DUVI. Diario da Universidade de Vigo
Inicio arrow Campus de Vigo
Venres, 14 de xullo do 2017

A Escola de Enxeñaría de Telecomunicación acolle esta actividade formativa

A segunda edición do curso sobre ciberseguridade prepara o alumnado para defenderse fronte os ataques dixitais

As e os 29 participantes estanse a introducir nun sector moi demandado na actualidade


ImageTras o Wannacry e o NotPetya, os últimos ciberataques mundiais, nos que os piratas informáticos puxeron en xaque a empresas, bancos e institucións, queda claro que o mundo dixital non é totalmente seguro nin para grandes compañías nin para pequenos usuarios. Por este motivo e conscientes de que este é un novo mercado laboral, o equipo directivo da Escola de Enxeñaría de Telecomunicación organiza a segunda edición do curso Introdución á ciberseguridade. Esta actividade formativa de 44 horas de duración lévase impartindo dende o 1 de xuño e a súa docencia continuará ata o vindeiro 20 de xullo en horario de tarde.
Venres, 14 de xullo do 2017

As novas instalacións permitirán un enfoque máis práctico dos protocolos de actuación

O curso de verán sobre urxencias cardiovasculares trasládase ao Hospital Álvaro Cunqueiro

As persoas interesadas poden inscribirse ata última hora do vindeiro luns día 17


ImageTras oito anos celebrándose no campus, o curso de verán Enfrontarse a urxencias cardiovasculares trasládase ao Hospital Álvaro Cunqueiro. Este cambio de emprazamento, sumado á incorporación dun novo grupo de profesionais ao proxecto, fará que as actividades desenvolvidas nesta ocasión teñan un enfoque máis práctico, xa que entre as instalacións do centro hospitalario cóntase cunha aula de simulación avanzada para traballar en reanimación cardiorrespiratoria e na lectura de electrocardiogramas. A actividade, aberta a todo tipo de público, arrancará o martes día 18 e as persoas interesadas en participar poderán inscribirse ata a última hora do vindeiro luns 17.
Xoves, 13 de xullo do 2017

Nun documento asinado polo profesor da Universidade Albino Prada

O Foro Económico lanza propostas para unha nova estratexia industrial

Entre as medidas contempladas está incrementar o número de empresas exportadoras


ImageO Foro Económico de Galicia presentou este xoves un novo documento de análise, centrado neste caso na estratexia industrial para Galicia e asinado por Albino Prada, profesor de Economía Aplicada na Universidade de Vigo. Cunha visión a medio e longo prazo, no documento, sinalan desde a entidade, avalíase a situación actual das actividades de produción material de Galicia, centrándose no conxunto das manufacturas, e formúlanse propostas e recomendacións encamiñadas a mellorar o saldo comercial de Galicia e incrementar o número de empresas exportadoras e o seu tamaño, entre outras cuestións.
Xoves, 13 de xullo do 2017

A colaboración enmárcase no proxecto internacional LMPI para a modernización do ensino da enxeñaría

A Universidade de Vigo asesorará a Vietnam para mellorar as súas titulacións no eido da ciberseguridade

Cooperarase con tres universidades asiáticas para poñer en marcha mestrados que ofrezan diplomas conxuntos


ImageA Universidade de Vigo ten previsto poñer en marcha no curso 2018-2019 o primeiro mestrado en ciberseguridade de Galicia, que terá carácter interuniversitario e se impartirá conxuntamente na EE de Telecomunicación de Vigo e na Facultade de Informática da Universidade da Coruña. Esta titulación, que aínda está pendente de iniciar o proceso de verificación, nacerá cunha importante compoñente internacional, xa que ao abeiro do proxecto internacional LMPI, se poderán expedir diplomas dobres ou conxuntos con tres universidades vietnamitas. Os acordos coas institucións asiáticas asináronse este xoves no marco dunha visita institucional da Ho Chi Minh City University of Technology, Vietnam National University of Agriculture e Hanoi University of Science and Technology, socios de Vigo no LMPI (Licence master professionnel en protection informatique).
Xoves, 13 de xullo do 2017

Ademais de España e Portugal, entre as e os 76 asistentes, hai participantes de Xapón, Estados Unidos...

Os avances en acuicultura centran as presentacións do congreso ibérico de Endocrinoloxía Comparada

O encontro arrancou este xoves na Facultade de Bioloxía e prolongarase ata o sábado


ImageAfondar nos diferentes sistemas endocrinos dun animal permite coñecer os procesos que ocorren no mesmo e optimizar o seu cultivo ou produción e, consecuentemente, mellorar tamén os procedementos que se empregan na industria acuícola. Nisto traballan centos de investigadoras e investigadores en todo o mundo e unha parte deles participan esta semana no campus na undécima edición do congreso da Asociación Ibérica de Endocrinoloxía Comparada, marco no que se van presentar as investigacións máis recentes relacionadas co mundo da acuicultura de peixes (metabolismo, crecemento, reprodución, resposta ao estrés…). Participan 76 investigadores e investigadoras, fundamentalmente de España e Portugal, pero tamén chegados desde países como Xapón, Estados Unidos, Reino Unido ou China.
Mércores, 12 de xullo do 2017

No VII Foro Internacional de Innovación Universitaria que se celebra en Vigo ata o venres

Profesionais do ámbito universitario reflexionan sobre a transformación das institucións académicas na sociedade dixital

Preto de 200 persoas procedentes de América, Asia e Europa reúnense na sede de AFundación


Image Desde hoxe e ata o venres 180 persoas procedentes de varios países de Europa, América e Asia participarán no VII Foro Internacional de Innovación Universitaria que se celebra na sede de AFundación en Vigo. Baixo o lema Tendencias actuais das transformacións das universidades nunha nova sociedade dixital, as sesións, organizadas xunto ao foro polas tres universidades galegas, abordarán durante tres días, “os temas máis sobranceiros que atinxen á universidade, especialmente aqueles que teñen que ver coa transformación dixital, cos novos xeitos de entender a docencia centrada na aprendizaxe autónoma do alumnado e coa xestión das institucións, así como a responsabilidade social nun mundo cambiante”, dixo na inauguración o director da Área de Calidade da Universidade de Vigo e membro do comité organizador, Xosé María Gómez Clemente.
Resultados 49 - 54 de 6039

Duvi. Diario da Universidade de Vigo. | Contacta con nós