DUVI. Diario da Universidade de Vigo
Inicio arrow Campus de Vigo
Luns, 13 de marzo do 2017

O Universidade de Vigo-EXP Xadrez Estratexia pola Paz conta os seus encontros por vitorias

Cara para o xadrez, cruz para o rugby

O Kaleido Universidade caeu ante o Burgos, líder invicto, por 5-45


ImageFin de semana de sorte dispar para os equipos deportivos do campus de Vigo nas diferentes especialidades. Mentres o Universidade de Vigo-EXP Xadrez Estratexia pola Paz sumaba unha nova vitoria, e van seis consecutivas, que o consolidan como líder da Liga Galega, o Kaleido Universidade de Vigo Rugby Club caía ante o líder invicto, o Burgos, por 5-45, e continúa na oitava praza da División de Honra B do rugby nacional pero coa permanencia na categoría xa asegurada matematicamente.
Venres, 10 de marzo do 2017

A Facultade de Filoloxía e Tradución acolleu a presentación do libro 'Six Galician Poets'

Unha antoloxía bilingüe fai voar as voces da poesía galega actual

O profesor do Centro de Linguas Keith Payne traslada ao inglés poemas de seis escritores contemporáneos galegos


ImageFacer voar máis aló das fronteiras do país as letras e as voces da poesía galega actual. Este é o gran mérito, a xuízo dos asistentes a súa presentación, da antoloxía Six Galician Poets, un libro bilingüe promovido pola editora británica Arc Publications co apoio da Xunta de Galicia e que esta mañá se presentou na Facultade de Filoloxía e Tradución coa participación de boa parte de todas e todos os que fixeron posible que este proxecto internacional vise a luz: poetas, editora, tradutor e autoridades implicadas. O novo volume recolle unha escolma de poemas de Xosé María Álvarez Cáccamo, Yolanda Castaño, Chus Pato, Estevo Creus, María do Cebreiro e Daniel Salgado, reescritos en inglés polo poeta e tradutor keith Payne.
Venres, 10 de marzo do 2017

Arrancou onte xoves en Vigo o HackforGood 2017, que rematará mañá sábado coa entrega de premios

Máis de 80 hackers “bos, audaces e solidarios” na procura de Apps que melloren o mundo

Traballan para crear aplicacións que fagan uso masivo de datos e teñan impacto social


ImageA terceira edición en Vigo do encontro de desenvolvedores e hackers HackforGood reúne estes días máis de 80 estudantes que durante tres xornadas traballarán na creación de Apps que fagan uso masivo de datos e teñan un grande impacto social. A finalidade é responder a retos globais previamente rexistrados dende calquera parte de España presentando aplicacións que axuden a “mellorar o mundo”. A iniciativa, que arrancou onte xoves, está promovida por Telefónica, xunto coa ETSI de Telecomunicación da Politécnica de Madrid, a Fundación HazloPosible e a startup MashmeTV, co apoio da Rede de Cátedras Telefónica, entre elas, a da Universidade de Vigo. Hoxe venres tivo lugar o acto institucional de inauguración no edificio Miralles coa participación do reitor da Universidade de Vigo, Salustiano Mato e da directora de Telefónica en Galicia, Marta Menéndez.
Xoves, 09 de marzo do 2017

Os convocantes da folga amosáronse moi satisfeitos polo “elevado grao de seguimento”

O alumnado universitario vigués di non á Lomce e ao Decreto do 3+2

A división entre as plataformas convocantes provocou a celebración de dúas manifestacións


ImageO campus de Vigo sumouse este xoves á primeira folga xeral que se celebra este ano no sistema educativo e que afectou a todos os niveis de ensinanza, desde infantil ata a universidade. “Non podemos renunciar á mobilización mentres a Lomce siga vixente, as reválidas adiadas e o Decreto do 3+2 en camiño de comezar a ser aplicado”, explicaron desde a asociación estudantil Erguer, unha das entidades convocantes dunha folga que, no caso vigués, se dividiu en dúas manifestacións, unha convocada pola Plataforma Galega en Defensa do Ensino Público e outra convocada pola Plataforma en Defensa do Ensino Público.
Xoves, 09 de marzo do 2017

A institución lusa acolleu hoxe o II Cumio Universidade do Porto-Universidade de Vigo

As universidades de Vigo e Porto captaron nos dous últimos anos máis de 10 millóns de euros para Galicia e o norte de Portugal

Emprendemento, innovación e creación de emprego, principais obxectivos da colaboración


Image Fortalecer alianzas estratéxicas en materia de innovación social e emprendemento; identificar oportunidades de creación e consolidación de emprego cualificado e afianzar a cooperación e competitividade interterritorial son os piares da estratexia de acción definida hoxe no II Cumio Universidade do Porto-Universidade de Vigo celebrado na institución académica lusa e na que tomaron parte os equipos de goberno de ambas as súas institucións, encabezados polos reitores Sebastião Feyo de Azevedo e Salustiano Mato. Desde o primeiro cumio, celebrado en Vigo o ano 2015, ambas as dúas universidades desenvolveron proxectos conxuntos nas áreas de investigación, mobilidade, innovación e emprendemento, empregabilidade e organización. Froito desta cooperación nos ámbitos das relacións internacionais e cooperación rexional, acadáronse máis de 10,6 millóns de euros de investimento en Galicia e no norte de Portugal.
Xoves, 09 de marzo do 2017

A falta de apoio provoca que o festival de artes escénicas inicie mañá a súa derradeira edición

O ALT ergue o pano por última vez “por cansazo institucional”

A Unidade de Igualdade da Universidade volve a colaborar na sección ALT Procrea en Feminino


Image“Non nos imos por cansazo físico, ímonos por cansazo institucional”, recoñece Lola Correa, directora do ALT, Festival Alternativo de Artes Escénicas de Vigo. Facía estas declaracións hoxe xoves na presentación da que será a derradeira edición desta cita co teatro tras 16 anos de traballo para valorizar e dar visibilidade á creación dramática de vangarda. A falta de apoio institucional e de financiamento provoca que finalmente este festival desapareza e, antes de facelo, Noescafé Teatro, entidade organizadora, aposta por unha última edición en formato reducido que reivindica “unha morte digna para o ALT”.
Resultados 31 - 36 de 5765

Duvi. Diario da Universidade de Vigo. | Contacta con nós