DUVI. Diario da Universidade de Vigo
Inicio arrow Alumnado
Venres, 17 de marzo do 2017

Un grupo de 18 estudantes deste centro de Gondomar visitou a EE Forestal

O alumnado do IES Auga da Laxe retorna á súa oliveira

Con esta actividade, o instituto conmemora cada ano o Día Mundial dos Bosques


ImageNo ano 2014, coincidindo coa conmemoración do Día Mundial dos Bosques na EE Forestal, o alumnado do IES Auga da Laxe de Gondomar contribuíu á plantación dunha oliveira nos xardíns situados diante do centro. Instaurábase así o que comeza a ser xa unha tradición para este instituto, que cada ano retorna á Xunqueira para conmemorar esta data, que se celebra o vindeiro martes 21, cunha visita á escola. Visita que, ademais de para coñecer as características da titulación que se imparte neste centro e visitar os seus diferentes laboratorios, serviu tamén para regar e aboar a que é xa a súa árbore no campus.
Xoves, 16 de marzo do 2017

O Teatro Principal acolleu a gala de entrega duns premios que recoñecen os traballos do alumnado

O talento do campus vístese de gala da man de We Are Ads

A curta 'Kaleidoscopic' obtivo o galardón do xurado e a cuña 'Ultramarinos Carmiña', o do público


ImageUn festival feito por e para o alumnado. Con esta filosofía naceu hai tres anos, na Facultade de Ciencias Sociais e da Comunicación, We Are Ads, o primeiro festival universitario de publicidade e comunicación de Galicia, que ten como obxectivo dar visibilidade aos traballos nacidos nas aulas. Co propósito de achegar este talento á cidade de Pontevedra, o certame organizado por un grupo de 20 estudantes trasladou este xoves ao Teatro Principal a súa Gala WAA, na que a curta Kaleidoscopic, de Paula Vázquez e Flavia Rodríguez, foi distinguida co premio do xurado, mentres que Nuria Grandío, Lara Fandiño e Lucía López obtiveron o premio do público.
Xoves, 16 de marzo do 2017

BBAA acolle nas vitrinas situadas no seu acceso á exposición ‘Hall de entrada’

Arte en pequeno formato

A mostra reúne os traballos realizados por 21 estudantes do máster en Arte Contemporánea


ImageNo marco da conmemoración do seu 25 aniversario, en novembro de 2015, a Facultade de Belas Artes inaugurou o Proxecto Vitrinas, uns pequenos espazos acristalados situados no propio acceso ao centro que buscaban servir como primeiro escaparate do talento que emerxe no seu interior. Vitrinas que desde este xoves ocupan as propostas deseñadas para elas por 21 alumnas e alumnos do Máster en Arte Contemporánea. Creación e Investigación, no marco do proxecto expositivo Hall de entrada, que lles levou a afondar na súa “capacidade de adaptación” a un espazo “máis reducido do que estamos acostumados”.
Xoves, 16 de marzo do 2017

Recibíronse 38 propostas, cunha presenza feminina de máis do 42%

O mundo dixital e as novas tecnoloxías triunfan na sexta edición dos premios Incuvi-Emprende

Brigantia e .beLeader, premiados na convocatoria Incuvi-Avanza de consolidación empresarial


ImageA sexta edición da convocatoria Incuvi-Emprende xa ten os seus gañadores. Este xoves desveláronse os proxectos que pasarán o vindeiro ano nas instalacións de incubación dos campus de Vigo, Ourense e Pontevedra. 12 iniciativas emprendedoras escollidas entre 23 finalistas, das cales seis son do campus de Vigo, catro de Ourense e dúas de Pontevedra, ademais de dous accésits, un en Vigo e outro en Pontevedra. As novas tecnoloxías e a contorna dixital consolidan ano tras ano a súa presenza entre os proxectos gañadores, ben sexa a través de aplicacións móbiles ou de plataformas de networking ou economía colaborativa. Con todo, esta convocatoria foi a primeira de Incuvi á que se presentaron proxectos de todos os eidos do coñecemento e “cun fortísimo aumento da participación de estudantes do noso campus da creatividade”, como explicaba na súa intervención a vicerreitor da Estudantes, Dolores González.
Xoves, 16 de marzo do 2017

150 proxectos de toda España concorreron á quinta edición do certame organizado por Telefónica

Seis estudantes da Escola de Enxeñaría de Telecomunicación acadan o 2º premio HackForGood Global 2017

Learnfordown desenvolve un sistema para axudar a ler e escribir a persoas con síndrome de Down


Image Todo empezou a finais do pasado mes de xaneiro cando seis estudantes do derradeiro curso do Grao en Enxeñaría de Tecnoloxías de Telecomunicación comezaron a traballar nun proxecto para unha materia da carreira. Por que deixar nun caixón, unha vez rematado, un proxecto interdisciplinar no que cada un dos membros do equipo debería investir 300 horas de traballo? Esta foi a reflexión que levou a Juan Fernández, Francisco González, Cristina González, Aaron Diéguez, Susana Díaz e Alejandro Fernandez a presentar o seu proxecto académico, Learnfordown, á terceira edición en Vigo do encontro de desenvolvedores e hackers HackforGood. A decisión non puido ser máis acertada, Learnfordown non só acadou o primeiro premio do certame celebrado na Universidade de Vigo, senón que nas últimas horas alzábase co segundo premio HackforGood Global 2017.
Martes, 14 de marzo do 2017

A delegación de alumnado de BBAA promoveu un coloquio coa artista María Xosé Domínguez

Propostas artísticas de cor violeta

Nel presentou a intervención que realizou en Santiago con motivo do Día Internacional da Muller


ImageA escritora e bióloga Marilar Aleixandre, a historiadora Encarna Otero, a galerista Asunta Rodríguez, artistas como Alicia López, ata chegar a un total de 15 mulleres retratadas tras unha máquina de coser antiga e convertidas en fotografías de tamaño real, nunha intervención que combinaba luces e sons e desenvolvida a pasada semana na Praza do Obradoiro. Deste xeito quixo a artista María Xosé Domínguez lembrar ás 126 mulleres falecidas en marzo de 1911 nun incendio da fábrica téxtil de Nova York, a través do proxecto, Sons de cor violeta, que do deu conta nun coloquio promovido pola delegación de alumnado de Belas Artes.
Resultados 7 - 12 de 1504

Duvi. Diario da Universidade de Vigo. | Contacta con nós