DUVI. Diario da Universidade de Vigo
Inicio arrow Alumnado
Luns, 16 de xaneiro do 2017

Este luns comezaron a ocupar as súas habitacións os primeiros usuarios e usuarias

A residencia universitaria reabre as súas portas

Trala realización das obras de urbanización da contorna requiridas


ImageA Residencia Universitaria As Burgas, a residencia universitaria do campus de Ourense, reabriu este luns as súas portas. Despois de case dous anos e medio pechada para acometer as obras de urbanización da contorna necesarias para a súa apertura, o edificio e os servizos que ofrece volven a estar dispoñibles para os membros da comunidade universitaria interesados. Xestionado pola empresa Resa, o centro recibiu este luns aos seus primeiros inquilinos e inquilinas deste curso académico. O edificio conta con 133 habitacións individuais e 56 habitacións individuais con cociña compartida.
Luns, 09 de xaneiro do 2017

Os galardóns distinguen a inclusión da perspectiva xénero nestes estudos

Dos piropos aos contos de fadas, seis traballos fin de grao e mestrado fanse cos Premios Egeria

A área xurídico-social é a que máis distincións acadou nesta terceira edición


ImageOs piropos, a rotura da heteronorma, o alumnado transexual, a mirada feminina no cine, a incorporación da muller rural á vida profesional e os estereotipos de xénero nos contos de fadas. Estes son, en liñas xerais, as temáticas que abordan os seis traballos fin de mestrado e de grao que veñen de gañar a terceira edición dos Premios Egeria á Inclusión da Perspectiva de Xénero nos Traballos Fin de Grao e de Mestrado da Universidade de Vigo. Os galardóns repártense entre egresados e egresadas dos tres campus, sendo os traballos de grao e da área a xurídico-social os que máis distincións acadan. En total, nesta edición presentáronse 27 traballos, 20 do ámbito xurídico-social, seis de artes e humanidades e un do eido científico-tecnolóxico.
Venres, 23 de decembro do 2016

Este espazo acolleu este venres a inauguración da exposición 'Sanarte'

O estudantado de Belas Artes invade o novo centro de saúde de Marín

Alumnas da facultade protagonizan tamén a exposición 'Eu son miña', no Museo Manuel Torres desta localidade


ImageA idea de desenvolver unha mostra nun “espazo non expositivo” e os diferentes proxectos levados a cabo pola Facultade de Belas Artes no Hospital Provincial serviron como punto de partida de Sanarte, a exposición comisariada por tres estudantes deste centro que espalla as obras dunha ducia de alumnos e alumnas da facultade polas tres plantas do novo centro de saúde de Marín. A mostra, inaugurada na mañá deste venres, naceu como un proxecto para a materia Xestión, ámbito artístico e mundo profesional, como tamén acontece con Eu son miña, a exposición comisariada por catro alumnas que ata finais de ano propón unha reflexión sobre a violencia machista no Museo Municipal Manuel Torres desta localidade.
Xoves, 22 de decembro do 2016

As dúas irmás estudan o Grao en Belas Artes

Noa e Lara Castro Lema gañan coa curtametraxe Non Queras o segundo premio do Concurso de prevención de condutas aditivas

As gañadoras recolleron o galardón da man da concelleira de Benestar Social, Carmen Fouces


ImageA curtametraxe Non Queras, das estudantes de Belas Artes Noa e Lara Castro Lema, foi galardoada co segundo premio no concurso de fotografía e curtametraxes sobre a prevención de conductas aditivas que promove o Concello de Pontevedra. As dúas irmás recolleron este xoves o galardón de mans da concelleira de Benestar Social, Carmen Fouces. O xurado, decidiu por unanimidade deixar desertos os premios na modalidade de fotografía e destacaron que aínda que ningunha das propostas transmitía mensaxes positivas, nalgunha delas a calidade artística era moi boa. Tamén se decidiu por unanimidade deixar deserto o primeiro premio na modalidade de curtametraxe.
Xoves, 22 de decembro do 2016

A Escola Infantil celebrou este xoves unha festa na que participaron alumnado e familiares

Os nenos e nenas fan brillar o Nadal no campus

Un mensaxeiro entregoulle a cada cativo e cativa un agasallo especial


ImageComo colofón a todo un cuadrimestre de traballo e para celebrar unhas datas moi especiais para os máis cativos e cativas, a Escola Infantil do campus de Ourense celebrou este xoves unha festa de Nadal. O alumnado máis novo do campus ofreceu aos seus familiares unha representación na que non faltaron os contos e as cancións. Todos os nenos e nenas do centro, desde os bebés aos máis maiores, participaron dunha obra de teatro na que tiveron como misión devolver o brillo á lúa de Vila Viruxe. Para acadalo, leváronlle nubes, raios e estrelas ata que o astro volveu a recuperar o seu esplendor de sembre.
Xoves, 22 de decembro do 2016

Implica xa a 337 voluntarios, entre mentores e tutelados, nos catro centros involucrados

O programa de mentorización do alumnado medra e implántase en Química e Enxeñaría de Minas

A iniciativa pretende que o estudantado veterano axude ao de novo ingreso a integrarse na vida universitaria


ImageO programa de mentorización de alumnado MEET-Uvigo, que se implantou no curso 2013/2014 na Escola de Enxeñaría de Telecomunicación, e que posteriormente se estendeu á Facultade de Filoloxía e Tradución, iniciou este curso unha nova andaina na Facultade de Química e na Escola Técnica Superior de Enxeñaría de Minas. En total son 337 os estudantes implicados no programa nos catro centros durante este ano, nos que os e as alumnas de último curso se forman como titores para facilitar a integración do estudantado novo. O proxecto pretende dotar ao alumnado de primeiro, entre outras ferramentas, de habilidades sociais e emocionais para integrarse na vida universitaria máis aló do puramente académico. Un proceso de orientación necesario que está dando bos resultados, segundo explica a coordinadora do programa na ETSE de Minas, Itziar Goicoechea.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 1442

Duvi. Diario da Universidade de Vigo. | Contacta con nós