DUVI. Diario da Universidade de Vigo
Inicio arrow Campus de Pontevedra
Luns, 09 de outubro do 2017

‘A Canteira’ reúne máis de 100 proxectos de estudantes e egresados

CCSS da Comunicación impulsa unha web para dar a coñecer o talento do seu alumnado

O propósito desta iniciativa é servir como unha ferramenta de promoción ante o sector empresarial


ImageDando continuidade ao proxecto dirixido a dar visibilidade aos traballos desenvolvidos polo alumnado das súas titulacións iniciado en 2015 polo anterior equipo decanal, a Facultade de CCSS e da Comunicación reúne máis dun cento de proxectos audiovisuais, fotográficos ou de gráfica publicitaria de estudantes e egresados na web A Canteira. O portal que articularon os egresados Iago Souto e David Cegarra, no marco do traballo de fin de grao do primeiro, e que busca servir como o colector no que o alumnado poida ir incorporando os seus proxectos co propósito de convertela nun espazo no que o sector empresarial poida atopar profesionais de diferentes perfís.
Luns, 09 de outubro do 2017

Cunha nova edición de Debut, a última que reunirá traballos de todos os cursos do título propio

O alumnado de Esdemga converterá o Pazo da Cultura nunha pasarela o 23 de novembro

A titulación abriu o prazo de inscrición para as persoas interesadas en colaborar como modelos


ImageComo un xeito de promover a conexión do alumnado co mundo profesional naceu hai once anos Debut, a pasarela na que os novos titulados e tituladas en Esdemga presentan as coleccións que constitúen os seus proxectos de fin de estudos. O 23 de novembro, esta titulación de Belas Artes converterá de novo o Pazo da Cultura nunha pasarela, na que, por última vez, amosaranse os traballos realizados nos tres cursos do título propio, dada á implantación do mestrado en Deseño e Dirección Creativa en Moda. Co propósito de reunir a aqueles e aquelas que exhibirán os deseños do alumnado, Esdemga abriu a inscrición para colaborar como modelos nesta pasarela.
Venres, 06 de outubro do 2017

O ente provincial convoca a segunda edición dos Premios Sofía Novoa Ortiz

A Deputación premia a incorporación da perspectiva de xénero nos traballos do alumnado

Outorgará dous premios de 1000 euros e un accésit de 600 nas categorías de fin de grao e fin de máster


ImageFomentar a inclusión da perspectiva de xénero nos traballos académicos que se desenvolven na Universidade de Vigo é o propósito co que a Deputación de Pontevedra impulsou o pasado ano os Premios Sofía Novoa Ortiz, dos que este venres anunciaba a convocatoria da súa segunda edición, na que outorgará un total de seis galardóns a proxectos de fin de grao e de fin de mestrado, por un valor total de 5200 euros. Dirixidos ao alumnado dos campus de Vigo e Pontevedra, o prazo de presentación de solicitudes permanecerá aberto ata o vindeiro venres 27 e os e as participantes terán como data límite para a entrega dos traballos o 3 de novembro.
Venres, 06 de outubro do 2017

Pontevedra acolle entre o 25 e 27 de outubro o III Congreso Internacional Relex

Especialistas de diferentes países abordarán no campus o uso didáctico dos dicionarios no século XXI

‘Lexicografía e didáctica’ é o título dunhas xornadas que reunirán a preto de 40 expertos


ImageDiferentes estudos, apunta o profesor de Ciencias da Educación e do Deporte Carlos Valcárcel, teñen sinalado a infrautilización por parte dos usuarios e usuarias das ferramentas lexicográficas, así como as posibles razóns que sustentan este feito, “que van desde carencias na formación escolar das persoas até o xeito en que os dicionarios presentan a información”. Afondar no uso didáctico destas ferramentas, que no século XXI abranguen tamén formatos electrónicos “con novas funcionalidades” será o obxecto central do debate reunirá no campus a preto de 40 especialistas de diferentes países con motivo do III Congreso Internacional Relex.
Xoves, 05 de outubro do 2017

Representantes das dúas institucións mantiveron unha reunión coa súa comisaria, Julia Fabry

Vicerreitoría e Concello traballan para organizar a maior exposición en España da cineasta Agnès Varda

O proxecto engloba unha mostra de fotografía e instalacións, un ciclo de cine e outro de conferencias


ImageConsiderada un dos nomes de referencia da Nouvelle Vague, a cineasta Agnès Varda foi recoñecida ao longo da súa traxectoria con premios como a Palma de Ouro de Cannes, o León de Ouro de Venecia ou o César de honor, aos que sumará o Óscar honorífico da Academia de Hollywood. Mais, ademais de cinema, Varda ten destacado pola súa traxectoria como fotógrafa e polo labor como artista plástica que iniciou en 2003. Tres facetas que a Vicerretoría e o Concello de Pontevedra, coa colaboración tamén da Deputación, traballarán para achegar a Pontevedra, a través dunha exposición que sería a maior dedicada a Varda en España.
Xoves, 05 de outubro do 2017

Vigo é unha das universidades participantes en ‘Lapassion’, iniciativa coordinada polo Politécnico do Porto

O Campus CREA S2i internacionalízase cun proxecto que conecta 15 institucións europeas e americanas

Financiado cun millón de euros no programa Erasmus+, promove a mobilidade de docentes e estudantes


ImageA Universidade de Vigo é unha das 15 institucións de Europa e América Latina que forman parte do proxecto europeo Lapassion, que coordina o Instituto Politécnico do Porto e que busca identificar e promover, a ambos lados do Atlántico, boas prácticas docentes vinculadas con proxectos multidisciplinares e de colaboración desenvolvidos polo alumnado nos eidos da creatividade e da innovación social. Dúas liñas de traballo que constitúen o “corazón conceptual” do proxecto de especialización CREA S2i e que motivan que o campus pontevedrés participe de maneira significativa neste proxecto financiado con preto dun millón de euros polo programa europeo Erasmus +. Ao longo dos próximos tres anos, Lapassion promoverá a mobilidade de docentes, que contribuirán á formar a investigadores da América Latina nestes eidos, así como estadías de estudantes nas once institucións americanas participantes.
Resultados 19 - 24 de 3363

Duvi. Diario da Universidade de Vigo. | Contacta con nós