DUVI. Diario da Universidade de Vigo
Inicio arrow Alumnado arrow Campus Ourense

Campus Ourense

Venres, 17 de febreiro do 2017

Unha alumna de Traballo Social conta desde este mes cunha cadela guía

Lucy, un novo e moi especial membro da comunidade universitaria

O seu é o primeiro caso deste tipo na Universidade de Vigo


ImageNunha sociedade cada vez máis diversa, as aulas universitarias son tamén cada vez máis diversas. Nelas conflúen persoas con idades, obxectivos, necesidades, orixes e perfís moi diferentes. No campus de Ourense, ese mosaico vén de ampliarse este mes coa chegada de Lucy, o primeiro can guía, neste caso cadela guía, que se incorpora ás aulas da Universidade de Vigo. Despois dun difícil proceso de selección para que lle fose concedido este apoio por parte da Fundación Once do Can Guía, Lucía González, alumna de cuarto curso do grao de Traballo Social con discapacidade visual, puido deixar de guiarse co bastón para facelo con esta cadela de raza labrador “moi xoguetona pero moi intelixente”. Antes da súa incorporación, os demais membros da comunidade universitaria recibiron indicacións sobre como tiñan que actuar ante a súa presenza e dúas semanas despois da súa chegada, Lucy xa participa da vida universitaria.
Mércores, 08 de febreiro do 2017

Representantes do campus, do concello e de Resa visitárona este mércores trala súa reapertura

A residencia universitaria recobra vida

26 inquilinos ocupan xa algunha das habitacións do centro


ImageO pasado 16 de xaneiro reabriu as súas portas a Residencia Universitaria As Burgas, a residencia do campus de Ourense, despois de case dous anos e medio pechada para acometer as obras de urbanización da contorna necesarias. Este mércores, celebrouse a reapertura oficial da residencia coa asistencia de Virxilio Rodríguez, vicerreitor do campus de Ourense; Jesús Vázquez, alcalde de Ourense, e Mónica Garay, conselleira delegada de Resa, empresa concesionaria da xestión deste servizo. Na actualidade son 26 inquilinos e inquilinas que fan uso das súas instalacións.
Luns, 06 de febreiro do 2017

30 alumnos e docentes do campus participarán na actividade

Marrocos, destino da oitava viaxe de estudos arqueolóxicos

Durante dez días somerxeranse no patrimonio histórico e cultural do país veciño


ImageUnha das citas máis agardadas polo alumnado da Facultade de Historia é a celebración cada curso da viaxe de estudos arqueolóxicas. Coincidindo coas vacacións de Entroido, o Grupo de Estudos de Arqueoloxía, Antigüidade e Territorio, con Fermín Pérez á cabeza, e a Delegación de Alumnos de Historia organiza cada ano unha viaxe “autoxestionada, bastante alternativa e aventureira, moi participativa e, sobre todo, o máis a baixo custe posible” para coñecer o patrimonio histórico e cultural dun país. Este ano o destino elixido é Marrocos e serán 30 estudantes e docentes do campus de Ourense os que durante dez días percorrerán o país veciño.
Venres, 03 de febreiro do 2017

A Escola Infantil do campus adiantou uns días a celebración desta tradición

Un "venres fareleiro" para dar comezo ás festas do Entroido

As actividades continuarán cada semana ata finais de febreiro


ImageO domingo fareleiro dá tradicionalmente o pistoletazo de saída ás festas do Entroido en Ourense. Adaptando este calendario ao seu horario lectivo, o alumnado da Escola Infantil do campus de Ourense celebrou este venres a súa particular batalla con fariña. Os nenos e nenas de ata tres anos do centro tiveron a oportunidade de xogar con este produto e de enzoufarse, e enzoufar aos compañeiros e compañeiras de aula, todo o que quixeron. Foi unha actividade de experimentación, lecer e tamén de familiarización cunha tradición coa que os cativos e cativas se divertiron moito.
Martes, 31 de xaneiro do 2017

Alumnado de Dereito visitou o Congreso dos Deputados, o Tribunal Constitucional e o Supremo

Unha viaxe a Madrid para coñecer de primeira man órganos fundamentais do estado

Foron recibidos por Ana Pastor


ImageAlumnado da Facultade de Dereito do campus de Ourense vén de realizar unha viaxe institucional ao Tribunal Supremo, ao Congreso dos Deputados e ao Tribunal Constitucional, organizada pola delegación de alumnos coa colaboración do centro. Os estudantes tiveron a oportunidade de coñecer, in situ e a través de persoas que exercen nestas entidades cargos públicos de máxima responsabilidade, a organización, funcionamento e estrutura destes “órganos fundamentais do estado social e democrático de dereito” e os principios e valores que os rexen.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 9 de 351

Duvi. Diario da Universidade de Vigo. | Contacta con nós