DUVI. Diario da Universidade de Vigo
Inicio arrow Campus de Ourense
Xoves, 15 de xuño do 2017

A facultade concedeu os seus premios anuais a Estefanía Iglesias, Marc Ciurana e Claudia Campillo

O menú escolar, a optimización de envases e os metais no solo, temas dos mellores traballos fin de grao de Ciencias

En recoñecemento ao esforzo investigador feito por estes estudantes


ImageUn estudo sobre a valoración nutricional dos menús ofertados nun comedor escolar, outro sobre a optimización de envases para a industria alimentaria mediante simulación numérica por elementos finitos e outro sobre a deposición de metais pesados a un solo de bosque caducifolio a través da caída de material senescente. Estes son os tres traballos fin de grao realizados por estudantes do campus de Ourense que este curso veñen de acadar os premios aos mellores traballos fin de grao da Facultade de Ciencias. Estes galardóns, que foron entregados no acto de graduación do centro, teñen como obxectivo recoñecer e potenciar o esforzo investigador do seu alumnado.
Xoves, 15 de xuño do 2017

O festival do alumnado do Programa Universitario de Maiores tivo lugar este mércores

Os estudantes sénior despiden o curso académico desde o escenario

Á celebración asistiron membros da comunidade universitaria e familiares


ImageCo curso académico xa na súa recta final, sucédense no campus de Ourense os actos de graduación e as celebracións de fin de curso. Este mércores os protagonistas foron os alumnos e alumnas do seu Programa Universitario de Maiores. A Asociación de Maiores do campus ourensán foi a encargada de organizar un festival de fin de curso no que os propios estudantes sénior foron os encargados de subir ao escenario para contar contos, para cantar e para tocar algún instrumento. Con esta festa, que compartiron estudantes e responsables do Programa Universitario de Maiores e familiares, os seus organizadores quixeron pechar o curso cun bo sabor de boca.
Mércores, 14 de xuño do 2017

15 estudantes de Ciencias Empresariais e Turismo participan nun seminario internacional

Alumnado do campus explica en Saarbrücken o modelo turístico galego

Durante unha semana están na universidade HTW Saar


ImageDesde o pasado sábado, día 10 de xuño, e ata o 17 de xuño, 15 estudantes da Facultade de Ciencias Empresariais e Turismo do campus de Ourense participan nun seminario internacional na universidade alemá HTW Saar, da cidade de Saarbrücken, en Alemaña. Alí comparten convivencia e aprendizaxe co alumnado desa universidade, ao que teñen a misión de explicarlle as principais características de Galicia e do seu modelo de desenvolvemento turístico. “O seminario está indo moi ben, os estudantes están encantados co recibimento que tiveron e pola oportunidade que teñen de vivir unha experiencia deste tipo. Todos lles sorprende”, explica Elena de Prada.
Mércores, 14 de xuño do 2017

A Biblioteca Rosalía de Castro acolle ata o 7 de xullo unha mostra sobre o escritor

Unha ventá aberta á obra de Casares a través das capas dos seus libros

No marco da programación organizada co gallo das Letras Galegas 2017


ImageO pasado 17 de maio celebrouse o Día das Letras Galegas, que nesta edición 2017 estivo dedicada ao escritor ourensán Carlos Casares. Porén, cada ano os actos de homenaxe ao escritor elixido en cada edición prolóngase alén desa data co obxectivo de aproveitar a conmemoración para dar maior visibilidade á literatura galega e aos seus creadores. Deste xeito, no campus de Ourense desde este martes e ata o 7 de xullo, a Biblioteca Rosalía de Castro acolle a exposición As caras dos libros. O deseño de capas na obra de Carlos Casares.
Martes, 13 de xuño do 2017

A duodécima edición deste encontro internacional está organizada polo grupo Ephyslab

Spheric 2017 reúne en Ourense a 120 expertos en simulación de fluídos procedentes de 21 países

Durante tres días presentaranse 60 comunicacións sobre o modelo computacional SPH


ImageEste martes arrancou no campus de Ourense a celebración de Spheric 2017, o 12th International Smoothed Particle Hydrodynamics European Research Interest Community Workshop. A cita, organizada polo grupo da Universidade de Vigo Ephyslab, Environmental Physics Laboratory, e o Flanders Hydraulics Research, reúne a 120 expertos e expertas en simulación de fluídos procedentes de 21 países. Durante os tres días de encontro, levaranse a cabo 60 presentacións nas que se afondará nas últimas novidades tecnolóxicas e de aplicación do modelo computacional SPH, modelo emerxente que se emprega principalmente para realizar todo tipo de simulacións de fluídos, desde o impacto das ondas na costa ata a colisión de galaxias. “A resposta á convocatoria deste workshop en Ourense foi moi boa, superando a cifra de participantes de anteriores edicións”, destacou Alejandro Cabrera en nome do comité organizador.
Luns, 12 de xuño do 2017

A cita desenvolverase do 26 ao 30 de xuño

O II Campus de Xadrez fomentará este deporte entre rapaces e rapazas

A formación correrá a cargo do gran mestre internacional Arian González


ImageNo marco do seu compromiso co fomento do xadrez entre as xeracións máis novas, a Área de Benestar, Saúde e Deporte e o Xadrez Universitario Campus Ourense levan a cabo diferentes iniciativas ao longo de cada curso académico. Unha delas será este mes de xuño a celebración do II Campus de Xadrez-Campus Ourense, no que rapaces e rapazas de 5 e 14 anos poderán divertirse e mellorar o seu xogo neste deporte de man dun gran mestre internacional. “O que queremos é que aprendan pero sobre todo que se enganchen á práctica deste deporte e á súa competición ofrecéndolle un actividade que conxuga moi ben diversión e formación”, explica a organización.
Resultados 13 - 18 de 3685

Duvi. Diario da Universidade de Vigo. | Contacta con nós