DUVI. Diario da Universidade de Vigo
Inicio arrow Campus de Vigo
Luns, 05 de xuño do 2017

Segundo un estudo de inserción laboral elaborado polo centro

O 84% de egresadas e egresados da Escola de Enxeñaría de Minas e Enerxía atopa traballo en menos dun ano

Case o 60% quedou en Galicia e a maioría traballa en temas relacionados con enxeñaría e consultaría


ImageO 81% das egresadas e egresados da Escola de Enxeñaría de Minas traballa nalgo relacionado coa súa titulación e o 84% tardou menos dun ano en atopar o seu primeiro emprego. Estas son algunhas das principais conclusións do informe Estudo da inserción laboral dos egresados da Escola de Enxeñaría de Minas e Enerxía 1992-2017, que a escola presentará mañá martes á comunidade universitaria nunha charla no centro na que a directora, a profesora Natalia Caparrini, debullará os principias datos que deixa sobre a mesa unha enquisa na que participaron 249 persoas, un 30% dos 844 egresados e egresadas que a escola sacou ao mercado laboral nos últimos 25 anos.
“Son datos moi positivos dos que estamos moi orgullosos", explica Caparrini.
Luns, 05 de xuño do 2017

É a primeira universidade galega en por en marcha un instrumento deste tipo

O Observatorio de Igualdade bota a andar para visibilizar as desigualdades existentes na comunidade universitaria e as súas causas

Servirá tamén para avaliar os efectos producidos polas políticas de igualdade implementadas


ImageO II Plan de Igualdade entre mulleres e homes da Universidade de Vigo, aprobado en 2016, incluía entre os seus obxectivos a creación dun “observatorio de igualdade como fonte de información das políticas de igualdade da Universidade de Vigo”. Esta ferramenta está xa en marcha co obxectivo fundamental elaborar informes e estatísticas que ofrezan información sobre as desigualdades existentes e as causas que as provocan para axudar a comprender a necesidade das políticas de igualdade adoptadas na organización e o fundamento delas. Deste xeito, a Universidade de Vigo convértese na primeira de Galicia en crear un organismo deste tipo.
Luns, 05 de xuño do 2017

Tras caer na fase de ascenso á categoría de ouro disputada esta fin de semana

O equipo feminino de tenis seguirá outra temporada na división de prata


ImageNon puido ser. O equipo feminino de tenis da Universidade de Vigo terá que seguir unha temporada máis na división de prata, tras perder esta fin de semana ante o Indoor por 1-3 nos enfrontamentos individuais da fase de ascenso á categoría de ouro. A xornada comezaba o sábado ás 16.00 horas cos catro partidos de individuais ao mesmo tempo. O primeiro punto levouno o equipo visitante tras gañar de forma fácil á número 2. Despois, a xogadora da Universidade de Vigo número 2 conseguía gañar o seu punto e colocaba o empate no marcador. Mentres as xogadoras 3 e 4 continuaban cos seus partidos que transcorrían de xeito moi igualado.
Venres, 02 de xuño do 2017

Preto de 150 delegados de ESN España e doutros países participan en Vigo na reunión anual da rede

Tres días por diante para avaliar o presente e o futuro da rede Erasmus Student Network España

Elixirase a nova xunta nacional e debaterase sobre cuestións como o futuro das bolsas Erasmus


Image É a rede de estudantes máis grande de Europa e o principal apoio do alumnado que participa no programa de mobilidade Erasmus, tanto durante a súa estadía no estranxeiro, como nos meses previos. Erasmus Student Network, ESN, España celebra deste hoxe e ata o domingo no campus de Vigo a reunión anual da súa federación na que, máis de 130 delegadas e delegadas de seccións, así como invitadas e invitados chegados de países como Portugal, Holanda e Serbia, analizarán o presente e o futuro da rede. “O obxectivo do encontro é presentar o traballo realizado durante todo o curso por parte da Xunta Directiva e os diferentes comités e proxectos que forman a rede ESN España", explica Gonzalo Rey, presidente de ESN Vigo, que por terceira vez organiza esta xuntanza na Universidade de Vigo.
Venres, 02 de xuño do 2017

Un ‘micropoema’ escrito en código binario gaña o II Microconcurso da EE de Telecomunicación

Sacándolle punta ao romanticismo dos números

O alumnado copa os tres primeiros postos do concurso impulsado pola biblioteca do centro


ImageE posible facer poesía con números? O alumno da Escola de Enxeñaría de Telecomunicación Mateo Ramos demostrou que non só é posible, senón que o resultado seduce, cando menos neste centro, e a el valeulle, co 28% dos votos emitidos, converterse no gañador do II Microconcurso da Biblioteca da Escola de Enxeñaría de Telecomunicación, dedicado nesta ocasión á micropoesía. Escrita en código binario, o sistema numérico empregado para a representación de textos, a súa micropoesía componse de cinco versos nos que, a través da combinación de ceros e uns, se escribe a palabra Ámote.
Venres, 02 de xuño do 2017

O Pazo de Congresos acolleu o acto de graduación de 280 alumnos da Escola de Enxeñería Industrial

Enxeñería Industrial e Ciencias Xurídicas e do Traballo gradúan preto de 400 estudantes

Pola súa banda, os egresados de Dereito recibiron os seus títulos na Facultade de CC.Económicas



Image A Escola de Enxeñería Industrial e a Facultade de Ciencias Xurídicas e do Traballo celebraron cadanseu acto de graduación, no Pazo de Congresos Mar de Vigo e na Facultade de Ciencias Económicas e Empresariais, respectivamente, nos que as e os novos egresados recibiron as distincións académicas que os acreditan como graduadas e graduados pola institución académica viguesa. 280 alumnas e alumnos da Escola de Enxeñería Industrial protagonizaron o acto de graduación celebrado no Pazo de Congresos Mar de Vigo, mentres que os 93 da Facultade de Ciencias Xurídicas e do Traballo elixiron a Facultade de Ciencias Económicas e Empresariais como escenario da súa graduación.
Resultados 49 - 54 de 5951

Duvi. Diario da Universidade de Vigo. | Contacta con nós