DUVI. Diario da Universidade de Vigo
Inicio arrow Campus de Vigo
Mércores, 07 de decembro do 2016

'Parley-Voo?' amosa na FFT unha mostra da iconografía destes profesionais no conflito

Por que existiron tantas representacións dos intérpretes na Primeira Guerra Mundial?

O docente Anxo Fernández organiza a mostra que estará aberta ata o 16 de decembro


Image A representación gráfica da profesión de intérprete é algo habitual desde o derradeiro terzo do século XIX e ata a década de 1920, unha vez finalizada a Primeira Guerra Mundial. Gravados, postais, debuxos e fotografías reproducidas polos medios de comunicación, recolleron nesa época as prácticas sociais e laborais dos profesionais da interpretación e a tradución, case sempre homes, que durante a Primeira Guerra Mundial viviron en primeira persoa unhas circunstancias excepcionais para a promoción e manipulación da súa actividade, o que en ambos os dous casos contribuíu a construír unha imaxe pública da profesión.
Mércores, 07 de decembro do 2016

O Grupo de Investigación en Análise Macroeconómica desenvolve un proxecto financiado polo Mineco

Na procura dunha explicación da orixe das disparidades entre países nos procesos de cambio da estrutura sectorial e do crecemento económico

Tamén estudan a contribución das disparidades ás diferenzas nas rendas per cápita


Image Desde o ano 2002 o Grupo de Investigación en Análise Macroeconómica da Universidade de Vigo traballa no estudo e caracterización do proceso de desenvolvemento experimentado polas economías ao longo da historia co obxectivo de cualificar os determinantes das grandes diferenzas observadas nas rendas per cápita entre países e, polo tanto, tratar de deseñar as políticas económicas que garantan un proceso de converxencia nesas rendas. Con financiamento do Ministerio de Economía y Competitividad, o proxecto Cambio estrutural e crecemento económico ao longo do proceso de desenvolvemento económico, liderado por Jaime Alonso, continuará a afondar nesta liña de traballo, nesta ocasión co obxectivo de analizar o comportamento da estrutura sectorial da actividade económica ao longo do proceso de crecemento e desenvolvemento económico.
Luns, 05 de decembro do 2016

O primeiro número, coordinado por Xosé A. Fernández Salgado, contén estudos de sete novas filólogas

Nace 'Cumieira', publicación anual para divulgar os mellores traballos do alumnado relacionados co galego

O Departamento de Filoloxía Galega e Latina anima a alumnas e alumnos a enviar propostas


ImageDar a coñecer os traballos científicos das investigadoras e investigadores máis novos no ámbito dos estudos lingüísticos e literarios en galego. Este é o principal propósito co que nace Cumieira. Cadernos de investigación da Nova Filoloxía Galega, unha publicación anual lanzada polo Departamento de Filoloxía Galega e Latina “na que reunir e divulgar algúns dos máis destacados traballos do alumnado”, tal e como subliña o profesor Xosé A. Fernández Salgado, editor deste primeiro número, que fai fincapé en que as páxinas da revista están tamén abertas aos estudos lingüísticos e literarios doutras linguas, en especial ós estudos lusófonos que resulten de interese para o galego, ao que o director do departamento Xosé-Henrique Costas, engade que “se ben nace pensada para o noso alumnado, terán tamén cabida traballos das alumnas e alumnos doutros graos e mestrados da Universidade”.
Luns, 05 de decembro do 2016

Os vigueses derrotaron aos vascos por 17-12

O Kaleido Universidade de Vigo vence ao Durango nun partido trabado e cheo de erros


Image O Kaleido Universidade de Vigo mantense na sexta posición e abre oco cos equipos de abaixo, trala vitoria acada nas últimas horas na casa ante o Durango Nisaan Gaursa RT. Nun partido no que escaseou o bo xogo e sobraron os erros, o Kaleido impúxose no marcador por 17-12 ao conxunto vasco no encontro correspondente á décima xornada da División de Honra. O encontro comezou co equipo vigués forte en defensa, pero impreciso en ataque, algo que o Durango non soubo aproveitar salvo no minuto 33 cando se puxo por diante no marcador, grazas a un golpe de castigo.
Luns, 05 de decembro do 2016

Como co-autor dun artigo que analiza a xestión estratéxica na área do Báltico

Os 'Emerald Literati Awards for Excellence' recoñecen o traballo do profesor Miguel González Loureiro

O traballo do investigador de Ecobas foi publicado na revista 'Baltic Journal of Management'


ImageOs premios Emerald Literati Awards for Excellence que outorga o grupo editorial Emerald recoñecen na convocatoria de 2016 o traballo do profesor do Departamento de Organización de Empresas e Mercadotecnia e membro da agrupación estratéxica Ecobas Miguel González Loureiro. O investigador foi galardoado co Highly commended paper 2016 por un artigo publicado na revista Baltic Journal of Management que fai unha análise comparativa e de contido sobre a investigación na xestión estratéxica na área do Báltico. Estes galardóns entréganse dende hai máis de 20 anos e que premian os mellores artigos publicados en cada unhas das revistas que forman parte deste grupo editorial.
Venres, 02 de decembro do 2016

Estudantes dos ámbitos da enxeñaría e xurídico-social participan no Congreso de Traballos Colaborativos

22 proxectos innovadores froito da colaboración interdisciplinar


Image Detrás de títulos como O que o frío se levou, Por favor coman polo, Enxeñeiros A tún servizo, Viscoso pero saboroso ou Mira mamá, sen dentes!, agóchanse proxectos froito da colaboración de estudantes da Escola de Enxeñería Industrial e das facultades de Ciencias Xurídicas e do Traballo e de Ciencias Económicas e Empresariais. En total son 22 as iniciativas que este venres se presentaron no 7º Congreso de Traballos Colaborativos, unha iniciativa dos profesores José Luis González Cespón e José Antonio Alonso Rodríguez na que estudantes de diferentes titulacións traballan na elaboración dun proxecto que posteriormente deben defender nun relatorio público.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 5586

Duvi. Diario da Universidade de Vigo. | Contacta con nós