DUVI. Diario da Universidade de Vigo
Inicio arrow Cultura
Martes, 17 de xaneiro do 2017

A Biblioteca Universitaria organiza a actividade que será impartida a través de Faitic

Consolídase o curso ‘Máis alá de google’ co lanzamento dunha décimo quinta edición

As persoas interesadas poderán inscribirse ata o 5 de febreiro


ImageÁ hora de enfrontarse a un traballo académico é necesario ter claro onde e como buscar información, máis cando vivimos nun momento con sobreabundancia de material informativo. Por este motivo, dende a Biblioteca Universitaria levan organizando dende o 2012 o curso virtual Máis alá de google. Como buscar e xestionar información para un traballo académico, que acada xa a súa décimo quinta edición. Como ven sendo habitual, o persoal da biblioteca será o encargado de realizar as tarefas de docencia a través da plataforma Faitic. A actividade, que xa se realizou no primeiro cuadrimestre, desenvolverase entre o 13 de febreiro e o 17 de marzo.
Martes, 17 de xaneiro do 2017

A cita será os días 24, 26 e 31 de xaneiro, ás 19.30 h, no Liceo de Ourense

Elisa Vázquez de Gey, Pedro Feijoo e Manuel Núñez Singala protagonizan unha nova edición dos Encontros Literarios

Os relatores falarán das súas traxectorias e do proceso creativo


ImageOs días 24, 26 e 31 de xaneiro o salón nobre do Liceo de Ourense acollerá a celebración dunha nova edición, a XXVI, dos Encontros Literarios. Baixo o título A obra e a creación literaria, a cita contará coas conferencias dos escritores e escritoras Elisa Vázquez de Gey, Pedro Feijoo e Manuel Núñez Singala. Durante as súas intervencións, os relatores falarán do máis destacado das súas traxectorias no mundo da escrita, das súas obras e do proceso de creación literaria. Abertos a todas as persoas interesadas, os XXVI Encontros Literarios están organizados pola Sección de Literatura do Liceo e a Vicerreitoría co Campus de Ourense.
Luns, 16 de xaneiro do 2017

12 películas e dous relatorios integran o Ciclo de Cinema de Primavera 2017, que comeza o venres

Cinema arredor de si

‘O crepúsculo dos deuses’, ‘Impacto’ ou ‘A noite americana’ proxectaranse na Casa das Campas


Image Como calquera manifestación artística, o cinema tamén posúe a calidade de cuestionarse a si mesmo e afondar no seu universo, ben, profundando no cine como temática ou contexto para o desenvolvemento argumental ou dramático, ben, destacando a súa natureza artificial e centrando a súa atención nos significantes fílmicos (son e imaxe), ben, focalizando a súa atención nos procesos de preprodución, produción ou posprodución e incluso referíndose e reflexionando sobre a propia condición espectactorial. O ciclo Arredor de si, inserido na programación cultural da Vicerreitoría do campus, comezará o venres 20 de xaneiro coa proxección de A muller do tenente francés.
Xoves, 12 de xaneiro do 2017

Con Nono Bandera, Marcos Covelo, Nuria Figueiredo, Berto Fojo, Julia Huete e Natalia Umpiérrez

‘Un rolo de papel continuo’ que une a docentes e titulados de Belas Artes

Este xoves inaugurouse a exposición que se poderá visitar na Sala X ata o 10 de febreiro


ImageXenerosidade, colaboración, intromisións, interferencias e horas e horas de “citas rolo” deron forma a Un rolo de papel continuo. Así o explica a profesora de Belas Artes Susana Cendán o xermolo de Un rolo de papel continuo, un proxecto coral, unha exposición que elas mesma comisaria e na que participan seis artistas vinculados á Facultade de Belas, ben sexan docentes, ben sexan titulados e tituladas. A mostra, que recolle o traballo conxunto de Nono Bandera, Marcos Covelo, Nuria Figueiredo, Berto Fojo, Julia Huete e Natalia Umpiérrez, inaugurouse este xoves na Sala X e poderase visitar ata o 10 de febreiro.
Luns, 09 de xaneiro do 2017

Mantense aberta a inscrición nos sete cursos abertos a toda a cidadanía que promove a Vicerreitoría

Fotografía e xénero, educación non formal e intelixencias múltiples súmanse aos obradoiros do campus

O control de son en radio, locución, oratoria e música tradicional completan a oferta formativa


ImageUn achegamento á educación non formal, a abordaxe da teoría das intelixencias múltiples como ferramenta didáctica e un achegamento á fotografía desde a perspectiva de xénero constitúen as principais novidades que a Vicerreitoría do campus suma ao seu programa de obradoiros para este cuadrimestre. Desde finais de decembro permanece aberto o prazo de inscrición nos sete talleres, abertos a toda a cidadanía, que se desenvolverán no campus entre febreiro e abril e entre os que se atopa tamén un obradoiro de control de son en radio, así como as novas edicións dos talleres de oratoria, locución audiovisual e interpretación de instrumentos populares.
Xoves, 22 de decembro do 2016

A Aula Universitaria de Teatro Infantil Gepetto presentará na Moti a súa última obra

'O traxe novo da emperatriz' xa está listo para a súa estrea

Froito do traballo feito polo alumnado neste primeiro cuadrimestre baixo a dirección de Elena Seijo


Image"Nun país non moi afastado, a emperatriz trae de cabeza a todo o reino. Os seus chanceleres xa non saben como facer para que pare de gastar e sexa consciente da crise que asola ao país. O pobo pasa fame e frío, pero a ela non lle importa. Un bo día chega a oídos da emperatriz a presenza no reino duns xastres espectaculares. Non parará ata que lle confeccionen o mellor traxe do mundo, o nunca visto, aínda que o pobo cada vez estea peor. Rebelaranse algún día?" Con este argumento preséntase a obra O traxe novo da emperatriz, que estreará Gepetto, a Aula Universitaria de Teatro Infantil do campus de Ourense, a vindeira semana.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 1884

Duvi. Diario da Universidade de Vigo. | Contacta con nós