DUVI. Diario da Universidade de Vigo
Inicio arrow Campus de Pontevedra
Mércores, 18 de outubro do 2017

Iago Sanmartín Villar estudou na súa tese as variacións morfolóxicas e de comportamento en 14 especies

A coloración determina o comportamento e o éxito reprodutivo dos cabaliños do demo

A súa investigación confirmou a existencia de polimorfismo de cor en especies de América e Asia


ImageA existencia de diferencias de coloración, morfolóxicas ou de comportamento entre exemplares dunha mesma especie é un fenómeno abundante entre as preto de 6000 especies de libélulas que existen no mundo, o que converte a estes insectos nun importante campo de estudo do polimorfismo, da coexistencia de diferentes tipos de individuos dentro dunha mesma especie. Afondar na función deste fenómeno e na súa evolución foron os obxectos centrais da tese de doutoramento do investigador do grupo EcoEvo Iago Sanmartín Villar, na que recoñece que a interpretación do polimorfismo "continúa a ser un debate aberto". A investigación levada a cabo con 14 especies de libélulas de Europa, Asia e América permitiulle constatar como, “a nivel poboacional, os individuos reaccionan de diferente maneira fronte conxéneres de diferente coloración”, polo que "determinará o éxito reprodutivo e a representación dos xenes dun individuo na vindeira xeración”.
Martes, 17 de outubro do 2017

Simón Ko ofreceu unha conferencia na Casa das Campás, promovida pola Vicerreitoría e o Igadi

O representante de Taiwán en España ve na innovación o motor do futuro deste país

No seu relatorio, afondou no novo modelo de desenvolvemento do país e na súa relación con China


ImageO momento de Taiwán, oportunidades e adversidades era o título da conferencia que ofreceu na Casa das Campás o responsable da Oficina Económica e Cultural de Taipei en Madrid, Simón Ko. Nun relatorio promovido pola Vicerreitoría do campus e o Igadi, o máximo representante do país asiático en España abordou os principais obxectivos do seu goberno para o desenvolvemento económico do que definiu como o “Taiwán 2.0”, que pasan por promover a “innovación intensiva”, como a base para a creación “dun novo modelo económico” no 18º país do mundo con maiores ingresos por exportacións e o quinto en reserva de divisas.
Martes, 17 de outubro do 2017

O profesor asociado Manuel Isorna é o promotor do evento que terá lugar os días 24 e 25 de novembro

O congreso internacional sobre cannabis agarda reunir en Catoira máis de 400 persoas

O seu obxectivo é abordar esta droga desde a perspectiva sanitaria, legal e educativa


ImageOs datos do Observatorio Español sobre Drogas sitúan no 33% a porcentaxe de estudantes de entre 14 e 18 anos que afirman ter consumido cando menos unha vez cannabis, a substancia ilícita máis consumida por adolescentes no mundo e o eixo do congreso internacional que en novembro reunirá en Catoira a preto de 40 especialistas e profesionais dos ámbitos da medicina, a psicoloxía clínica e as ciencias da saúde. Promovido polo profesor asociado da Universidade e técnico do Concello de Catoira Manuel Isorna, o I Congreso Internacional sobre o cannabis e os seus derivados agarda reunir no auditorio desta localidade a máis de 400 persoas.
Luns, 16 de outubro do 2017

Catro estudantes da facultade participaron na localidade de Tillburg no 'Apprentice/Master'

Belas Artes, única representante española nun encontro internacional de artistas en Holanda

Esta iniciativa serve como punto de partida a un calendario de exposicións de artistas de diferentes países


ImageUnha semana para compartir experiencias e modos de traballo con artistas novos de diferentes puntos de Europa, pero tamén para comezar articular proxectos colectivos que logo se plasmarán nun calendario de exposicións. Iso foi o que supuxo para catro estudantes de Belas Artes o encontro internacional Apprentice/Master, que ao longo da pasada semana se desenvolveu na localidade holandesa de Tillburg. Raquel Fernández, Ana Pérez Valdés, Diego Pazó e Brais Romero foron os catro alumnos seleccionados pola facultade para representalos neste evento, no que Vigo foi a única universidade española representada no evento.
Luns, 16 de outubro do 2017

Ata este venres, poden depositarse nos centros de campus aparellos eléctricos e electrónicos

A Semana de Recollida de RAEE alcanza a súa quinta edición

Enmarcada no proxecto Green Campus, a actividade busca concienciar da correcta xestión destes residuos


ImageOs RAEE, residuos de aparellos eléctricos e electrónicos, constitúen tanto unha lista de dispositivos presentes nun amplo número nos fogares e centros de traballo como uns materiais contaminantes que precisan dun tratamento adecuado e que non deberan rematar nos colectores do lixo. Partindo desa idea, a Vicerreitoría do campus impulsou, hai dous anos, dentro do proxecto Green Campus, a Semana de Recollida de RAEE, que este luns dá comezo á súa quinta edición instalando puntos de recollida nas diferentes facultades e escolas do campus pontevedrés, así como na Casa das Campás e no Pavillón Universitario.
Luns, 16 de outubro do 2017

A asociación de alumnado sénior Asaexs participa tamén na iniciativa que arrincará o 7 de novembro

Ateneo e Vicerreitoría impulsan un club de lectura

As xuntanzas celebraranse os primeiros martes de cada mes na Casa das Campás


ImageUnha reunión mensual para debater e analizar unha obra literaria, aberta tanto aos socios e socias do Ateneo e aos integrantes da comunidade universitaria como á cidadanía en xeral. Esta é a nova proposta cultural que veñen de articular o Ateneo de Pontevedra, a Vicerreitoría do campus e a Asociación de alumnado sénior do campus de Pontevedra Asaexs. Baixo a coordinación das directivas do Ateneo Carmela Lazcano e Carmén Durán, este club de lectura desenvolverá as súas reunións o primeiro martes de cada mes ás 20.00 horas na Casa das Campás e porase en marcha o vindeiro 7 de novembro cunha primeira xuntanza.
Resultados 7 - 12 de 3363

Duvi. Diario da Universidade de Vigo. | Contacta con nós