DUVI. Diario da Universidade de Vigo
Inicio arrow Cultura
Mércores, 07 de decembro do 2016

'Parley-Voo?' amosa na FFT unha mostra da iconografía destes profesionais no conflito

Por que existiron tantas representacións dos intérpretes na Primeira Guerra Mundial?

O docente Anxo Fernández organiza a mostra que estará aberta ata o 16 de decembro


Image A representación gráfica da profesión de intérprete é algo habitual desde o derradeiro terzo do século XIX e ata a década de 1920, unha vez finalizada a Primeira Guerra Mundial. Gravados, postais, debuxos e fotografías reproducidas polos medios de comunicación, recolleron nesa época as prácticas sociais e laborais dos profesionais da interpretación e a tradución, case sempre homes, que durante a Primeira Guerra Mundial viviron en primeira persoa unhas circunstancias excepcionais para a promoción e manipulación da súa actividade, o que en ambos os dous casos contribuíu a construír unha imaxe pública da profesión.
Luns, 05 de decembro do 2016

O pianista Josep Colom ofrece este mércores un concerto no Teatro Principal, promovido pola Vicerreitoría

Música e camelias entrelázanse nun diálogo entre Mozart e Chopin

Este recital con entrada libre complétase cunha videocreación realizada con fotografías de Juan de la Sota


ImageUn diálogo imaxinario entre Mozart e Chopin, no que o pianista Josep Colom enlaza unha serie de pezas destes dous compositores, completado á súa vez pola conversa que a música establece coa videocreación elaborada por Álvaro Mayo e Inés Salvado a partires dunha serie de fotografías de camelias realizadas por Juan de la Sota. Esta é a dobre conversa que se fusiona no concerto que este pianista, Premio Nacional de Música en 1998, ofrecerá este mércores a partires das 20.30 horas no Teatro Principal, nunha actividade promovida pola Vicerreitoría , coa colaboración do Concello que conta con entrada libre ata completar aforo.
Venres, 02 de decembro do 2016

As actividades de celebración da patroa incluíron unha conferencia sobre mina e auga

Un premio ao mellor expediente académico do Máster en Enxeñaría de Minas centra os festexos de Santa Bárbara

A carreira popular reuniu esta edición a 55 participantes e recollérónse preto de 100 Kg de alimentos


ImageOs festexos de Santa Bárbara, patroa da Escola Técnica Superior en Enxeñaría de Minas, tiveron este ano como protagonista a Raquel Pérez, alumna do Máster en Enxeñaría de Minas, que foi galardoada polo Colexio Oficial de Enxeñeiros de Minas do Noroeste co Premio ao Mellor Expediente Académico da súa promoción, a primeira deste título. A maiores, a festa tivo tamén un toque solidario que chegou este venres coa celebración da Carreira Popular de Santa Bárbara, que acadou xa a súa sétima edición, e que reuniu nas instalacións deportivas do campus a medio cento de atletas dispostos e dispostas a gozar do día.
Venres, 02 de decembro do 2016

O profesor Miguel Anxo Fernández recibiu este premio literario nun acto celebrado en Ourense

Cine e docencia conflúen na novela gañadora do premio Blanco Amor

O xurado destacou a axilidade narrativa da súa novela 'Blues para Moraima'


ImageCunha “alegría inmensa”, pero consciente tamén de que supón “unha responsabilidade” na súa faceta como escritor, vén de recibir o profesor de Ciencias Sociais e da Comunicación Miguel Anxo Fernández, o XXXV Premio de Novela Longa Eduardo Blanco Amor, polo seu libro Blues para Moraima. Tras recoller este galardón nun acto celebrado no Liceo de Ourense, Fernández amosou a súa satisfacción porque o xurado deste “premio de moito prestixio”, que organiza a Deputación de Ourense, recoñecese unha novela na que viña traballando desde hai máis dunha década e na que repousan como influencias as súas vivencias como investigador cinematográfico e docente.
Mércores, 30 de novembro do 2016

O profesor de BBAA Alberto Ruiz de Samaniego é codirector dun documental sobre o poeta luso

Percorrendo Lisboa tralas pegadas de Pessoa

O filme constitúe a peza central da exposición que este xoves inaugura o Círculo de Bellas Artes de Madrid


Image22 lugares da cidade de Lisboa, desde habitacións a prazas, rúas ou restaurantes, nos e sobre os que escribiu Fernando Pessoa conforman o percorrido audiovisual pola capital de Portugal que o profesor de Belas Artes Alberto Ruiz de Samaniego e o cineasta José Manuel Mouriño, propoñen en Pessoa / Lisboa, un documental producido polo Círculo de Bellas Artes de Madrid, que este xoves inaugura unha exposición dedicada a estea poeta e tradutor. Como un “documental de corte poético” presenta Ruiz de Samaniego o traballo en torno ao que xira esta exposición e que a comezos de novembro estreaban no Lisbon & Estoril Film Festival.
Martes, 29 de novembro do 2016

Desenvólvese no campus a segunda edición dun obradoiro de música tradicional

Espertando afeccións polo patrimonio instrumental galego

Nas últimas semanas, tamén se levou a cabo un taller de creación de videoxogos


ImageCunha longa serie de instrumentos populares, da gaita e pandeireta, á zanfona, o acordeón, o tamboril ou a requinta, espallados sobre a mesa do salón de actos da EE Forestal. Deste xeito botaba a andar, a finais de outubro, a segunda edición do obradoiro Interpretación de instrumentos populares, cun primeiro achegamento á “riqueza do patrimonio instrumental galego”, como sinala o músico e profesor José Luís Sánchez Bolón, que buscou nun primeiro termo presentar aos e ás asistentes a esta actividade un abano de opcións musicais, para que cada quen puidese iniciarse ou perfeccionar o seu dominio do instrumento escollido.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 1871

Duvi. Diario da Universidade de Vigo. | Contacta con nós