descritas, que o acreditan como o taxónomo mariño máis produtivo do mundo, Emilio Rolán, foi, tras Moure, o encargado de recoller os atributos que o converten en honoris: o diploma, o barrete, o libro da ciencia e da sabedoría, o anel, as luvas brancas e a medalla.
Martes, 21 de xuño do 2016

De luns a venres ata as 3 da madrugada e as fins de semana ata as 22 horas

A Biblioteca Universitaria volve ampliar horarios para facilitar a preparación dos exames de xullo

As horas e días de apertura manteranse sen cambios ata o vindeiro 10 de xullo


ImageOs moi temidos exames de xullo, xunto coas presentacións dos Traballos Fin de Grao, achéganse de xeito inexorable. Para poder facilitar a súa preparación, a Biblioteca Universitaria volveu ampliar o seu horario de apertura, aumentando a disposición das aulas de estudo ás fins de semana e días festivos, horarios que se manterán sen cambios ata o vindeiro 10 de xullo. Desde hai unha semana, as bibliotecas centrais dos campus de Ourense e Pontevedra, xunto coa de Torrecedeira, abren as súas portas as fins de semana, en horario ininterrompido de 8 a 22 h, mentres que a Biblioteca Central da Universidade (Campus de Vigo) pecha unha hora antes.
Martes, 21 de xuño do 2016

O profesor vigués acaba de editar un libro sobre os xentilicios de Galicia

Xosé Henrique Costas: “Moitas das nosas propostas son arriscadas, pero fixémolas desde o coñecemento e o amor ao noso”

No volume denuncia a excesiva presenza de castelanismos disfrazados de cultismos


Image“Somos conscientes de que moitas das nosas propostas son arriscadas, mesmo ousadas, pero fixémolas desde o coñecemento e o amor ao noso idioma”. Así describe Xosé-Henrique Costas, director do Departamento de Filoloxía Galega e Latina, os contidos do seu último libro Os xentilicios de Galicia e doutros territorios da lingua galega, un manual que nace para orientar na formación dos xentilicios e tamén “para desenmascararmos tanto castelanismo disfrazo de cultismo (que no fondo son o mesmo: desgaleguización) e para tratar de establecer unhas normas de creación non condicionadas por orientacións foráneas”, subliña o docente vigués, que fai tamén fincapé en que “no mundo da lingua non hai nada inocente nin casual, nin sequera a invención ou a suplantación dun xentilicio”.
O libro está editado pola Área de Normalización Lingüística da Universidade de Vigo.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 5340

Duvi. Diario da Universidade de Vigo. | Contacta con nós