DUVI. Diario da Universidade de Vigo
Inicio arrow Campus de Pontevedra
Luns, 13 de febreiro do 2017

O alumnado responsable de 'El Escaparate' promove diferentes actividades en CCSS e da Comunicación

Un día de celebración por amor á radio

O centro acolleu actuacións musicais e un coloquio sobre a emisión a través de internet


ImageSaír ao encontro da súa audiencia e conmemorar o Día Mundial da Radio son os dous obxectivos cos que o alumnado responsable de El Escaparate, o programa radiofónico que gravan cada semana en CCSS e da Comunicación, quixeron facer deste medio o protagonista da actividade no centro. Un almorzo e un concerto, xunto cun coloquio sobre a radio online complementaron a gravación aberta dunha nova entrega deste programa que emiten cada semana a través da rede. “O obxectivo principal é reivindicar e conmemorar o Día da Radio e, por suposto, dar a coñecer entre o estudantado El Escaparate”, salienta a produtora Carol Buceta.
Venres, 10 de febreiro do 2017

Lidia Dosil, Umá de Oliveira e Tania Castelo integran un dos oito equipos seleccionados

Tres alumnas do campus, finalistas do Hack for Good que impulsa o Club de Creativos

Dentro dos actos do ‘c de c’ en San Sebastián, terán 48 horas para idear unha campaña para unha ONG


Image48 horas para idear unha campaña para unha ONG. Ese é o reto que os días 15 e 16 de marzo deberán afrontar as estudantes da Facultade de Ciencias Sociais e da Comunicación Tania Castelo, Lidia Dosil e Umá de Oliveira, integrantes dun dos oito equipos finalistas do Hack for Good de La Cantera de C de C, unha competición promovida polo Club de Creativos e Facebook que se enmarca no programa de actos do c de c 2017, o evento que no mes de marzo reunirá no Palacio Kursaal de San Sebastián aos principais representantes da industria da comunicación e a creatividade en España.
Venres, 10 de febreiro do 2017

Xesús Alonso Montero e a filóloga Inés D’Ors protagonizarán dous relatorios na Casa das Campás

Do espello da alma ao cancioneiro popular

As actividades englóbanse nos encontros que promove a Vicerreitoría xunto co Programa para Maiores


Image“Aproveitar todo o que temos ao noso redor” para propor actividades abertas ao conxunto da cidadanía é, como sinala o responsable da Área de Extensión Cultural, Manuel Morquecho, a filosofía coa que a Vicerreitoría, coa colaboración do Programa para Maiores, articula baixo o epígrafe común de Encontros as actividades que propoñen para as vindeiras semanas na Casa das Campás. Por este espazo pasarase o mércores a filóloga Inés D’Ors, quen abordará a importancia do rostro na literatura ou na arte, mentres que o 9 de marzo o presidente da Real Academia Galega, Xesús Alonso Montero, falará do cancioneiro popular galego.
Xoves, 09 de febreiro do 2017

Pontevedra acolle entre o 27 e o 29 de abril a décimo terceira edición dun congreso centrado nestes eidos

Un encontro internacional e multidisciplinar para estreitar lazos entre deporte e saúde

A organización agarda poder reunir a máis de 300 asistentes no evento que terá lugar no Pazo da Cultura


ImageUn enfoque multidisciplinar, no que teñan cabida as investigacións e innovacións en rendemento deportivo, educación física, nutrición ou actividade física saudable constitúen o eixo en torno ao que cada ano se articula o Congreso Internacional de Ciencias do Deporte e a Saúde, que entre os días 27 e 29 de abril celebrará en Pontevedra a súa décimo terceira edición. Conferencias, talleres e a presentación de investigacións combinaranse ao longo de tres xornadas nun evento organizado polo Concello, a Vicerreitoría do campus, a Universidade da Coruña e a asociación Sportis, no que a organización agarda reunir a máis de 300 expertos, profesionais e estudantes.
Xoves, 09 de febreiro do 2017

O profesor de Belas Artes protagoniza a exposición ‘Trabajo absoluto’ no MAC de A Coruña

A sociedade da produtividade e a eficiencia, a ollos de Juan Luis Moraza

Comisariada polo tamén docente Antón Castro, reúne preto de 40 obras, que articulan sete seccións


ImageTraballar o corpo, a mente, as emocións, as relacións persoais... A aplicación do concepto de traballo a todos os aspectos da existencia centra a reflexión coa que o artista e profesor de Belas Artes Juan Luis Moraza articulou Trabajo absoluto, a exposición que nestes meses protagoniza no Museo de Arte Contemporánea Gas Natural Fenosa (MAC) de A Coruña. “Mais que crítica, enténdoa como observación dolorosa”, salienta este docente dunha mostra individual na que reflexiona “sobre as condicións de traballo na nosa sociedade contemporánea”, na que “de forma delirante, todo o que non encaixe en certa lóxica de eficiencia, e considerado falto de sentido”.
Mércores, 08 de febreiro do 2017

A Área de Benestar, Saúde e Deporte programa diferentes actividades nos centros do campus

Para facer deporte non hai que saír da facultade

Trátase de sesións gratuítas para as persoas aboadas ás tarxetas TDU e Ponte en Forma


ImageNo pasado cuadrimestre, a Área de Benestar, Saúde e Deporte da Universidade engadía á oferta de servizos que pon a disposición dos membros da comunidade universitaria a través das tarxetas TDU e Ponte en Forma, catro actividades dirixidas gratuítas para aboados e aboadas. Tratábase concretamente de clases de pilates, bike e cross training/hiit, ás que usuarios e usuarias podían acceder de xeito gratuíto no Pavillón Universitario. Unha serie de propostas que se viñeron desenvolvendo nestas instalacións e que desde esta semana pasan a contar tamén con sesións nas propias Facultades de Ciencias da Educación e do Deporte e Fisioterapia.
Resultados 55 - 60 de 3149

Duvi. Diario da Universidade de Vigo. | Contacta con nós