DUVI. Diario da Universidade de Vigo
Inicio arrow Cultura
Xoves, 29 de setembro do 2016

O venres 30 celebrarase unha visita guiada a este edificio do campus

Unha ollada desde a arquitectura á Biblioteca Universitaria

Coa participación de Galo Zayas Carvajal, un dos redactores do proxecto


ImageCada último venres de mes, a delegación en Ourense do Colexio Oficial de Arquitectos de Galicia organiza unha visita guiada a un enclave da cidade. Baixo o nome Olladas na rúa, a iniciativa quere ofrecer aos cidadáns unha nova visión sobre elementos arquitectónicos que forman parte da súa contorna e da súa vida cotiá. Este mes, o edificio elixido é a Biblioteca Rosalía de Castro do campus de Ourense. As persoas interesadas poderán percorrer as súas instalacións e coñecer detalles da súa concepción, deseño e funcionalidade, entre outras cuestións.
Mércores, 28 de setembro do 2016

O Coro Universitario do Campus de Ourense ten aberto o prazo para unirse a el

Con alma de cantor ou cantora?

A súa primeira actuación será este xoves no Centro Penitenciario de Pereiro de Aguiar


Image“O coro coma un espazo de encontro humanístico, artístico e formativo, coma un punto de encontro entre xeracións de toda a comunidade universitaria e aberto tamén á sociedade ourensá”. Con estas palabras preséntase o Coro Universitario do Campus de Ourense Schola Cantorum, agrupación que un curso máis comeza a súa actividade convidando a todas as persoas interesadas a achegarse aos seus ensaios e unirse a el. “Estamos iniciando o curso e é un bo momento para que os membros da comunidade universitaria contemplen a posibilidade de formar parte do noso coro. Nestas primeiras semanas xa acadamos nove incorporacións novas”, comenta Xabier Álvarez, director da agrupación.
Mércores, 28 de setembro do 2016

O programa 'Ensaiamos' cumpre 10 anos provendo a grupos e solistas dun local e equipamento gratuítos

Unha década de ensaios

O Coro da Universidade percorreu hoxe o campus na procura de novas voces


Image A falta dun local de ensaio non é un problema no campus de Vigo para que grupos musicais e solistas poidan desenvolver a súa actividade. Desde hai dez anos a Universidade, a través da Vicerreitoría de Extensión Universitaria e Relacións Internacionais ofrece, a través do programa Ensaiamos, local e equipamento gratuítos para que as e os afeccionados á musica non teñan que saír do campus na procura dun lugar e do material necesario para realizar os seus ensaios. Ata o 6 de outubro estará aberto o prazo de presentación de solicitudes para este curso 2016/2017, no que o Teatro Vidal Bolaño de Cidade Universitaria volverá a ser o espazo no que as e os músicos poderán ensaiar.
Martes, 27 de setembro do 2016

Son diálogos literarios entre escritores de ambos lados da Raia

Chegan ao campus as Conversas Nortear con Antón Riveiro Coello e Olinda Beja

O profesor e escritor Anxo Angueira encargouse de moderar a conversa entre ambos autores


ImageSon dous dos nomes de máis prestixio da narrativa actual, cada un a unha beira da Raia. Antón Riveiro Coello e Olinda Beja visitaron este martes a Facultade de Filoloxía e Tradución para participar nunha nova sesión do ciclo Conversas Nortear, un programa de encontros culturais que teñen como principal obxectivo favorecer o diálogo e o coñecemento mutuo entre as literaturas galega e portuguesa a través dos seus escritores e escritoras. Encargouse de moderar a conversa, na que cada un achegou as súas reflexións sobre as relacións entre ambos sistemas literarios, outro dos nomes claves das letras desta beira do Miño: o escritor e profesor Anxo Angueira.
Martes, 27 de setembro do 2016

O Festival Internacional de Teatro de Ourense celebrarase do 7 ao 19 de outubro

É outono, é tempo de FITO

Coa participación de 12 compañías e outros tantos espectáculos


Image12 compañías, 12 espectáculos e un feixe de microespectáculos. Con estas cifras presentouse este martes a novena edición do Festival Internacional de Teatro de Ourense, FITO. Do 7 ao 19 de outubro os principais escenarios da cidade levantarán o pano para ofrecer unha programación que a directora da cita, Ánxeles Cuña, describe como "máxica, espectacular e interesante". Unha vez máis, o campus de Ourense únese a esta celebración a través do apoio económico e acollendo algúns dos seus espectáculos, como é o caso da estrea da peza Goldi libre.
Luns, 26 de setembro do 2016

CCSS e da Comunicación acolle nestas semanas un taller sobre elaboración de podcasts

Como facer radio dentro e fóra da emisora

A actividade, impartida por José María Bará, forma parte da programación da Vicerreitoría do campus


ImageAchegar ao alumnado unha serie de consellos e recomendacións que lles poidan resultar útiles o día que senten diante dun micrófono ou trala mesa dun estudo radiofónico, pero que tamén lles permitan dar forma aos seus propios espazos radiofónicos en formato de podcast, son os dous obxectivos que conviven no taller que ao longo destas semanas, o locutor José María Bará imparte en Ciencias Sociais e da Comunicación. Inserido na programación formativa da Vicerreitoría do campus para este primeiro cuadrimestre, o Obradoiro de radio e podcast ten como propósito achegar ao alumnado “unha serie de receitas prácticas para radio”.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 1811

Duvi. Diario da Universidade de Vigo. | Contacta con nós