DUVI. Diario da Universidade de Vigo
Inicio arrow Alumnado
Xoves, 18 de maio do 2017

Alumnado de Turismo participará do 10 ao 17 de xuño nun seminario na universidade HTW Saar

Próximo destino, Saarbrücken

Será a primeira edición dunha iniciativa que os seus promotores queren converter en anual


ImageO pasado mes de outubro a Facultade de Ciencias Empresariais e Turismo do campus de Ourense acolleu un seminario que permitiu ao seu alumnado do grao de Turismo compartir unha semana de actividades académicas e investigadoras cunha vintena de estudantes da universidade alemá HTW Saar, da cidade de Saarbrücken. No marco da colaboración establecida entre as dúas institucións académicas, en xuño 15 estudantes do centro ourensán desprazaranse á HTW Saar para participar durante unha semana na continuación dese seminario.
Xoves, 18 de maio do 2017

Co apoio do Concello, alumnado de CCSS e da Comunicación e BBAA desenvolveu intervencións na rúa

A homenaxe misteriosa a Carlos Casares xestouse no campus

A través de “trampantollos” que xogan coa perspectiva, representaron dúas obras e un retrato do escritor


ImageDesde comezos de mes, pode verse no chan de Montero Ríos e contra a parede do IES Vallé-Inclán unha galiña azul de grandes dimensións sen que ata o de agora se soubese do seu autor ou autora. O mesmo que aconteceu logo coa representación dun Vento Ferido aparecida a carón do Pazo de Mugartegui ou co retrato de Casares co que este mércores amencía a praza de Barcelos. Tres “trampantollos” que foron ideados por un grupo de seis estudantes das facultades de Ciencias Sociais e da Comunicación e Belas Artes como unha homenaxe ao escritor recoñecido neste 2017 no Día das Letras Galegas.
Martes, 16 de maio do 2017

Alumnado de Belas Artes impulsou no presente curso un club dedicado á banda deseñada

Cita semanal co mundo das viñetas

Tras participar en varios mercadiños no centro, traballan na elaboración dun fanzine


Image“Dar a coñecer o cómic dentro da facultade, reivindicando a súa importancia, e amosar todas as posibilidades que nos da para contar historias” é, como sinala a estudante de Belas Artes Noemí Comesaña, o propósito co que, a comezos de curso, un grupo de estudantes puxo en marcha un club de cómic que cada semana leva a un grupo de 14 alumnos e alumnas a afondar no mundo da banda deseñada. Nacido ao abeiro de A Franxa, o espazo semanal que a facultade reserva para actividades extraacadémicas, esta “actividade de achegamento” ao mundo das viñetas levou a este grupo a traballar nun fanzine que reúna unha serie de historias creadas en grupo.
Venres, 12 de maio do 2017

Este venres clausurouse o II Taller de Simulación de Xuízos

Alumnado de Dereito ponse na pel de xuíces e letrados na Audiencia Provincial de Ourense

A sentencia do caso representado foi condenatoria para un dos acusados e de absolución para outro


ImageA sala da Audiencia Provincial de Ourense acolleu este venres o acto de clausura do II Taller de Simulación de Xuízos, organizado pola Delegación de Alumnos da Facultade de Dereito do campus. Durante a sesión deuse lectura á sentencia da simulación de xuízo desenvolvida a 'porta pechada' o pasado 5 de maio na mesma sala e que consistiu na vista dun procedemento sumario sobre abusos sexuais, tráfico de drogas e corrupción de menores. Nun contexto real, o alumnado púxose na pel de xuíces e letrados para experimentar en primeira persoa algo co que soñan facer moitos deles no seu futuro profesional.
Xoves, 11 de maio do 2017

Escolares do Colexio Guillelme Brown explicaron no campus como traballan os proxectos na aula

Pequenos 'investigadores' dando leccións de metodoloxía científica

Á sesión asistiron estudantes de Ciencias da Educación


ImageComo xa vén sendo tradición nos últimos anos, a Facultade de Ciencias da Educación do campus de Ourense acolleu este xoves a visita dun grupo de estudantes do Colexio Guillelme Brown, do Concello de Pereiro de Aguiar, co obxectivo de que explicasen en primeira persoa aos futuros docentes como traballan eles nas aulas co método científico. Unha selección de nenos e nenas de Educación Primaria e Educación Secundaria Obrigatoria do centro expuxo os proxectos por eles realizados ao longo do curso e presentados na feira científica organizada polo Guillelme Brown.
Xoves, 11 de maio do 2017

A escola inaugura este espazo destinado ao descanso do alumnado

Vitamina, un oasis dentro da EE de Minas e Enerxía

A idea está baseada nas ‘resting rooms’ típicas das multinacionais estadounidenses


ImageA EE de Minas e Enerxía abriu esta semana un espazo de descanso que ofrece ao alumnado un lugar no que pensar, conversar, traballar, debater, meditar, ensaiar, etc. Deste modo, os alumnos e alumnas poderán reunirse de forma informal fóra dos emprazamentos tradicionais ou simplemente recuperar enerxías, descargar tensións acumuladas e relaxarse para continuar con éxito a súa xornada de estudo e traballo. Ademais, o espazo, que recibe o nome de Vitamina, tamén poderá ser empregado para actividades docentes e, de feito, pese á súa recente inauguración, xa foi utilizada con estes fins polo profesorado.
Resultados 55 - 60 de 1586

Duvi. Diario da Universidade de Vigo. | Contacta con nós