DUVI. Diario da Universidade de Vigo
Inicio arrow Alumnado
Venres, 24 de febreiro do 2017

As e os participantes na V edición Incuvi-Emprende presentaron os seus resultados aos promotores

Oito proxectos emprendedores que reivindican a súa viabilidade

Beleader, Brigantia, Lag e Mycogalicia optan aos premios Incuvi-Avanza


Image Da ducia de proxectos que o ano pasado foron seleccionados na 5ª edición dos premios Incuvi-Emprende, oito foron quen de chegar ao final dun proceso que ten como obxectivo converter iniciativas emprendedoras impulsadas polo alumnado da Universidade de Vigo en realidades empresariais. Mesmo os oito proxectos, que nas últimas horas presentaban as conclusións do ano de incubación desenvolvido no espazos habilitados nos campus de Vigo, Ourense e Pontevedra aos patrocinadores e colaboradores da iniciativa, experimentaron non poucos cambios nos seus obxectivos, modelos de negocio ou na conformación dos equipos. No que si coinciden todas e todos os estudantes e egresados participantes é na valoración da súa experiencia que unanimemente cualifican como “positiva ou moi positiva”.
Venres, 24 de febreiro do 2017

Este venres entregáronse os Premios Fin de Carreira da Comunidade Autónoma de Galicia

Premio a 25 egresadas e egresados “excelentes”

En total recibiron o galardón 66 titulados das tres universidades galegas


ImageUn total de 25 tituladas e titulados da Universidade de Vigo recibiron este venres en Santiago de Compostela os Premios Fin de Carreira da Comunidade Autónoma de Galicia, un recoñecemento ao seu traballo e a todo o esforzo realizado ao longo da súa etapa universitaria. A eles sumáronse outros 26 titulados da Universidade de Santiago de Compostela e 15 da Universidade da Coruña. Os premiados, 30 mulleres e 36 homes con expedientes académicos brillantes, recibiron unha dotación económica dun máximo de 2500 euros e un diploma acreditativo desta distinción.
Xoves, 23 de febreiro do 2017

O presidente da asociación de alumnado sénior do campus participa este xoves nos Encontros nas Campás

O encontro entre xeracións que propón o Programa para Maiores, clave para o envellecemento activo

José María Fernández vén de abordar esta temática nun congreso internacional sobre educación sénior


ImageA pasada semana, máis dun cento de persoas procedentes de nove países debatían sobre educación para maiores en Porto, no marco do I Congreso Internacional de Projectos Educativos para Seniores. Entre eles, atopábase o presidente de Asaexs, José María Fernández, quen achegou a este encontro unha comunicación na que afondaba na súa propia experiencia como alumno. En concreto, na súa experiencia no Ciclo Integrado, no que os e as participantes neste programa comparten aulas co alumnado de grao, dando pé a unhas relacións interxeracionais que defende “como unha excelente ferramenta para o noso envellecemento activo”.
Mércores, 22 de febreiro do 2017

Estudantes do centro participan en Holanda nas exposicións xurdidas do encontro 'Apprentice/Master'

Belas Artes cruza fronteiras

Os alumnos Ventura Pérez e Javier Fernández participan nestes días unha mostra colectiva en Horn


ImageNo Hotel María Kappel, unha antiga capela hoxe convertida en residencia para artistas, situada en Horn, unha vila a 40 quilómetros de Amsterdam, poden verse nestes días unha serie de creacións ideadas por dous estudantes de Belas Artes, Javier Fernández e Ventura Pérez. Estes alumnos son dous dos seis representantes cos que, xunto co vicedecano Carlos Tejo, a facultade estivo presente por segundo ano no encontro internacional de artistas Apprentice/Master, celebrado en setembro na localidade holandesa Tillburg e onde naceron unha serie de proxectos expositivos que nestes meses permiten amosar o talento do alumnado do campus por diferentes puntos da xeografía holandesa.
Mércores, 22 de febreiro do 2017

Italia segue a ser o principal destino do alumnado vigués, seguido de Polonia e Portugal

650 alumnas e alumnos da Universidade participan este curso en programas de mobilidade

O alumnado de Filoloxía e Tradución é o que máis participa neste tipo de programas


ImageUn total de 653 alumnas e alumnos da Universidade de Vigo cursan este curso parte dos seus estudos no estranxeiro, a inmensa maioría fano en Europa, ao abeiro do programa Erasmus, pero a listaxe de destinos inclúe lugares tan distantes das fronteiras galegas como Xapón, Brasil, Estados Unidos, Corea, Malaisia, México, Sudáfrica, Uruguai ou Taiwán. “As cifras son lixeiramente mellores cas do ano pasado. Esperamos que esta sexa a sinal de recuperación que estabamos a esperar despois da baixada dos anos duros da crise”, explica o vicerreitor de Extensión Universitaria e Relacións Internacionais, Manuel Fernández Iglesias, que en relación aos destinos explica que se en liñas xerais mantense tamén a distribución dos anos anteriores “algo coherente co feito de que a Universidade de Vigo ten xa unha estrutura de parceiros internacionais bastante consolidada”.
Martes, 21 de febreiro do 2017

Rocío Laseca presentou nesta pasarela unha versión ampliada do seu proxecto de fin de estudos

Esdemga brilla con luz propia baixo os focos de Ego

A titulada Amai Rodríguez participou por terceira vez na plataforma para novos talentos da Madrid Fashion-Week


ImageSedas con estampados florais, serigrafías ou complementos que teñen como material principal o metacrilato translucido. Destes elementos serviuse a titulada en Esdemga Rocío Laseca para achegar unha explosión de cor e psicodelia ao Samsung Ego da Mercedes-Benz Madrid Fashion Week, onde presentou unha versión ampliada de Who are you?, a colección que constituíu o seu proxecto de fin de estudos. Laseca foi unha das oito seleccionadas para participar na plataforma para novos talentos coa que a antiga pasarela Cibeles pechou este martes a súa edición número 65, xunto con outra deseñadora tamén forxada nas aulas de Esdemga, Amai Rodríguez.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 1471

Duvi. Diario da Universidade de Vigo. | Contacta con nós