DUVI. Diario da Universidade de Vigo
Inicio arrow Cultura arrow Campus Pontevedra

Campus Pontevedra

Xoves, 23 de febreiro do 2017

17 alumnos participan no taller que se desenvolve na EE Forestal

O obradoiro de instrumentos populares retorna co reto dun concerto

O seu obxectivo é servir como xerme á creación dun grupo de música tradicional no campus


ImageRematar o curso interpretando conxuntamente algunhas pezas nunha actuación. Ese é o reto que teñen por diante os 17 alumnos e alumnas do obradoiro Interpretación de instrumentos populares galegos, que se vén desenvolvendo desde comezos de mes na Escola de Enxeñaría Forestal. “A única diferencia respecto das edicións anteriores é esa idea de facer un concerto final e estámonos preparando para ese evento”, sinala nese senso Luís Torres, director deste taller impartido polo músico José Luis Sánchez Bolón que forma parte da programación de obradoiros propostos pola Vicerreitoría do campus para este segundo cuadrimestre.
Mércores, 22 de febreiro do 2017

A Biblioteca Central sumouse aos actos co gallo do 180 aniversario do seu nacemento

O campus homenaxea a unha Rosalía máis viva que nunca

Xunto a unha lectura de poemas e a proxección de vídeos, o acto pechouse cun ‘mannequin challenge’


ImageCon caretas de Rosalía nas súas mans, estudantes, docentes e PAS do campus ficaron este mediodía inmóbiles durante uns segundos para sumarse ao mannequin challenge, a gravación dun vídeo no que todas as persoas aparecen detidas, co que a Biblioteca Central pechaba o acto co que rendía homenaxe a Rosalía de Castro. Co gallo da conmemoración, este venres 24, do 180 aniversario do seu nacemento, o campus acolleu un acto no que o presidente da Fundación Rosalía de Castro e profesor da Universidade Anxo Angueira lembraba que “hai 180 anos naceu unha ilusión, unha esperanza e un novo horizonte que hoxe están tal vez máis vivos ca nunca”.
Martes, 21 de febreiro do 2017

O vicepresidente da Deputación protagonizou a segunda sesión de Conversas na UVigo

César Mosquera: “Non fixemos a cidade así para que fose bonita”

O edil realizou un percorrido pola súa traxectoria no goberno municipal


ImageO modelo urbano de Pontevedra e a progresiva conversión en peonís dalgunhas das súas principais rúas foron un dos eixos do coloquio que na tarde deste martes mantiveron o concelleiro e vicepresidente da Deputación, César Mosquera, e o columnista e escritor Rodrigo Cota, nunha nova sesión do ciclo Conversas na UVigo, que a Vicerreitoría promove xunto co Diario de Pontevedra. “Unha concepción social moi clara”, que buscaba facer do espazo público un lugar “que a xente poida desfrutar en total igualdade” foi, segundo afirmou, o motivo principal dun proceso no que non pretenderon “facer a cidade así para que fose bonita e agradable”.
Luns, 20 de febreiro do 2017

Guiará a dez estudantes na realización de pezas que relacionen o Lérez coa figura humana

O premiado cineasta Oliver Laxe impartirá un obradoiro no campus

O taller forma parte do programa do festival Novos Cinemas, no que se exhibirán as curtas resultantes


ImageGañador o pasado ano, coa súa película Mimosas, do gran premio da Semana da Crítica de Cannes, onde xa fora premiado pola súa primeira longametraxe, Todos vós sodes capitáns, Oliver Laxe retornará en abril ao campus no que comezou os seus estudos, que posteriormente completou na Universitat Pompeu Fabra. O cineasta galego será o encargado de titorizar aos dez estudantes que participen en Correntes, un obradoiro formativo inserido na segunda edición do festival Novos Cinemas, que exhibirá as pezas resultantes dun taller que levará ao alumnado a pór en relación o río Lérez coas persoas que o transitan e viven na súa contorna.
Venres, 17 de febreiro do 2017

CCSS e da Comunicación acolle unha nova edición do taller ‘Fala. Oratoria e comunicación’

Para mellorar as dotes oratorias hai que poñer o chándal

Inserido na programación de obradoiros da Vicerreitoría, céntrase no uso de técnicas teatrais e de clown


Image“Nos días previos ao inicio do taller, sempre envío un correo aos alumnos pedíndolles que sexan puntuais e veñan con roupa e calzado deportivo e iso rómpelles os esquemas...”, apunta Alberto Rosell, responsable do obradoiro Fala. Oratoria e Comunicación, que, no marco da programación de obradoiros de Extensión Cultural do campus, busca mellorar as dotes comunicativas dos e das asistentes. E de facelo ademais a través do traballo das emocións e da desinhibición, a través dunha serie de exercicios e dinámicas grupais que os levan a saltar, rir, suar e mesmo cantar nas sesións que se veñen desenvolvéndo ao longo deste mes en Ciencias Sociais e da Comunicación.
Venres, 17 de febreiro do 2017

A exposición 'Tecido Cru' reúne as creacións realizadas por 29 estudantes da titulación

Esdemga afonda nos principios construtivos do deseño na igrexa da USC

A mostra reúne unha escolma de proxectos elaborados a partires de tecidos carentes de cores


ImageAmosar e facer lexibles os fundamentos do deseño, pero tamén defender o proceso de construción dun vestido como un obxecto poético. Estas dúas ideas conflúen en Tecido Cru, o proxecto expositivo que reúne unha serie de traballos realizados polo alumnado de Esdemga a partires de tecidos nus, carentes de cores ou estampados. Un proxecto comisariado polas profesoras e investigadoras do grupo DX7 Lola Dopico e Cristina Varela que hai poucas semanas despedía a súa segunda edición na Casa Galega da Cultura de Vigo para agora viaxar ata a Igrexa da Universidade de Santiago de Compostela.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 586

Duvi. Diario da Universidade de Vigo. | Contacta con nós