DUVI. Diario da Universidade de Vigo
Inicio arrow Institucional
Venres, 21 de decembro do 2007

Cedido polo Concello e nos terreos de Tafisa

O campus contará con máis de 3000 metros cadrados para pisos de estudantes

Ademais dos 20.000 destinados á nova Facultade de Belas Artes


ImageO Concello de Pontevedra cederá arredor de 3000 metros cadrados dos terreos de Tafisa á Universidade de Vigo, para a construción de pisos para os estudantes universitarios. Así o confirmou o vicerreitor do campus pontevedrés, Jesús Hernández, trala reunión mantida co alcalde da cidade, Miguel Anxo Fernández Lores e a concelleira de Cultura e Universidade, Lola Dopico. Trátase da construción de pisos-residencia aos que poderán acceder os alumnos e que se levantarán nunha parcela de entre 3000 e 4000 metros cadrados cedida polo concello. Esta fórmula de pisos residencia “é o máis factible tanto para os alumnos como pola mobilidade universitaria, a residencia é un modelo máis atrasado”, comentou o vicerreitor, Jesús Hernández.
Xoves, 20 de decembro do 2007

Adaptación ao EEES, presupostos e infraestruturas centraron a exposición de Alberto Gago

Actuacións desenvolvidas no 2007 e proxectos para 2008, eixos centrais do informe do reitor no Claustro


ImageOs cambios que se están a producir en relación co proceso de adaptación ao Espazo Europeo de Educación Superior, as infraestruturas desenvolvidas e proxectadas, asuntos de caracter laboral e xerencial, a política orzamentaria para 2008 e a reforma do plan de financiamento das universidades, foron os asuntos nos que o reitor, Alberto Gago, centrou o informe presentado ao Claustro na derradeira sesión do ano.
Gago que trasladou aos claustrais unha mensaxe de tranquilidade en relación co proceso de adaptación ao EEES, tamén avanzou a intención do equipo de goberno de levar o Plan Estratéxico da Universidade de Vigo ante o Claustro o vindeiro mes de febreiro, e agradeceu o traballo desenvolvido ao equipo xerencial dirixido por Antón Vidal, e que será relevado polo encabezado por Ana Fernández Pulpeiro, si así o acorda o Consello Social que se celebrará o 27 de decembro.
Xoves, 20 de decembro do 2007

Unánime respaldo de todas as forzas vivas á candidatura viguesa

Vigo camiña unida cara a consecución da Universiada 2013

Presentado o logo da candidatura


ImageNun acto conducido polo actor Carlos Blanco e que contou coa presenza dunha amplia representación dos sectores político, económico, social, académico, deportivo e cultural de Vigo, fíxose público a imaxe coa que Vigo defenderá a súa candidatura para acoller a celebración da Universiada no ano 2013. Un logotipo no que unha onda de mar, funde o U co V, será o que represente a imaxe de Vigo 2013 nun camiño cara a consecución da Universiada que terá a súa primeira parada o vindeiro mes de marzo cando se determine cal das candidatas españolas, Vigo ou Murcia, continuará adiante nunha competencia, xa internacional.
Mércores, 19 de decembro do 2007

Eduardo Coba, coordinador da ANECA:

“Xa temos conciencia de que a calidade e a avaliación son necesarias”


ImageCreada en 2002 coa finalidade de mellorar a calidade do sistema de educación superior, mediante a avaliación, certificación e acreditación de ensinanzas, profesorado e institucións, a ANECA, Agencia Nacional de Evaluación de la Calidad y la Acreditación, está a xogar un papel fundamental no proceso de adaptación ao Espazo Europeo de Educación Superior. Como organismo encargado de establecer os procedementos, protocolos e guías para a verificación de títulos oficiais e de avaliar as propostas dos plans de estudo, a ANECA tamén será a encargada da verificación e acreditación das carreiras, un traballo compartido coas axencias, como a ACSUG no caso de Galicia.
Mércores, 19 de decembro do 2007

Ante unha nutrida representación social

Vigo presenta a imaxe oficial da candidatura á Universiada 2013

A cerimonia será conducida polo actor Carlos Blanco


ImageA proxección do vídeo “Vigo Universiada 2013. Cidade Aspirante” co que a cidade de Vigo afrontará o proceso de selección á Universiada do verán do 2013 vai ser un dos momentos claves da presentación oficial da candidatura da cidade olívica ao maior evento deportivo despois dos xogos olímpicos, a Universiada. O Centro Social Caixanova acolle o acto a partir das 20.00 horas. A cerimonia, que será conducida polo actor Carlos Blanco, será un primeiro paso co que a urbe aspira a converterse na sede oficial da edición número 27 da competición deportiva, un evento que reúne cada dous anos a máis de 10.000 deportistas de 170 países distintos.
Martes, 18 de decembro do 2007

Investigación, infraestruturas e adapación ao EEES, eixos da proposta orzamentaria

O Consello de Goberno da Universidade de Vigo aproba un orzamento de 174 millóns de euros para 2008

Na sesión o reitor propuxo a contratación de Ana Fernández Pulpeiro como xerenta


ImageCon 23 votos a favor, seis en contra e unha abstención, o Consello de Goberno aprobou o orzamento da Universidade de Vigo para o 2008 por un importe de 174,2 millóns de euros, o que supón un incremento dun 14% respecto aos ingresos consignados no ano 2007. Do total dos 174 millóns de euros, o 65% do total, 114 millóns, proceden do Plan de Financiamento da Xunta, mentres que 27,3 millóns proceden de financiación externa por competencia, 15,7 de precios e taxas e 17,5 millóns, doutros ingresos. Unha vez aprobado polo Consello de Goberno, o presuposto deberá ser ratificado polo Consello Social que se reunirá o vindeiro día 27 de decembro.
Resultados 2305 - 2310 de 2385

Duvi. Diario da Universidade de Vigo. | Contacta con nós