DUVI. Diario da Universidade de Vigo
Inicio arrow Cultura arrow Campus Ourense

Campus Ourense

Martes, 17 de xaneiro do 2017

A cita será os días 24, 26 e 31 de xaneiro, ás 19.30 h, no Liceo de Ourense

Elisa Vázquez de Gey, Pedro Feijoo e Manuel Núñez Singala protagonizan unha nova edición dos Encontros Literarios

Os relatores falarán das súas traxectorias e do proceso creativo


ImageOs días 24, 26 e 31 de xaneiro o salón nobre do Liceo de Ourense acollerá a celebración dunha nova edición, a XXVI, dos Encontros Literarios. Baixo o título A obra e a creación literaria, a cita contará coas conferencias dos escritores e escritoras Elisa Vázquez de Gey, Pedro Feijoo e Manuel Núñez Singala. Durante as súas intervencións, os relatores falarán do máis destacado das súas traxectorias no mundo da escrita, das súas obras e do proceso de creación literaria. Abertos a todas as persoas interesadas, os XXVI Encontros Literarios están organizados pola Sección de Literatura do Liceo e a Vicerreitoría co Campus de Ourense.
Xoves, 22 de decembro do 2016

A Aula Universitaria de Teatro Infantil Gepetto presentará na Moti a súa última obra

'O traxe novo da emperatriz' xa está listo para a súa estrea

Froito do traballo feito polo alumnado neste primeiro cuadrimestre baixo a dirección de Elena Seijo


Image"Nun país non moi afastado, a emperatriz trae de cabeza a todo o reino. Os seus chanceleres xa non saben como facer para que pare de gastar e sexa consciente da crise que asola ao país. O pobo pasa fame e frío, pero a ela non lle importa. Un bo día chega a oídos da emperatriz a presenza no reino duns xastres espectaculares. Non parará ata que lle confeccionen o mellor traxe do mundo, o nunca visto, aínda que o pobo cada vez estea peor. Rebelaranse algún día?" Con este argumento preséntase a obra O traxe novo da emperatriz, que estreará Gepetto, a Aula Universitaria de Teatro Infantil do campus de Ourense, a vindeira semana.
Mércores, 21 de decembro do 2016

Ofrecerán un concerto o día 23 de decembro ás 18.30 h

Susa Herrera e o seu cuarteto As Comadres levarán ao escenario do Liceo os sons de Cabárceno

O público poderá escoitar as cancións do último disco da docente da Universidade de Vigo


ImageHai agora xusto un ano, en decembro de 2015, Susa Herrera, escritora e docente da Universidade de Vigo, presentaba o seu último libro musical, titulado En Cabárceno se sigue cantando, como continuidade ao publicada en 2012 En Cabárceno se oye cantar. O seu éxito editorial veu acompañado ao longo deste ano por diferentes actuacións que continúan este venres cun concerto no Liceo de Ourense destinado ás familias con nenos ou nenas a partir de catro anos de idade. Nel, a docente estará acompañada polas ex alumnas súas do campus de Pontevedra Tere Gómez, Lara Expósito e Merchy Rozas, coas que forma o cuarteto As Comadres.
Venres, 16 de decembro do 2016

Do 26 ao 30 de decembro a cidade de Ourense acollerá unha nova edición desta mostra

O teatro infantil volve polo Nadal da man da Moti

A Aula Gepetto do campus estreará a obra 'O traxe novo da emperatriz'


ImageÉ tempo de Nadal e un ano máis a Mostra de Teatro Infantil de Ourense Moti volve á programación cultural da cidade para encher de fantasía o tempo de ocio dos máis cativos e cativas. A 13 edición deste certame celebrarase na semana do 26 ao 30 de decembro, aínda que para abrir boca haberá un espectáculo de rúa o día 18. Nela participarán 16 compañías, procedentes a metade delas de Galicia e o resto de Cataluña, País Vasco, Madrid, Asturias, Arxentina e Portugal. Elas serán as encargadas de ofrecer 18 representacións de diferente formato, desde teatro para bebés a circo contemporáneo. Un ano máis o campus de Ourense volve a ter un protagonismo destacado nesta cita, xa que ademais de ser unha das entidades que a financia acollerá nas súas instalacións varios dos seus espectáculos e a Aula Universitaria de Teatro Infantil Gepetto estreará nela a súa última produción.
Luns, 12 de decembro do 2016

O campus de Ourense celebrou este luns o seu tradicional concerto destas datas

Música e retranca para recibir cun sorriso o Nadal

A cargo de Vaamonde, Lamas e Romero e a Unión Musical de Allariz


ImageAcompañado pola Unión Musical de Allariz, o trío Vaamonde, Lamas & Romero foi o encargado este luns de pór a banda sonora ao Nadal no campus de Ourense ofrecendo un concerto que reuniu no Edificio Politécnico a membros da comunidade universitaria e cidadáns en xeral para celebrar xuntos o comezo destas festas. Con moito humor e retranca, algo de teatralidade e sobre todo con moita música popular galega reinterpretada desde a modernidade, Vaamonde, Lamas & Romero volveron sorprender e conquistar ao público coa súa orixinal proposta escénica.
Martes, 29 de novembro do 2016

Este ano actuarán o trío Vaamonde, Lamas e Romero e a Unión Musical de Allariz

Música popular galega... e algo máis para o concerto de Nadal

A cita será o luns 12 de decembro no Edificio Politécnico do campus


Image“Música popular galega... e algo máis”. Así é como definen o trío musical Vaamonde, Lamas & Romero o seu estilo. Eles serán os encargados de ofrecer este ano o tradicional concerto de Nadal que se organiza no campus de Ourense co obxectivo de reunir á comunidade universitaria para conmemorar estas datas sinaladas. Con entrada libre e de balde ata completar aforo, o concerto contará tamén coa participación da Unión Musical de Allariz, que acompañará a Vaamonde, Lamas & Romero na súa actuación. A cita será o luns 12 de decembro, ás 20.00 h, na sala Marie Curie do Edificio Politécnico do campus.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 567

Duvi. Diario da Universidade de Vigo. | Contacta con nós