DUVI. Diario da Universidade de Vigo
Inicio arrow Campus de Pontevedra
Mércores, 04 de outubro do 2017

A Casa das Campás acollerá tamén cursos de xestión de redes sociais, Photoshop e maquetación

Os recursos web para o ensino súmanse as opcións da Aula Tecnolóxica

Gratuítos e abertas a toda a cidadanía, nos próximos días abrirán a súa inscrición na plataforma Bubela


ImageUn cuadrimestre máis, a Aula Tecnolóxica da Casa das Campás abrirá as súas portas para completar a formación, tanto da comunidade universitaria como do conxunto da cidadanía, en eidos como o deseño web, o tratamento de imaxes e a xestión de redes sociais, con novas edicións dalgúns dos cursos que máis interese espertaron en anos anteriores e aos que se suma como novidade o taller Iniciación aos recursos web para a educación. Cun límite de 20 prazas, que se cubrirán por orde de inscrición, a matrícula nestas actividades, de carácter gratuíto, abrirase nos próximos días na plataforma Bubela.
Mércores, 04 de outubro do 2017

A Casa das Campás acolleu o acto de benvida ao alumnado do Programa para Maiores

A aventura da aprendizaxe non entende de idades

A falta das incorporacións no prazo de ampliación de matrícula, reúne este curso a preto de 70 estudantes


ImageManterse activos, ampliar coñecementos en determinados ámbitos ou compartir traballos e inquedanzas co alumnado máis novo do campus. Son múltiples os motivos polos que cada curso novos alumnos e alumnas se suman ao programa impulsado pola Universidade para persoas maiores de 55 anos. A falta das incorporacións que se produzan no prazo de ampliación de matrícula que permanece aberto ata 17 de outubro no seu ciclo intensivo, o Programa para Maiores conta este curso con 66 alumnas e alumnas no campus pontevedrés, que esta xornada foron obxecto dun acto de benvida na Casa das Campás.
Martes, 03 de outubro do 2017

O crítico e docente José Manuel López imparte un obradoiro sobre análise e escritura fílmica

Un taller busca dotar ao alumnado doutra mirada ante a pantalla de cine

O comentario de filmes combínase nas diferentes sesións coa análise de críticas cinematográficas


ImageTamén a amizade das películas se conquista. Ese é o subtítulo do taller de análise e escritura fílmica que o crítico cinematográfico e docente José Manuel López imparte nestas semanas na Casa das Campás, dentro da programación de obradoiros impulsada pola Vicerreitoría do campus. Achegar ao alumnado “a outra maneira de ver cinema”, a unha “mirada máis profunda” é o propósito central do taller no que López propón un percorrido pola historia do chamado “cinema de pensamento ou de arte e acción”, no que combina a análise de extractos de filmes e cineastas con textos críticos de referencia da chamada sétima arte.
Martes, 03 de outubro do 2017

O Centro Universitario da Defensa acolle un simposio europeo enmarcado no congreso Tecniacústica

Preto de 70 especialistas e profesionais debaten en Marín sobre os últimos avances en acústica submarina

A Escola Naval celebrou tamén nesta xornada o acto oficial de inicio de curso, coa presenza do xefe do Estado Maior


ImageDas prestacións dos sónar aos efectos que teñen nos animais mariños os ruídos que xeran barcos ou portos, afondar nos últimos avances e liñas de investigación arredor dos múltiples ámbitos de traballo que abrangue a acústica submarina é o propósito do simposio europeo que este martes reúne a preto de 70 especialistas e profesionais na Escola Naval Militar. O Centro Universitario da Defensa, adscrito á Universidade, exerce por primeira vez como sede dunha das actividades satélite de Tecniacústica, o congreso organizado polas sociedades española e portuguesa de acústica, que a partir deste mércores se desenvolve na Univerisdade da Coruña. “Para nós é mo importante que o profesorado do ámbito das telecomunicacións ou da enxeñaría mecánica se poña en contacto con empresas e investigadores deste ámbito, xa que isto crea sinerxías”, salienta o investigador do CUD, Javier Rodríguez.
Luns, 02 de outubro do 2017

A primeira edición do mestrado que substituíra ao título propio de Esdemga celebrou a súa presentación

Diversidade de perfís conflúen na posta de longo do máster en Deseño e Dirección Creativa de Moda

O posgrao reúne a tituladas en Belas Artes, Comunicación Audiovisual, Historia da Arte ou Arquitectura


ImageGraduadas e graduados en Belas Artes, en Comunicación Audiovisual, en Arquitectura, en Dirección e Administración de Empresas ou en Historia da Arte integran o primeiro grupo de alumnos do mestrado en Deseño e Dirección Creativa de Moda, o posgrao que toma o relevo dos Estudos Superiores de Deseño Téxitl e Moda de Galiza, que desde hai máis dunha década se imparten na Facultade de Belas Artes. As 23 alumnas e alumnos deste novo mestrado viviron na tarde deste luns a súa primeira toma de contacto con este título de dous anos e 120 créditos, antes do inicio das clases este martes.
Luns, 02 de outubro do 2017

Segundo apuntou a profesora da USC Isabel Diz nunha conferencia en CCSS e da Comunicación

As “resistencias institucionais”, un dos retos das políticas de igualdade

A investigadora realizou un percorrido polos avances que se produciron neste eido nos últimos 30 anos


ImageUn interrogante pechaba o título da conferencia que a profesora da USC Isabel Diz impartiu este luns na Facultade de CCSS e da Comunicación. 30 anos de políticas de igualdade: unha experiencia de éxito? era o título deste relatorio no que, tras incidir nalgúns dos avances que se produciron neste eido en España neste período, puxo o acento nos retos que deben afrontar as políticas de igualdade na chamada fase de “posadopción”, a relativa á posta en práctica das medidas legais. Entre eles, a existencia de “resistencias institucionais” polas que "non se acaban de poñer en práctica” as medidas recollidas no marco legal.
Resultados 25 - 30 de 3363

Duvi. Diario da Universidade de Vigo. | Contacta con nós