DUVI. Diario da Universidade de Vigo
Inicio arrow Institucional
Martes, 19 de setembro do 2017

A conmemoración da Semana Europea de Mobilidade pecha ao tráfico parte da estrada central

A diversión substitúe aos coches no campus de Pontevedra

Diferentes actividades lúdicas buscan nestas xornadas sensibilizar sobre o uso de transportes alternativos


ImageUn circuíto dedicado a medios de transporte alternativos, a realización dun mural ou postos informativos sobre actividades para a mocidade e hábitos de ocio saudable ocupan desde este martes un espazo habitualmente reservado aos vehículos no campus de Pontevedra. A conmemoración da Semana Europea da Mobilidade pecha durante estes días ao tráfico o treito da estrada central situado entre a rotonda de acceso ao campus da Xunqueira e a situada fronte a Ciencias da Educación e do Deporte, ambas abertas á circulación. No seu lugar, este espazo é ocupado nos mediodías de martes, mércores e xoves, por unha serie de propostas lúdicas abertas ao conxunto da cidadanía. “É o segundo ano que celebramos esta actividade, que se enmarca no plan de acción do proxecto Green Campus”, salienta o vicerreitor do campus, Juan Manuel Corbacho.
Luns, 18 de setembro do 2017

O proxecto Dockside, coordinado pola Université de Nantes, colabora coas institucións do país asiático

Vigo asesorará as universidades de Cambodja na posta en marcha de programas de doutoramento do eido mariño

Unha delegación de reitores e investigadores visita esta semana o campus


ImageA experiencia da Universidade de Vigo no eido mariño, tanto dende o punto de vista científico como de xestión económica e xurídica, servirá como guía para a posta en marcha de programas de doutoramento en Cambodja que conduzan a mellorar a calidade e relevancia da educación superior deste país. Esta colaboración enmárcase no proxecto Dockside, que coordina a Université de Nantes, e do que forman parte as universidades de Vigo e Syddansk (Dinamarca) e, por parte de Cambodja, o Ministerio de Educación, Xuventude e Deportes, a Universidade Nacional de Administración, a Real Universidade de Dereito e Economía, a Real Universidade de Agricultura e a Universidade de Battambang. O proxecto arrancou en outubro de 2016 e estenderase ata 2019 e, tras varias xuntanzas no país asiático, esta semana unha delegación cambodjana visita o campus de Vigo.
Venres, 15 de setembro do 2017

Tras superar con éxito a avaliación do seu sistema de garantía interno de calidade

Ciencias da Educación e Historia acadan a certificación Fides-Audit e o selo Q da Universidade

O reitor Salustiano Mato fixo entrega ás súas decanas das distincións acreditativas


ImageAs facultades de Ciencias da Educación e Historia do campus de Ourense veñen de acadar a certificación do seu Sistema de Garantía Interno de Calidade, que concede a través do Programa Fides-Audit a Axencia para a Calidade do Sistema Universitario de Galicia Acsug. Tras superar este proceso en xullo, a Comisión de Calidade da Universidade de Vigo aprobou outorgarlles ademais o selo de calidade Q, un selo propio co que a institución académica busca recoñecer e dar visibilidade aos méritos acadados neste eido por facultades, escolas, servizos, laboratorios ou centros de investigación.
Venres, 15 de setembro do 2017

Trátase dun selo propio da Universidade, co propósito de visibilizar o traballo realizado neste eido

A EE Forestal, primeiro centro do campus en recibir o Q de calidade

A súa concesión é consecuencia da certificación á implantación do seu sistema por parte da AGSUG


ImageEn xuño do pasado ano, a EE Forestal convertíase no primeiro centro do campus en obter a certificación á implantación do seu sistema de garantía interna de calidade, despois de superar a avaliación dunha comisión externa da Axencia para a Calidade do Sistema Universitario de Galicia (ACSUG). Este recoñecemento fixo posible a súa vez que a Comisión de Calidade da Universidade acordase outorgar á escola o Q de calidade, un selo propio co que a institución académica busca recoñecer e dar visibilidade aos méritos acadados neste eido por facultades, escolas, servizos, laboratorios ou centros de investigación.
Xoves, 14 de setembro do 2017

Coa Semana Europea da Mobilidade comeza a implantarse o terceiro plan de acción do Green Campus

54 medidas para facer de Pontevedra un campus máis verde

Do 19 ao 21 de setembro, desenvolveranse diferentes actividades arredor do vial central, pechado ao tráfico


ImageDesde finais de 2015, ondea en Pontevedra a bandeira verde coa que a FEE recoñece o labor de educación e xestión ambiental de campus e facultades. Unha bandeira que é o resultado das múltiples accións desenvolvidas nos últimos anos ao abeiro do proxecto Green Campus, que neste novo curso continúa o seu labor de concienciación coa implantación do seu terceiro plan de acción. 54 medidas, vinculadas a oito obxectivos estratéxicos, integran un documento realizado segundo “criterios pragmáticos e realistas”, como sinala o director da Área de Planificación, Celso Cancela. Entre elas figuran accións como a conmemoración da Semana Europea da Mobilidade, coa que entre o martes 19 e o xoves 21 porase inicio á implantación do documento.
Xoves, 14 de setembro do 2017

Entre o 20 e 22 de setembro co gallo da celebración das 35ª Jornadas de Gerencia Universitaria

Vigo converterase a próxima semana no epicentro da análise dos retos da xestión universitaria

200 profesionais abordarán cuestións como financiamento, profesionalización ou xestión de recursos


Image A Universidade de Vigo acollerá entre os días 20 ao 22 de setembro a 35ª edición das Jornadas de Gerencia Universitaria nas que uns 200 profesionais, entre poñentes e público, analizarán cuestións fundamentais para o desenvolvemento da súa actividade nas universidades. “O formato das xornadas deste ano é totalmente distinto a como se fixeron en anteriores ocasións. Trátase de abordar temáticas que non sexan lugares comúns para todos e nós pretendemos que se fale de temas diferentes, cousas que preocupan e que van enlazadas con poñer en valor, tanto á Universidade de Vigo como o Sistema Universitario Galego, SUG”, explica o xerente da institución académica viguesa, Manuel Fernández Jáuregui, que hai ano e medio aceptou o reto de deseñar as xornadas, organizadas por Crue Universidades Españolas. As xornadas desenvolveranse baixo o lema Retos en la gestión de los recursos en las universidades, desarrollo y estrategias de futuro.
Resultados 19 - 24 de 2384

Duvi. Diario da Universidade de Vigo. | Contacta con nós