DUVI. Diario da Universidade de Vigo
Inicio arrow Campus de Ourense
Xoves, 19 de outubro do 2017

A filósofa Ana de Miguel participou este xoves nas 'Xornadas Feminismo e Teoría do Dereito'

O mito da libre elección como instrumento para perpetuar o patriarcado

A súa intervención tivo lugar nos campus de Vigo e Ourense


ImageEste xoves as Xornadas Feminismo e Teoría do Dereito arrancaron nos campus de Vigo e Ourense cunha conferencia da profesora da Universidad Rey Juan Carlos de Madrid Ana de Miguel. A filósofa e feminista compartiu primeiro con alumnado da Facultade de Dereito e despois con estudantes da Facultade de Ciencias Xurídicas e do Traballo a súa visión sobre o feminismo e a desigualdade de xénero, abordando entre outros temas o mito da libre elección como instrumento para perpetuar o sistema patriarcal. As xornadas contan con financiamento da Unidade de Igualdade.
Xoves, 19 de outubro do 2017

O profesor Manuel Ojea presentou un libro sobre o procesamento perceptivo e cognitivo deste colectivo

A creación de redes semánticas, unha chave para a aprendizaxe das persoas con trastorno autista

Nel realiza unha abordaxe desta problemática desde un punto de vista teórico


ImageAs persoas con trastorno do espectro autista (TEA), explica o profesor da Universidade de Vigo Manuel Ojea, presentan “limitacións en relación ao proceso de percibir, seleccionar, procesar, codificar e recuperar a información procedente do medio, o que inflúe no proceso de adquisición dun nivel perceptivo axeitado sobre a identidade persoal e autoconcepto así como nos diferentes niveis de autonomía e capacidades de resposta”. Abordando esta cuestión, no seu último libro, presentado este xoves no campus de Ourense, o doutor en Psicopedagoxía afondou no marco teórico do procesamento perceptivo-cognitivo neste colectivo mediante a creación de redes semánticas.
Mércores, 18 de outubro do 2017

Este mércores inaugurouse a exposición e presentouse o catálogo deste proxecto expositivo

Alterarte amosa no Marcos Valcárcel os fondos doados polos artistas que participaron en 'Estado Crítico 2'

As obras forman parte da colección desta sala do campus de Ourense


ImageEntre xaneiro de 2013 e agosto de 2015, a sala de arte contemporáneo do campus de Ourense, a Sala Alterarte, desenvolveu o proxecto expositivo Estado Crítico 2. 10 Comisarios 10 Artistas. Ao seu abeiro, foi acollendo once mostras doutros tantos creadores curadas por profesores da Universidade de Vigo. Ao londo deste tempo e como xa vén sendo tradición neste espazo, cada un dos artistas participantes doou unha obra súa á colección da sala universitaria. Este mércores inaugurouse no Centro Cultural Marcos Valcárcel da Deputación de Ourense a mostra Estado Crítico 2 na Colección Alterarte ao mesmo tempo que se presentou o seu catálogo.
Mércores, 18 de outubro do 2017

A asociación Auce convoca unha nova edición do seu Obradoiro Contos ConSenso

Relendo a literatura infantil desde unha perspectiva de xénero

As persoas participantes traballarán arredor de contidos e formas narrativas


Image“A tradición oral é clave para a transmisión de aprendizaxes e a construción do imaxinario colectivo. Os contos enchen as nosas vidas tanto en espazos de aprendizaxe formal como no cotián a través da oralidade e dos medios audiovisuais. Por isto, consideramos imprescindible deconstruír o imaxinario heteropatrical, capacitista, especista, etnocentrista e capitalista, entre outras cuestións. Pensamos que é importante visibilizar outros modelos existentes que poñan en valor a diversidade”. Con estas premisas, a Asociación Universitaria de Ciencias da Educación Auce celebrará a finais de outubro unha nova edición do seu Obradoiro Contos ConSenso: Contos con Perspectiva de Xénero.
Martes, 17 de outubro do 2017

Víctor Nogueira falou este martes no campus sobre a presenza no exterior destes negocios

Empresa familiar, empresa internacionalizada

O presidente da asociación galega do sector destacou os beneficios que ten “abrirse ao mundo”


ImageExperiencias na internacionalización como camiño do crecemento e a expansión na empresa familiar. Baixo este título, Víctor Nogueira, presidente da Asociación Galega da Empresa Familiar, foi o encargado este martes de explicar ao alumnado da Facultade de Ciencias Empresariais e Turismo do campus de Ourense a importancia da empresa familiar no escenario económico e concretamente a súa aposta, “por vocación e por visión empresarial”, pola internacionalización. “Sen dúbida, hai que abrirse ao mundo e hai que facelo, sobre todo, con sentidiño”, subliñou o presidente dunha entidade que na actualidade está integrada por 55 entidades que facturan arredor de 9300 millóns de euros.
Martes, 17 de outubro do 2017

A iniciativa forma parte do convenio de colaboración asinado polo Concello e a institución académica

O Festival de Cine Internacional de Ourense presenta o seu primeiro Xurado Universitario

Catro dos estudantes seleccionados cursan o Grao en Comunicación Audiovisual


ImageEste martes o Festival de Cine Internacional de Ourense presentou o seu primeiro Xurado Universitario, que estará formado polos estudantes da Universidade de Vigo Cora Diz, Rebeca Lar, Ricardo Araújo, Nicolás Pérez e Lucía Estévez. A creación do Xurado Universitario está enmarcada no convenio de colaboración que o Concello de Ourense e a Universidade de Vigo asinaron recentemente para achegar a cultura cinematográfica á mocidade universitaria durante a 22ª edición do certame, que se celebrará do 20 ao 27 de outubro.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 3784

Duvi. Diario da Universidade de Vigo. | Contacta con nós