DUVI. Diario da Universidade de Vigo
Inicio arrow Campus de Ourense
Venres, 14 de xullo do 2017

O campus acolleu este venres a reunión constitutiva do seu comité de xestión e coordinación

O Proxecto RISC Miño-Limia arranca co obxectivo de mitigar os efectos do cambio climático na conca internacional

O orzamento da iniciativa ascende a 2.335.283 euros


ImageO campus de Ourense acolleu este venres a reunión constitutiva do Comité de Xestión e Coordinación do Proxecto RISC Miño-Limia. Este proxecto, financiado polo Programa de Cooperación Transfronteiriza Interreg V-A España-Portugal (Poctep) 2014-2020, ten como obxectivo o deseño de medidas orientadas a mitigar os efectos dos fenómenos extremos derivados do cambio climático, como inundacións ou secas, nesta demarcación hidrográfica internacional. O líder do proxecto, que conta cun orzamento superior aos dous millóns de euros, é a Confederación Hidrográfica Miño-Sil e os socios a súa homóloga lusa ARH Norte e as universidades de Porto e Vigo.
Venres, 14 de xullo do 2017

O Grupo de Investigación Medea Iuris organizou unha xornada sobre este tema

Unha ollada á corrupción desde a xurisdición penal e administrativa

A cita tivo lugar este xoves no Colexio de Avogados de Ourense


ImageO pasado mes de marzo asinouse un convenio entre a Universidade de Vigo e a Fundación Alfonso Martín Escudero para a creación do Observatorio de Estudos sobre Corrupción Pública, xestionado desde a Facultade de Dereito polo Grupo de Investigación Medea Iuris deste centro. Este xoves, a entidade celebrou a súa primeira actividade, unha Xornada sobre as xurisdicións penal e contencioso-administrativa na loita contra a corrupción pública. Nela, deronse cita expertos do eido académico e profesional para abordar unha das problemáticas que maior preocupación xera na sociedade en xeral e no eido xurídico en particular, como é a corrupción pública.
Xoves, 13 de xullo do 2017

O proxecto está encabezado pola investigadora Nazaret Rodríguez

Desenvolven unha crema solar con auga termal e pebidas de bagazo

Co obxectivo de valorizar os recursos hídricos e os residuos vitivinícolas


ImageNos últimos anos, investigadoras dos departamentos de Enxeñería Química, Bioloxía Funcional e Ciencias da Saúde e de Química Analítica e Alimentaria da Universidade de Vigo, con Herminia Domínguez, María José Pérez e Elena Falqué á cabeza, veñen desenvolvendo diferentes proxectos nos que se aborda a valorización tanto das augas mineromedicinais de Ourense como de residuos forestais e agroalimentarios a través da elaboración de produtos cosméticos. Un dos últimos avances acadados neste eido foi a recentemente realización con éxito de cremas solares con augas dos principais mananciais termais ourensáns e cun extracto de pebida de bagazo de Mencía.
Mércores, 12 de xullo do 2017

Un equipo de 20 persoas traballa durante o mes de xullo en Armea e a súa contorna

As primeiras escavacións nas Pioucas da Santa de Allariz sinalan unha orixe romana

A intervención está realizada polo Grupo de Estudos en Arqueoloxía, Antigüidade e Territorio


ImageDesde o pasado 1 de xullo, un equipo de 20 persoas baixo a dirección do Grupo de Estudos en Arqueoloxía, Antigüidade e Territorio (Geaat) da Universidade de Vigo traballa en diferentes puntos do Concello de Allariz co obxectivo de afondar no coñecemento histórico da "Cibdá de Armea", que os arqueólogos datan no século I. A piques de chegar ao ecuador da intervención, xa está ao descuberto a zona da atalaia da finca municipal que forma parte do xacemento do castro e realizáronse as primeiras escavacións no lugar de culto das Pioucas da Santa. Os primeiros achados neste último enclave apuntan a que as pioucas datarían de época romana e terían unha funcionalidade de lagar.
Martes, 11 de xullo do 2017

O centro habilita unha zona de consulta con material didáctico de educación

Un novo recuncho na biblioteca universitaria no que asomarse ao mundo infantil e xuvenil

No espazo teñen un protagonismo destacado os libros destinados a estes públicos


ImageNa busca continúa por dinamizar os seus fondos, a Biblioteca Rosalía de Castro do campus de Ourense vén de habilitar un novo espazos nas súas instalacións. Onde ata o de agora había unha zona de lectura de obra literaria en diferentes idiomas, agora ubícase unha zona de consulta con material didáctico de educación. O espazo xorde tendo en conta aspectos como o feito de que o centro con maior número de alumnos e alumnas do campus de Ourense, e polo tanto máis potenciais usuarios desta biblioteca, é a Facultade de Ciencias da Educación a existencia no campus dunha escola infantil.
Martes, 11 de xullo do 2017

O director xerente de Coplant Galicia afondou no campus nos chamados ERP

Sobre as vantaxes de facer 'a medida' un sistema de planificación de recursos empresariais

Investigadores do grupo Lia2 colaboraron no deseño do modelo que ten esta empresa de plantas ornamentais


ImageDesde arredor do ano 2010, investigadores do Laboratorio de Informática Aplicada Lia2, con sede na Escola Superior de Enxeñaría Informática (ESEI) do campus de Ourense, veñen desenvolvendo diferentes proxectos con Coplant, a segunda maior empresa estatal en comercialización de planta ornamental viva. Froito deste traballo conxunto a entidade conta na actualidade cun sistema tecnolóxico de xestión da información que lle permite dar resposta ás súas necesidades internas e externas. Para falar deste proceso e dar a visión dun CEO sobre a implantación dun ERP, un sistema de planificación de recursos empresariais, este martes estaba previsto que se achegase ao campus Emilio Estévez.
Resultados 31 - 36 de 3743

Duvi. Diario da Universidade de Vigo. | Contacta con nós