DUVI. Diario da Universidade de Vigo
Inicio arrow Campus de Pontevedra
Luns, 14 de xaneiro do 2008

Cun proxecto sobre a responsabilidade social da televisión

Dous alumnos representan á Universidade no congreso internacional "UNIV 08"

Dirixidos pola profesora do campus pontevedrés Aurora García González


Image Laura Vázquez e Gael Sande, son os dous alumnos que representaron á Universidade de Vigo na fase local do congreso internacional UNIV 08 que este ano trata o tema Ser, aparecer, comunicar: entretemento e felicidade na sociedade multimedia. A curiosidade por saber como é un congreso foi o que levou a estes emprendedores a participar no único evento deste tipo dirixido unicamente a estudantes. “Nunca antes participara en algo así e o vin como unha boa oportunidade de saber como son estes eventos”, explicou Laura Vázquez , alumna de terceiro curso da Licenciatura en Publicidade e Relacións Públicas.
Luns, 14 de xaneiro do 2008

Clase práctica no Consello de Contas para os alumnos de Xestión e Administración Pública

Da man do conselleiro deste organismo, Xaquín Álvarez Corbacho


Image Non pode existir unha mellor clase práctica para os alumnos da materia Facenda Pública Autonómica e Local da titulación de Xestión e Administración Pública, que a que se lle impartiu no propio Consello de Contas o pasado martes 8 de xaneiro. Á volta de vacacións, os estudantes reincorporáronse á vida académica coa visita ás instalacións do organismo que se encarga de fiscalizar as contas da administración pública en Galicia, co obxectivo de coñecer en persoa o seu funcionamento. Da man do profesor Xavier Labandeira, a visita transformouse nunha clase maxistral cando, o conselleiro Xaquín Álvarez Corbacho, encargado da fiscalización da conta xeral da comunidade autónoma, ofreceu unha presentación sobre as fendas fiscais nos concellos galegos.
Venres, 11 de xaneiro do 2008

A Facultade de Ciencias da Educación e do Deporte comeza o ano chea de actividades

Con conferencias, seminarios e outras iniciativas


Image A Facultade de Ciencias da Educación e do Deporte recibe o novo ano chea de actividades académicas que amosan o interese por parte do centro de dar unha formación complementaria aos seus alumnos. Un exemplo é a conferencia que se impartiu este venres titulada Pautas de intervención para unhas costas sas, onde os estudantes puideron escoitar da man da licenciada en Ciencias da Actividade Física e do Deporte, Olga González Alonso, as pautas de traballo para mellorar a saúde a través da corrección postural das costas.
Venres, 11 de xaneiro do 2008

Na conferencia “Novo Plan Xeral Contable”

Un sistema específico para as pemes e un cambio na orde dos contidos, principais novidades do Plan Contable


Image O novo Plan Xeral Contable (PGC 2008) que entrou en vigor o pasado 1 de xaneiro xa non será un problema para aqueles que asistiron á conferencia organizada pola vicerreitoría do campus de Pontevedra coa finalidade de estudar todas as novidades que presenta este sistema. Na Casa das Campás e da man do profesor da Universidade de Vigo, Francisco López Corrales, varios profesionais do sector da economía analizaron os entramados do novo plan que está afectando a todas as empresas españolas.
Venres, 11 de xaneiro do 2008

Alberto Pena, decano de Ciencias Sociais e da Comunicación:

“O éxito dos nosos alumnos é o noso éxito”


Image Alberto Pena Rodríguez chegou á Facultade de Ciencias Sociais e da Comunicación como profesor en1996 e agora xa leva máis de catro anos ao fronte do centro que acolle as titulacións de Publicidade e Relacións Públicas, Comunicación Audiovisual e Xestión e Administración Pública. Na metade do seu segundo mandato como decano da facultade, Alberto Pena fala sobre o pasado e o futuro dun centro estratéxico para o campus de Pontevedra.
Xoves, 10 de xaneiro do 2008

No Centro Galego de Arte Contemporáneo

A exposición “Ficcións analóxicas” repasa a videocreación galega entre 1984 e 1994

Froito do traballo do grupo de investigación "DX7 Tracker" da Facultade de Belas Artes


Image A década que vai de 1984 a 1994 foi a que viu aparecer algunhas linguaxes novas asociadas a soportes tan do momento como o audiovisual. Facer un reconto da videocreación galega nestes anos é precisamente o obxectivo da exposición Ficcións analóxicas. O vídeo na Galicia dos oitenta que se presenta no Centro Galego de Arte Contemporáneo (CGAC). A mostra, que se poderá visitar ata o 27 de abril, é froito do equipo de investigación DX7 Tracker da Facultade de Belas Artes e, comisariada polo profesor Fernando Suárez Cabeza, evidencia que aquela xeración que emerxeu co vídeo continúa en activo no audiovisual galego.
Resultados 3139 - 3144 de 3271

Duvi. Diario da Universidade de Vigo. | Contacta con nós