DUVI. Diario da Universidade de Vigo
Inicio arrow Alumnado
Mércores, 08 de febreiro do 2017

Representantes do campus, do concello e de Resa visitárona este mércores trala súa reapertura

A residencia universitaria recobra vida

26 inquilinos ocupan xa algunha das habitacións do centro


ImageO pasado 16 de xaneiro reabriu as súas portas a Residencia Universitaria As Burgas, a residencia do campus de Ourense, despois de case dous anos e medio pechada para acometer as obras de urbanización da contorna necesarias. Este mércores, celebrouse a reapertura oficial da residencia coa asistencia de Virxilio Rodríguez, vicerreitor do campus de Ourense; Jesús Vázquez, alcalde de Ourense, e Mónica Garay, conselleira delegada de Resa, empresa concesionaria da xestión deste servizo. Na actualidade son 26 inquilinos e inquilinas que fan uso das súas instalacións.
Mércores, 08 de febreiro do 2017

Acompañados polas docentes da FFT Susana Cruces e Iolanda Galanes

Alumnado vigués participa en Letonia na xuntanza da asociación estratéxica europea en Dereito e Tradución

A Universidade participa neste programa de intercambio internacional por oito ano consecutivo


ImageUn grupo de alumnas e alumnos da Facultade de Filoloxía e Tradución acaba de regresar de Ventspils en Letonia onde participaron xunto con outros estudantes romaneses, letóns, checos, franceses, portugueses e eslovacos no encontro anual da asociación estratéxica europea (KA2) en Dereito e Tradución, un programa de formación intensiva e especializada no que a Universidade de Vigo participa por oitavo ano consecutivo. Os estudantes seleccionados cursan o último ano do Grao de Tradución e Interpretación e teñen o inglés e o francés como principais linguas de traballo.
Martes, 07 de febreiro do 2017

Arrancou cunha visita guiada á ENM de Marín e unha exposición de malacoloxía

Alumnado de Ciencias do Mar aposta por unha aprendizaxe dinámica a través do programa Live Science!

Un curso sobre tartarugas e mamíferos mariños entre as actividades máis destacadas


Image “Hai moitas actividades interesantes no Live Science!, pero se teño que destacar algunha decantaríame polo curso sobre tartarugas e mamíferos mariños impartido polo CEMMA ou a videoconferencia coa Antártida”, explica Uxía Vázquez, da Delegación de Alumnado da Facultade de Ciencias do Mar e unha das organizadoras da iniciativa de divulgación científica Live Science! posta en marcha hai agora dous anos por un grupo de alumnos e alumnas do centro, que comprende a organización de numerosas actividades: relatorios, exposicións, cursos, visitas guiadas...
Luns, 06 de febreiro do 2017

30 alumnos e docentes do campus participarán na actividade

Marrocos, destino da oitava viaxe de estudos arqueolóxicos

Durante dez días somerxeranse no patrimonio histórico e cultural do país veciño


ImageUnha das citas máis agardadas polo alumnado da Facultade de Historia é a celebración cada curso da viaxe de estudos arqueolóxicas. Coincidindo coas vacacións de Entroido, o Grupo de Estudos de Arqueoloxía, Antigüidade e Territorio, con Fermín Pérez á cabeza, e a Delegación de Alumnos de Historia organiza cada ano unha viaxe “autoxestionada, bastante alternativa e aventureira, moi participativa e, sobre todo, o máis a baixo custe posible” para coñecer o patrimonio histórico e cultural dun país. Este ano o destino elixido é Marrocos e serán 30 estudantes e docentes do campus de Ourense os que durante dez días percorrerán o país veciño.
Venres, 03 de febreiro do 2017

A Escola Infantil do campus adiantou uns días a celebración desta tradición

Un "venres fareleiro" para dar comezo ás festas do Entroido

As actividades continuarán cada semana ata finais de febreiro


ImageO domingo fareleiro dá tradicionalmente o pistoletazo de saída ás festas do Entroido en Ourense. Adaptando este calendario ao seu horario lectivo, o alumnado da Escola Infantil do campus de Ourense celebrou este venres a súa particular batalla con fariña. Os nenos e nenas de ata tres anos do centro tiveron a oportunidade de xogar con este produto e de enzoufarse, e enzoufar aos compañeiros e compañeiras de aula, todo o que quixeron. Foi unha actividade de experimentación, lecer e tamén de familiarización cunha tradición coa que os cativos e cativas se divertiron moito.
Xoves, 02 de febreiro do 2017

Orientado ao estudantado, impartirase do 21 ao 23 de febreiro

Aprender a xestionar o tempo, obxectivo do novo obradoiro que organiza o Gabinete Psicopedagóxico

O prazo para inscribirse remata o 17 de febreiro


Image “Superar todas as materias con éxito require dunha boa planificación e organización do traballo” afirma Rocío Iglesias, responsable do Gabinete Psicopedagóxico, que depende da Vicerreitoría de Extensión Universitaria e Relacións Internacionais da Universidade de Vigo. O gabinete, consciente de que planificarse non é unha tarefa doada, organiza un obradoiro sobre a xestión do tempo. O curso busca axudar ás persoas matriculadas na Universidade a non malgastar as horas do día e a aprender a xestionar e optimizar o traballo persoal diario. Este taller está orientado a todo o alumnado que estea a cursar titulacións na Universidade de Vigo
Resultados 49 - 54 de 1505

Duvi. Diario da Universidade de Vigo. | Contacta con nós