DUVI. Diario da Universidade de Vigo
Inicio arrow Campus de Ourense
Luns, 10 de xullo do 2017

A cifra triplica a do ano académico anterior

O Gabinete Psicopedagóxico do campus despide o curso superando as 1800 consultas

O servizo pecha o venres a súa actividade ata o día 1 de setembro


ImageEste venres, 14 de xullo, o Gabinete Psicpedagóxico do campus de Ourense pecha a súa actividade ata o 1 de setembro e faino facendo un balance moi positivo dos resultados neste curso académico 2016/2017 que está a piques de rematar. As 1836 consultas atendidas durante este período triplican a cifra do curso pasado e amosan, tal e como destaca a responsable do gabinete, Isabel Ferreiro, “como cada día este servizo é máis coñecidos entre o alumnado, o noso principal usuario, e entre o profesorado, que cada vez nos deriva máis estudantes”.
Luns, 10 de xullo do 2017

80 xogadores, 79 deles internacionais, participaron na competición

Sergey A. Fedorchuk gañou un disputado IV Torneo Internacional de Xadrez Campus Ourense

O certame celebrouse do 1 ao 7 de xullo na biblioteca universitaria


ImageDespois dunha dura semana de competición, o venres 7 de xullo rematou o IV Torneo Internacional de Xadrez Campus Ourense coa entrega de premios aos gañadores. Finalmente Sergey A. Fedorchuk, gran mestre ucraíno cun Elo maior de 2600 que ten estado entre os cen mellores xogadores do mundo, acadou o primeiro posto. Despois de liderar case toda a competición, o xogador fíxose cun torneo que este ano destacou pola calidade dos seus participantes, xa que 79 dos 80 xogadores eran internacionais e 26 deles mestres. “Foi un torneo moi bo, dun gran nivel de xogo”, destacou Lino Hermida, director da cita e da Asociación de Xadrez Ourensán Universitaria.
Venres, 07 de xullo do 2017

O Curso de Medios Audiovisuais de Celanova clausurouse este venres

Talento de hoxe e de mañá para despedir o Cemac 2017

Durante a sesión presentouse o proxecto de curtametraxe 'Van'


ImageEste venres clausurouse o XIV Curso de Medios Audiovisuais de Celanova (Cemac 2017), organizado no marco dos cursos de extensión universitaria do campus de Ourense coa Fundación Carlos Casares. Acorde co título desta edición, A obra audiovisual. Suma de talentos, a cita rematou subindo ao escenario a talento de hoxe e de mañá forxado moito del nas aulas da Facultade de Ciencias Sociais e da Comunicación da Universidade de Vigo. Os arredor de 40 asistentes ao Cemac 2017 recolleron os seus diplomas nunha sesión na que os estudantes que participaron no Taller Celanova, Plató de Ficción deste curso presentaron o seu proxecto de curtametraxe Van e un adianto da peza, que se estreará en outono.
Venres, 07 de xullo do 2017

No marco da misión comercial USA-Ourense organizada pola Deputación Provincial

O campus explora vías de colaboración coa Chapman University

A súa directiva Loretta Sánchez visitou este venres as instalacións universitarias


ImageArredor dun centenar empresas e institucións, 75 ourensás e 22 estadounidenses, participan este xoves e venres na cidade das Burgas na segunda edición da misión comercial USA-Ourense, un encontro empresarial organizado pola Deputación Provincial no que empresarios e representantes institucionais analizan vías de negocio e cooperación en diferentes sectores. No marco da axenda dos participantes, este venres, día 7 de xullo, Loretta Sánchez, directiva da Chapman University, de Estados Unidos, visitou o campus de Ourense co obxectivo de valorar a apertura de vías de colaboración en cuestións de interese mutuo.
Xoves, 06 de xullo do 2017

Susana Peleteiro desenvolveu un proxecto Inou sobre a súa valorización e aproveitamento

A palla de trigo, posible fonte de compostos de alto valor engadido

Durante a investigación acadou furanos a través de tratamentos pouco contaminantes


ImageAproveitar e valorizar un residuo agrícola abundante en Ourense e Galicia como é a palla de trigo a través da produción de compostos de alto valor engadido e empregando tratamentos pouco contaminantes e que xeren poucos residuos, como a auga. Con este dobre obxectivo, a investigadora da Facultade de Ciencias do campus de Ourense Susana Peleteiro desenvolveu un proxecto de investigación, enmarcado no Campus da Auga, no que acadou a partir destes residuos furanos (5-hidroximetilfurfural e furfural), compostos con alto valor engadido.
Mércores, 05 de xullo do 2017

Cristina Vázquez estará do 4 ao 16 de agosto na universidade alemá

Unha alumna de Turismo consegue a bolsa da Hochschule Bremerhaven para a súa escola de verán

A iniciativa enmárcase no convenio de colaboración existente con esa institución académica


ImageNa súa faciana internacional, a Facultade de Ciencias Empresariais e Turismo do campus de Ourense ten unha especial relación coa Hochschule Bremerhaven, University of Applied Sciences, de Alemaña. Entre as diferentes iniciativas levadas a cabo este curso académico entre as dúas institucións estivo a convocatoria dunha bolsa, sufragada pola universidade alemá, para que un estudante do centro ourensán asista á súa Summer School 2017. A alumna de terceiro curso do Grao en Turismo Cristina Vázquez foi alumna que gañou o proceso de selección, levado a cabo pola facultade do campus.
Resultados 37 - 42 de 3743

Duvi. Diario da Universidade de Vigo. | Contacta con nós