DUVI. Diario da Universidade de Vigo
Inicio arrow Campus de Vigo
Martes, 17 de xaneiro do 2017

A Biblioteca Universitaria organiza a actividade que será impartida a través de Faitic

Consolídase o curso ‘Máis alá de google’ co lanzamento dunha décimo quinta edición

As persoas interesadas poderán inscribirse ata o 5 de febreiro


ImageÁ hora de enfrontarse a un traballo académico é necesario ter claro onde e como buscar información, máis cando vivimos nun momento con sobreabundancia de material informativo. Por este motivo, dende a Biblioteca Universitaria levan organizando dende o 2012 o curso virtual Máis alá de google. Como buscar e xestionar información para un traballo académico, que acada xa a súa décimo quinta edición. Como ven sendo habitual, o persoal da biblioteca será o encargado de realizar as tarefas de docencia a través da plataforma Faitic. A actividade, que xa se realizou no primeiro cuadrimestre, desenvolverase entre o 13 de febreiro e o 17 de marzo.
Martes, 17 de xaneiro do 2017

O investigador de Ecobas foi seleccionado para traballar durante un ano no UNU-Wider en Finlandia

O profesor Carlos Gradín incorpórase á Universidade da ONU para investigar procesos de desigualdade e discriminación

Este centro de investigación é tamén unha axencia da ONU e un think tank sobre políticas de desenvolvemento


ImageDurante un ano o profesor do Departamento de Economía Aplicada Carlos Gradín cambiará Vigo por Helsinki para desenvolver os seus proxectos centrados na análise da pobreza e das desigualdades. O investigador da agrupación estratéxica Ecobas foi seleccionado para unha estadía no UNU-Wider, Universidade das Nacións Unidas-Word Institute for Development Economics Research, que ten a súa sede na capital finesa. Este é o primeiro centro de investigación posto en marcha pola universidade da ONU hai máis de 30 anos, cando iniciou a súa andaina da man de Amartya Sen, premio Nobel de Economía en 1998 polas súas achegas ao estudo da pobreza e a desigualdade. Durante a súa estadía en Helsinki, Gradín continuará coas súas liñas de investigación acordes coas liñas estratéxicas deste centro de I+D que se asentan no estudo das desigualdades e discriminacións entre grupos de poboación.
Martes, 17 de xaneiro do 2017

A oferta comprende tres cursos presenciais e cinco en liña e o prazo de matrícula ábrese o 1 de febreiro

A ANL estrea para o segundo cuadrimestre un curso de actualización e outro de mellora da redacción en galego


A programación docente da Área de Normalización Lingüística da Universidade para o segundo cuadrimestre chega con dúas novidades no catálogo de cursos. Dentro da súa aposta pola formación en liña, a máis demanda pola comunidade universitaria, póñense en marcha dous obradoiros novos, por unha banda, Galego: actualízate e, por outra, Redacta con claridade e mellora a túa redacción. Para todos eles, o prazo de matrícula ábrese do 1 ao 17 de febreiro a través da plataforma Bubela.
Luns, 16 de xaneiro do 2017

A Unidade de Igualdade destina 25.000 euros a este programa

Nova convocatoria de axudas para organizar actividades docentes con perspectiva de xénero

En 2016 subvencionáronse unha ducia de actos nos tres campus


ImageSeguir animando ás profesoras e profesores a organizar cursos, conferencias, xornadas, exposicións… coas que contribuír a transmisión de valores igualitarios entre o alumnado. Este é o principal obxectivo co que a Unidade de Igualdade publica unha nova convocatoria de axudas para a organización de actividades docentes con perspectiva de xénero, unha iniciativa que se puxo en marcha en 2011 e a que este ano se van dedicar, igual ca na anterior convocatoria, un total de 25.000 euros. “O déficit de formación en xénero para o alumnado segue sendo moi grande”, explica Anabel González Penín.
Luns, 16 de xaneiro do 2017

Nova derrota 32-7 do Kaleido Universidade fronte ao Zarautz

A próxima cita será no campus fronte ao Eibar Rugby


Image O Kaleido Universidade de Vigo viaxou esta fin de semana a terras vascas para enfrontarse ao Babyauto Zarautz RT, actualmente o terceiro clasificado na táboa da División de Honra B e que suma catro vitorias consecutivas. Todos os prognósticos existentes fixéronse realidade e aínda que o equipo vigués saíu a defender o partido, os esforzos non valeron moito. A baixa de Maka Tatafu, entre outros, está pasando factura. O Kaleido Universidade de Vigo viaxou esta fin de semana a terras vascas para enfrontarse ao Babyauto Zarautz RT, actualmente o terceiro clasificado na táboa da División de Honra B e que suma catro vitorias consecutivas.
Luns, 16 de xaneiro do 2017

Iria Fdez. Silva, do Campus do Mar, inicia un proxecto sobre especiación e hibridación de especies

O estudo dos peixes anxo ananos axudará a entender a biodiversidade mariña e a aprender a protexela

Xunto a Vigo participan investigadores de Estados Unidos, Xapón e Australia


Image“O noso traballo constitúe unha avaliación sen precedentes dos procesos de especiación, hibridación e introgresión nos ecosistemas mariños e os resultados que academos permitirán comprender mellor os procesos evolutivos e ecolóxicos que manteñen a biodiversidade mariña e os patróns xerais da evolución molecular”. Así describe a investigadora do Campus do Mar, Iria Fernández Silva, responsable da liña de Xenómica Mariña, o proxecto de investigación que acaba de iniciar, un traballo para o que acaba de recibir unha axuda do Programa Estatal de Fomento da Investigación Científica e Técnica de Excelencia de 60.000 euros.
A realización do proxecto corre a cargo dun equipo pluridisciplinar que inclúe investigadoras e investigadores de Vigo, Berkeley (Estados Unidos), Ryukyus (Xapón), Curtin (Australia) e da California Academy of Sciences (San Francisco).
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 5633

Duvi. Diario da Universidade de Vigo. | Contacta con nós