DUVI. Diario da Universidade de Vigo
Inicio arrow Institucional arrow Campus Ourense

Campus Ourense

Xoves, 23 de febreiro do 2017

A cita consistirá nunha xornada de portas abertas o 22 de marzo

O campus celebrará o Día Mundial da Auga con escolares das provincias de Ourense e Pontevedra

Co prazo de inscrición aínda aberto, son xa máis de 200 os estudantes apuntados


ImageDesde a posta en marcha do proxecto de especialización do campus de Ourense como Campus da Auga, cada ano o 22 de marzo, declarado polas polas Nacións Unidas como o Día Mundial da Auga, convértese nun día de celebración nas instalacións universitarias ourensás. Este ano, o campus volverá a abrir as súas portas a estudantes de Educación Secundaria Obrigatoria e Bacharelato das provincias de Ourense e Pontevedra. Co gallo desta conmemoración, tamén se convida aos escolares a participar nun concurso de fotografía sobre os recursos hídricos. O prazo para inscribirse a calquera destas dúas actividades está aberto ata o 15 de marzo.
Venres, 17 de febreiro do 2017

A súa candidatura recibiu 35 votos a favor, oito en contra e oito en branco

O equipo decanal encabezado por Mar García renova o seu mandato á fronte de Ciencias da Educación

Entre os retos do centro para o novo período, a docente salientou a próxima acreditación dos graos


ImageEste venres celebráronse na Facultade de Ciencias da Educación do campus de Ourense as votacións para elixir ao equipo decanal que estará á fronte do centro durante os vindeiros tres anos. Os membros da Xunta de Facultade deron o seu apoio á única candidatura presentada, a candidatura de renovación do equipo decanal que, encabezado por Mar García, dirixiu nos últimos tres anos a facultade con máis alumnado do campus de Ourense. A proposta da docente recibiu 35 votos a favor, oito en contra e oito en branco.
Xoves, 16 de febreiro do 2017

O auxiliar técnico de servizos xerais finou o pasado luns aos 55 anos de idade

Pesar na comunidade universitaria polo falecemento de Arturo Rúa

Alumnado, docentes e PAS gardaron un minuto de silencio na súa memoria


ImageAlumnado, persoal de administración e servizos e persoal docente e investigador do campus de Ourense gardaron este xoves un minuto de silencio na entrada do Edificio Xurídico-Empresarial en memoria de Arturo Rúa, persoal de administración e servizos falecido este luns aos 55 anos de idade. Arturo Rúa foi durante máis dunha década auxiliar técnico de servizos xerais na conserxaría do Edificio Xurídico-Empresarial. Con este xesto, a comunidade universitaria quixo amosar o seu pesar pola perda repentina deste compañeiro e o seu apoio á familia de Arturo Rúa, presente tamén no minuto de silencio.
Martes, 14 de febreiro do 2017

Representantes das dúas entidades asinaron este martes un convenio marco de colaboración

A Universidade alíase coa Fundación Dorzán para fomentar a investigación en beneficio das persoas maiores

A primeira iniciativa posta en marcha ao seu abeiro é o financiamento dun proxecto


ImageEste martes o campus de Ourense acolleu a sinatura dun convenio marco de colaboración entre a Universidade de Vigo e a Fundación Dorzán, institución privada sen ánimo de lucro centrada no colectivo da terceira idade. A iniciativa, explicou Salustiano Mato, reitor da Universidade de Vigo, permitirá “dedicar talento universitario a mellorar a calidade de vida dos nosos maiores”. Como primeiro froito deste acordo presentáronse as Bolsas Fundación Dorzán destinadas a financiar un proxecto de investigación centrado no eido da xeriatría ou xerontoloxía.
Luns, 13 de febreiro do 2017

A súa candidatura foi a única presentada

Mar García opta á reelección como decana de Ciencias da Educación

A votación será o venres 17 de febreiro


ImageA Facultade de Ciencias da Educación do campus de Ourense ten aberto o proceso para a renovación do seu decanato. Despois de tres anos de mandato, o equipo decanal encabezado por Mar García Señorán preséntase á renovación “sentíndonos na obriga de presentarnos tendo en conta que estamos en pleno proceso de renovación da acreditación dos nosos catro títulos de grao”. Consecuentemente con este compromiso, a súa candidatura, a única presentada ás eleccións, contempla a renovación nos seus postos dos actuais vicedecanos, vicedecanas e secretario.
Martes, 07 de febreiro do 2017

Representantes das dúas entidades reuníronse este martes con ese obxectivo

O campus e a Asociación de Empresarios do Polígono de San Cibrao buscan vías de colaboración

Entre as medidas concretas que barallan están a realización de prácticas do alumnado e actividades formativas


ImageEste martes representantes das diferentes facultades e escolas do campus de Ourense, da Vicerreitoría deste campus e da Asociación de Empresarios do Polígono Industrial de San Cibrao das Viñas reuníronse co obxectivo de estudar vías de colaboración entre a institución académica e a empresarial que redunden en beneficio dos colectivos que acollen. A realización de prácticas do alumnado nas empresas do polígono ou o desenvolvemento de actividades formativas son algunhas das propostas baralladas no encontro.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 413

Duvi. Diario da Universidade de Vigo. | Contacta con nós