DUVI. Diario da Universidade de Vigo
Inicio arrow Institucional
Luns, 19 de xuño do 2017

Luz verde do Consello de Goberno nunha sesión que incluíu os balances de Campus da Auga e CREA S2i

A Universidade dótase dun Regulamento do Patrimonio e unha Normativa de cesión de espazos

O reitor iniciou a sesión cunha mensaxe de condolencia polas mortes no incendio de Pedrógão Grande


Image O lume que desde o pasado sábado se cobrou a vida de máis de 60 persoas e provocou feridas a outras tantas en Pedrógão Grande, no centro de Portugal, estivo presente ao inicio da sesión de Consello de Goberno que este luns se celebrou na Universidade de Vigo. O reitor Salustiano Mato iniciou a sesión cunha mensaxe de apoio ás familias das vítimas do incendio que, segundo Mato, “pon de manifesto a necesaria colaboración transfronteiriza na loita contra o lume”, unha cuestión que precisamente se abordou na cimeira luso-española que tivo lugar en Vila Real a finais de maio e que se centrou en diferentes aspectos da cooperación entre ambos os dous países. O Consello de Goberno na súa sesión deste luns deu luz verde, entre outros asuntos, ao Regulamento do Patrimonio da institución, así como a Normativa de cesión de espazos.
Venres, 16 de xuño do 2017

As eleccións celebraranse o vindeiro venres 23

Juan E. Pardo e José Carlos Prado encabezan as dúas candidaturas nas eleccións da Escola de Enxeñería Industrial

Os dous profesores, do Departamento de Organización de Empresas e Márketing, aspiran a suceder a Juan Pou


ImageDous profesores do Departamento de Organización de Empresas e Márketing serán os candidatos a suceder a Juan Pou á fronte da Escola de Enxeñería Industrial. A proclamación definitiva de candidaturas que tivo lugar este venres confirma que o centro terá que elixir entre as propostas de Juan E. Pardo e José Carlos Prado nas votacións do vindeiro 23 de xuño. A candidatura de Juan E. Pardo conta coa boa parte dos membros do equipo directivo actual, mentres que José Carlos Prado achega unha lista de renovación. O que resulte elixido tomará a remuda de Juan Pou, que dirixiu o centro máis grande da Universidade de Vigo dende 2011, tras ser o único candidato tanto nese ano, como en 2014, cando renovou o cargo.
Venres, 16 de xuño do 2017

O prazo de presentación de solicitudes estará aberto ata o 21 de xullo

Aumenta o número de prazas ata 459 nas residencias universitarias para o próximo curso

Increméntase en 27.360 euros o importe destinado ás axudas de aloxamento, que ascende a 84.960 euros


ImageCoa reapertura do complexo residencial As Burgas en Ourense para o vindeiro curso incrementaranse en 163 o número de prazas de aloxamento nas residencias universitarias para as e os estudantes dos tres campus. En total ofértanse 459 prazas entre as residencias propias de O Castro no campus de Vigo e As Burgas no campus de Ourense e as concertadas de Alcai en Allariz e Afundación en Pontevedra, que se inclúe por primeira vez para o primeiro curso. Todas estas prazas distribúense en diferentes tipos de aloxamento: apartamentos individuais con cociña, apartamentos individuais con cociña compartida, apartamentos dobres con cociña, habitacións dobres con baño e apartamentos con habitación individual.
Xoves, 15 de xuño do 2017

Chegados de distintos puntos da xeografía nacional debateron sobre o futuro da profesión

Unha xuntanza celebrada en Vigo senta as bases para pór en marcha a Conferencia Española de Directores de Escolas de Minas

O obxectivo é responder ás actuais e futuras necesidades do mercado profesional e pór en valor a titulación


ImageA Escola de Enxeñaría de Minas e Enerxía foi este xoves a anfitrioa dunha reunión de directores e directoras dos diferentes centros españois nos que se imparten estes estudos, unha xuntanza na que se sentaron as bases para pór en marcha a Conferencia Española de Directores de Escolas de Minas, un ente que nace coa idea de converterse no principal foro no que tratar e debater sobre o futuro da profesión “e, por tanto, sobre a formación académica dos nosos centros ”, explicou Natalia Caparrini, directora da escola viguesa, que lle deu a benvida aos asistentes acompañada polo reitor, Salustiano Mato.
Na actualidade estes estudos impártense en 14 centros espallados por todo o territorio nacional e sete deles participaron hoxe nesta xuntanza, celebrada en Vigo con motivo da conmemoración dos 25 anos destes estudos na Universidade de Vigo e tamén en Galicia.
Mércores, 14 de xuño do 2017

Coincidindo coa celebración do Día mundial do doante de sangue

A Axencia de Doazón de Órganos e Sangue premia a solidariedade da Escola de Enxeñaría de Telecomunicación

O director do centro, Íñigo Cuiñas, recolleu o premio nun acto celebrado en Santiago de Compostela


ImageCoincidindo coa celebración do Día mundial do doante de sangue, a Escola de Enxeñaría de Telecomunicación recibiu este mércores un premio da Axencia de Doazón de Órganos e Sangue (ADOS) en recoñecemento á solidariedade que a comunidade educativa do centro amosou sempre nas diferentes campañas de doazón que veñen realizándose na escola desde hai anos. “Para nós este premio é unha gran ledicia porque é o recoñecemento a moitos anos de colaboración neste tipo de campañas”, tal e como explicou no acto de entrega, celebrado na Cidade da Cultura, o director do centro, Íñigo Cuiñas.
Luns, 12 de xuño do 2017

O vindeiro curso impartirase por cuarto ano a modalidade semipresencial de Xeografía e Historia

Unha oportunidade de 'facer historia' sen saír da casa

Permite realizar estes estudos a distancia e a tempo parcial


ImageA Facultade de Historia do campus de Ourense ofrece dende o curso 2014/2015 o Grao en Xeografía e Historia non só na súa modalidade presencial senón tamén na semipresencial. Esta opción naceu coa idea de atender a demanda daquelas persoas interesadas en adquirir coñecementos en Historia, Arte e Xeografía e que, por diferentes motivos, non podían cumprir o requisito de asistir ás aulas. Para todos aqueles e aquelas que nestas datas buscan opcións para estudar o vindeiro curso académico, o centro vén de lanzar unha nova campaña para captar a aqueles e aquelas chamados a "facer historia”.
Resultados 31 - 36 de 2357

Duvi. Diario da Universidade de Vigo. | Contacta con nós