DUVI. Diario da Universidade de Vigo
Inicio arrow Campus de Ourense
Xoves, 04 de outubro do 2007

Nas XIX Xornadas de Banda Deseñada

Jacobo Fernández e Diego Blanco levan ao campus a festa galega do cómic

Coas obras "As aventuras de Cacacuequi" e "Delicatessen"

ImageTomar un café ou pasear polos corredores da facultade ao carón de obras recoñecidas da banda deseñada, son a partir de hoxe dúas opcións compatibles.
Na primeira planta do Edificio Politécnico, “cacacuequi” e unha estraña rapaza incitan a desviar a vista cara as paredes; mentres que, na cafetería da Bibiloteca, unha escolma de debuxos de Diego Blanco acompañan aos momentos de lecer.
A estas obras súmanse oito exposicións e diversas actividades que se celebrarán en diversos espazos da cidade das Burgas ata o vindeiro 21 de outubro, data de remate da festa galega do cómic.
Mércores, 03 de outubro do 2007

Entrevista ao coordinador do I Curso de Educación Ambiental, Manuel Vidal

"Hai que actuar porque isto ten data de caducidade como un iogur"

ImageAta o vindeiro 11 de novembro, unha quincena de titulados nas ramas da Educación participarán no I Curso de Formación en Educación Ambiental, organizado pola Universidade co fin de complementar a formación dos desempregados.
No seu transcurso afondarán nunha chea de problemáticas medioambientais e as mellores metodoloxías para concienciar aos distintos colectivos. Ao seu remate poderán incluír no seu currículo a categoría de educador ambiental; o que ,seguramente, lles abrirá novas portas do mercado laboral.
Mércores, 03 de outubro do 2007

O plan SuMa presentado ao Consello de Goberno

Timothy Kehoe, novo Honoris Causa

Image O compromiso da Universidade de Vigo co desenvolvemento sostible, a eficiencia dos recursos e o respecto ao medio natural, tradúcese nunha serie de accións e iniciativas que conforman o Plan de Sostibilidade e Medio Ambiente na Uvigo, SuMA, que hoxe foi presentado polo vicerreitor de planificación, José Cidrás, aos membros do Consello de Goberno.
O plan que podería ser aprobado a finais de ano, estrutúrase a través de sete programas relativos a enerxía, residuos, contorno natural, patrimonio, colaboración coa sociedade e fomento dunha sensibilización ambiental. Novas iniciativas ás que se engaden outras accións que a universidade está a desenvolver actualmente como o programa de innovación enerxética ou iniciativas da Oficina de Medio Ambiente sobre recollida, reciclaxe e tratamento de residuos.
Martes, 02 de outubro do 2007

Inaugurado polo seu coordinador, Humberto Michinel

O POP de Fotónica e Tecnoloxías do Láser formará aos primeiros 24 especialistas

Os alumnos de Ourense accederán en exclusiva a 100 becas para traballar e aprender idiomas no estranxeiro


ImageO director xeral de I+D+i, Salustiano Mato, ademais de representantes doutras entidades, asistiron á sesión de apertura do posgrao interuniversitario orientado a formar especialistas no eido da fotónica e do láser. Nela, ademais de adiantar os contidos académicos, os asistentes percibiron a perspectiva actual deste mercado que move ao ano 2 billóns de euros, a cuarta parte do mercado mundial do automóbil. Dende operar miopía ata soldar carrozaría, múltiples son os eidos profesionais nos que poderán exercer os 24 alumnos matriculados. Pese a que inda non existe un forte núcleo ao que ter como referencia, en Galicia xa son moitos os que coñecen as vantaxes desta tecnoloxía. Algúns exemplos, invitados e presentes no acto a través dos seus representantes, son o Centro Tecnolóxico da Automoción de Galicia, CTAG, a Asociación de Investigación Metalúrxica do Noroeste, AIMEN, ou Radiantis.
Luns, 01 de outubro do 2007

Organizadas pola Asociación Universitaria, Syme

As I Xornadas de Medio Ambiente e Dereito Ambiental poñen punto de saída a un ambicioso proxecto para converter ao Campus de Ourense nun referente ecolóxico

Ao carón doutras actividades e plan deseñados pola Universidade para os tres campus

ImageEstá en boca de todos, o medio natural corre grave perigo. Por sorte, colectivos da sociedade seguen a pular por mudar esta traxectoria fatal. É o caso da asociación medioambiental Syme, que, en forma de información e con conferenciantes de elevado prestixio, levará a cabo a primeira edición dun seminario centrado na relación existente entre natureza e lexislación.
Un esforzo no que conta co apoio incondicional da Vicerreitoría do Campus de Ourense, lista para dar comezo a outras accións e proxectos co fin de preservar os espazos verdes e converterse nun exemplo de utlización de novas enerxías.
Luns, 01 de outubro do 2007

A preinscripción pode realizarse a través da plataforma Bubela

Último prazo de preinscripción e matrícula para POP,s con prazas vacantes


Image Do 1 ao 4 de outubro permanecerá aberto o derradeiro prazo de preinscripción nun total de once Programas Oficiais de Posgraos nos que quedan prazas vacantes.
Os POP,s nos que aínda é posible realizar a preinscripción e posterior matrícula son os seguintes: Técnicas Estatísticas, Ciencia e Tecnoloxía Agroalimentaria, Fotónica e Tecnolxías do Láser, Prevención de Riscos Laborais, Xestión e Dirección Laboral, Química Teórica e Modelización Computacional, Ciencia e Tecnoloxía Química, Física Aplicada, Neurociencia, Dirección e Planificación do Turismo e Enxeñaría Matemática.
A oferta de Programas Oficiais de Posgrao da Universidade de Vigo complétase cara ao vindeiro curso cos POP,s en Dereito Urbanístico e do Medio Ambiente e Enerxía e Sustentabilidade, nos que as prazas ofertadas xa están totalmente cubertas.

 

Resultados 3727 - 3732 de 3743

Duvi. Diario da Universidade de Vigo. | Contacta con nós