DUVI. Diario da Universidade de Vigo
Inicio arrow Campus de Vigo
Luns, 20 de febreiro do 2017

A banda 'indie' ofrecerá no Vidal Bolaño o seu primeiro concerto en Vigo

Con León Benavente bota a andar este mércores unha programación cultural que se estrea co cinema asiático

Películas chinesas, xaponesas e coreanas conforman o ciclo que se proxectará no Edificio Cambón


Image A programación cultural do segundo cuadrimestre da Universidade de Vigo arranca este mércores co primeiro concerto que a banda indie León Benavente ofrecerá en Vigo desde que o grupo se formara no ano 2012. Abraham Boba, Luis Rodríguez, César Verdú e Eduardo Baos actuarán no Teatro Vidal Bolaño a partir das 18.30 horas, onde interpretarán os temas do seu segundo traballo León Benavente 2, que están a presentar por toda España e México. Co concerto de León Benavente bota a andar a programación promovida pola Vicerreitoría de Extensión Cultural e Relacións Internacionais, que introduce como gran novidade a proxección no Auditorio do Edificio Cambón de cinco películas de cinema asiático, que se encadran nunha nova edición do ciclo Cine e Lingua.
Luns, 20 de febreiro do 2017

O vigueses impuxéronse na casa ao Bera Bera por 15 a 13

Kaleido Universidade de Vigo RC vence ao segundo clasificado e suma a segunda vitoria consecutiva

O equipo de xadrez tamén conseguiu imporse ao Círculo Chantadino, un dos aspirantes á coroa do xadrez galego


ImageTras a xornada de descanso da pasada fin de semana, o Kaleido Universidade de Vigo Rugby Club volveu este sábado á senda da vitoria e fíxoo pola porta grande, impoñéndose ao segundo clasificado, o Bera Bera por 15-13. Os universitarios, que xogaban na casa, afrontaban o partido coas baixas de Carlos De Cabo por lesión e Álvaro Caride por motivos persoais, ademais da xa coñecida de Maka Tatafu, pero cargados de ilusión e optimismo. Ao igual ca no rugby, esta última xornada tamén deixou excelentes resultados para o Universidade de Vigo de Xadrez, que se afianza como líder da clasificación.
Luns, 20 de febreiro do 2017

A través dun curso que terá lugar o vindeiro mes de marzo no edificio Miralles

O persoal de administración formarase na xestión das redes sociais e o márketing dixital

Docentes da Universidade Politécnica de Valencia impartirán a docencia


ImageNun momento no que a comunicación a través dos medios dixitais se fai máis imprescindible ca nunca, é preciso saber como xestionar as redes sociais e o márketing en ámbitos tanto empresariais como institucionais. Por este motivo, a Universidade de Vigo ofrece ao Persoal de Administración e Servizos o curso Como pode participar o teu servizo/unidade nos medios sociais? Planifica e deseña a túa web e o teu plan de márketing, coa finalidade de afondar en todos aqueles aspectos relacionados cos medios sociais que son necesarios para o desenvolvemento do seu traballo á fronte dun centro ou unidade.
Venres, 17 de febreiro do 2017

Cinco institucións europeas e seis de Marrocos participan no proxecto financiado con 875.000 euros

Vigo participa no proxecto europeo E-VAL para mellorar a formación e o acceso das empresas aos universitarios marroquís

A iniciativa baséase na implementación do e-portafolio para desenvolver a súa metodoloxía


Image O e-portafolio é unha ferramenta moi estendida en determinados sectores profesionais, especialmente en países anglosaxóns, que o valoran como un formato máis libre, demostrativo e aberto que un currículo vitae á hora de amosar que persoa está tras el, os seus coñecementos, competencias profesionais e persoais. A implementación do e-portafolio para desenvolver a súa metodoloxía é a base do proxecto E-VAL, unha iniciativa financiada pola Unión Europea con 875.000 euros, que conta coa participación de cinco universidades europeas e seis de Marrocos, así como de varios ministerios e asociacións empresariais do país africano.
Venres, 17 de febreiro do 2017

O estudo obtivo un premio a novos investigadores da Deputación de Pontevedra en 2014

Sonia Otero analiza as ilustracións de Manuel Cubas a través dos sainetes de Ramón de la Cruz

A autora traballa, no marco da súa tese de doutoramento, nunha nova investigación sobre Emilia Calé


ImageAo falar do teatro no século XVIII é difícil non lembrarse de Ramón de la Cruz, un dos autores de sainetes que máis achegou á literatura española. O éxito das súas obras un século despois grazas ao renovado gusto por estas pezas teatrais e á xeneralización da literatura por entregas veuse plasmado nunha compilación dos seus mellores sainetes na obra Teatro Selecto de don Ramón de la Cruz, publicada por Jose María Faquineto en 1882, e ilustrada polo debuxante Manuel Cubas. Son precisamente esas ilustracións as que a filóloga e alumna de doutoramento da Facultade de Filoloxía e Traducción Sonia Otero analiza nun libro que acaba de editar o Servizo de Publicacións da Universidade e que leva por título La ilustración de los Sainetes de Ramón de la Cruz en el siglo XIX: La edición popular de J.M. Faquineto.
Venres, 17 de febreiro do 2017

Celebrarase entre o 9 e o 11 de marzo simultaneamente en 15 cidades do Estado

O HackforGood regresa a Vigo na procura de aplicacións que axuden a construír “un mundo mellor”

Trátase dun evento tecnolóxico no que os hackers achegan solucións a retos propostos pola cidadanía


ImageA cuarta edición do HackforGood regresa a Vigo entre o 9 e o 11 de marzo como un espazo colaborativo no que os estudantes se converterán en hackers para dar resposta a retos propostos pola sociedade. Serán tres días de traballo intensivo, tanto de deseño como de programación nun evento que chega xa á súa quinta edición, promovido por Telefónica, xunto coa ETSI de Telecomunicación da Politécnica de Madrid, a Fundación HazloPosible e a startup MashmeTV, co apoio da Rede de Cátedras Telefónica, entre elas, a da Universidade de Vigo. Celebrarase conxuntamente en 15 sedes e conta coa participación activa de máis de 20 universidades.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 5699

Duvi. Diario da Universidade de Vigo. | Contacta con nós