DUVI. Diario da Universidade de Vigo
Inicio arrow Campus de Pontevedra
Mércores, 24 de outubro do 2007

Como pioneira no uso desta tecnoloxía de telepresenza

A Universidade acreditará a calidade de todas as salas AccessGrid de España


Image Como pioneira no uso da tecnoloxía AccessGrid para congresos e reunións a distancia, a Universidade de Vigo acaba de ser designada para acreditar a calidade deste tipo de salas en España. As características das tres coas que conta a institución serán o patrón a seguir polo resto das máis de 20 salas do estado.
O sistema AccessGrid é unha tecnoloxía de telepresenza baseada en software libre, pola que apostan, sobre todo, os organismos públicos, universidades e centros de investigación. A Universidade foi a institución elixida para testear as salas españolas. “Para acadar este nomeamento, a sala do campus de Vigo tivo que pasar uns controles moi exhaustivos xa que vai ser o patrón co que se van confrontar outras salas a nivel nacional”. Segundo Vicente Goyanes, “para nós isto supón un importante recoñecemento de que estivemos apostando por esta tecnoloxía case dende o primeiro momento”.
Martes, 23 de outubro do 2007

Doado pola Asociación da Prensa de Vigo

Publicacións sobre cine e liberdade de prensa, incorpóranse aos fondos da biblioteca central


ImageA Asociación da Prensa de Vigo doou á biblioteca central do campus de Pontevedra parte dos seus fondos e material histórico que, a partir de agora, poderán ser consultados polos membros da comunidade universitaria. Trátase por un lado, de revistas clásicas da historia do cine español e, por outro, da publicación Gaceta de Prensa que recolle a evolución da liberdade de prensa no noso país desde a Guerra Civil ata a democracia.
Luns, 22 de outubro do 2007

No acto de apertura do curso Enerxías Renovables e Medio Ambiente

“Galicia está chamada a ser pioneira no campo da biomasa”, segundo o director da E.U. de Enxeñaría Técnica Forestal


Image “Galicia é unha comunidade privilexiada porque nela prodúcese a metade de toda a produción de madeira do estado español, polo tanto está chamada a ser pioneira no campo da biomasa” declarou o director da E.U.E.T. Forestal, Luis Ortiz, na apertura dun curso sobre Enerxías Renovables e Medio Ambiente.
Este é o segundo ano que a Escola Universitaria de Enxeñaría Técnica Forestal acolle con éxito este curso, cubrindo a totalidade das 50 prazas ofertadas. O programa conta con dous módulos, un teórico e un práctico, que se desenvolverán todos os luns desde o 22 de outubro ata o 10 de decembro.
Venres, 19 de outubro do 2007

Programa de obradoiros do primeiro cuadrimestre

Un outono de alternativas

Entre Vigo e Pontevedra ofértanse 24 cursos


Image Música, teatro, cine, fotografía, voluntariado… Os obradoiros do primeiro cuadrimestre comezan cun programa cheo de novidades e de actividades complementarias para todos os gustos. Os campus de Pontevedra e Vigo contan cunha oferta de 24 cursos non que atopan acollida actividades tradicionais como a pandeireta ou a elaboración de pan artesanalmente e outras máis actuais como a fotografía dixital, o software libre ou os efectos especiais. No programa non faltan, como ven sendo habitual, o teatro, a guitarra, o djembé ou a formación de voluntariado.
A última semana de outubro botan a andar os primeiros obradoiros que, abertos ao público en xeral, ofrecen condicións especiais aos bolseiros e á comunidade universitaria. A matrícula está aberta ata o día 26 deste mes.
Venres, 19 de outubro do 2007

XI Congreso Internacional sobre Envellecemento, Saúde e Actividade Física

Pontevedra convértese na capital europea do deporte na terceira idade


Image O Pazo de Congresos acolles estes días o XI Congreso Internacional sobre envellecemento, saúde e actividade física, onde presentaran os últimos avances científicos vinculados ao sector, promover a mellora da calidade de vida para as persoas maiores e debater sobre a proxección de futuro. Trátase dunhas xornadas nas que profesionais e estudantes de educación física, psicoloxía e fisioterapia entre outras poderán compartir coñecementos e sabedoría das expertas palabras dos conferenciantes.
Resultados 3289 - 3294 de 3323

Duvi. Diario da Universidade de Vigo. | Contacta con nós