DUVI. Diario da Universidade de Vigo
Inicio arrow Institucional
Mércores, 11 de outubro do 2017

A proba HELA foi elixida pola Universidad de Granada para acreditar aos seus docentes

Vigo, referencia española en acreditación do profesorado para a docencia en inglés

Este mes desprazouse a Andalucía persoal do Centro de Linguas para examinar alí a 36 persoas


ImageA proba HELA -Higher Education Lecturing Accreditation- da Universidade de Vigo, que acredita ao profesorado para a docencia en inglés, foi a elixida pola Universidad de Granada para realizar a acreditación do seu profesorado, solicitando, ademais, que fose o propio persoal do Centro de Linguas da institución académica viguesa o que se desprazase ata Andalucía para examinar alí aos 36 docentes que participaron nesta primeira convocatoria de exames da UGR. Granada convértese así no primeiro centro de ensino superior en adoptar a proba viguesa como acreditación oficial, pero o interese por este sistema chegou xa dende diferentes universidades, tanto españolas como estranxeiras.
Martes, 10 de outubro do 2017

O manuscrito coas cantigas de Martin Codax poderá visitarse ata marzo de 2018 no Museo do Mar

O Pergamiño Vindel amósase desde hoxe á beira do mar que o inspirou

Medio cento de pezas de entre os séculos XIII ao XX integran a mostra ‘Un tesouro en sete cantigas’


ImageDende hoxe e ata o vindeiro 4 e marzo de 2018 o Pergamiño Vindel amosarase por primeira vez en Galicia. Trala súa localización a principios do século XX por parte do libreiro madrileño Pedro Vindel e a súa adquisición por parte da Morgan Library en 1977, o manuscrito que contén as sete cantigas de amigo do trobador Martin Codax poderá ser admirado polo público á beira do mar de Vigo que o inspirou hai 800 anos. O presidente da Xunta, Alberto Núñez Fejióo, e o reitor da Universidade de Vigo, Salustiano Mato, foron os encargados de inaugurar esta tarde Un tesouro en sete cantigas, a exposición que, co Pergamiño Vindel como elemento central, amosa medio cento de pezas, a maior parte delas de arte sacro, de entre os séculos XIII ao XX, complementadas con obras de artistas galegos contemporáneos e estruturadas a partir de cada unha das sete cantigas compostas por Codax.
Luns, 09 de outubro do 2017

“A prioridade era eliminar a bolsa de interinos”, asegurou o reitor trala aprobación no Consello de Goberno

A Universidade de Vigo aproba os criterios para convocar 34 prazas de persoal docente e investigador este ano

A estas engadiríanselle entre sete e 22 prazas máis de catedrática e catedrático


ImageO primeiro Consello de Goberno do curso 2017-2018 deu luz verde este mediodía aos criterios para a elaboración da oferta de emprego público do persoal docente e investigador da Universidade de Vigo para este ano 2017, que contempla a convocatoria dun total de 34 prazas. Do total da oferta, 22 prazas de profesorado permanente correspóndenlle este ano á Universidade por taxa de reposición, ao que se engade este ano unha chamada taxa adicional, que contempla o 90% das prazas que estean dotadas orzamentariamente e leven ocupadas máis de tres anos consecutivamente, que no caso da institución viguesa suman 12. Ademais, das 34 prazas que poden ser convocadas este 2017, tres deben, necesariamente ser reservadas para persoas que remataron o seu contrato Ramón y Cajal e das 31 restantes, 24, para prazas que estean neste intre ocupadas interinamente e as outras sete, para funcionarización, isto é para pasar de profesora ou profesor contratado doutor a profesora ou profesor titular de universidade.
Venres, 06 de outubro do 2017

A Feira Internacional de Emprego Universitario celebrarase en Porto e Vigo este mes de outubro

A Universidade reforza o seu achegamento á empresa nunha nova edición da Finde.U

O ano pasado xestionáronse preto de 15.000 currículos e 3500 ofertas de emprego


Image“Sentímonos obrigados a que as nosas e os nosos egresados accedan de xeito digno ao mercado laboral”, asegurou este mediodía o reitor da Universidade de Vigo, Salustiano Mato, na presentación da segunda edición da Feira Internacional de Emprego Universitario, Finde.U, unha iniciativa que o ano pasado puxo en marcha a institución académica viguesa, xunto ás súas homólogas de Porto e Tras-Os-Montes e Alto Douro, co obxectivo de dar a oportunidade ao seu alumnado e egresadas e egresados de manter contacto directo con empresas que demandan talento universitario. Máis de 65 firmas se prevé que tomen parte na feira, que se desenvolverá os días 17 e 18 de outubro no recinto feiral Exponor de Porto e o 24 e 25 no Ifevi de Vigo. Co apoio da Xunta, o Concello de Vigo, Zona Franca e o Consello Social e a Fundación Universidade de Vigo, a Finde.U conta co patrocinio das empresas Brogwarner, Continental e Efasec.
Venres, 06 de outubro do 2017

Organizado polo Servizo de Prevención de Riscos da Universidade de Vigo e Fremap

80 persoas participan nun curso sobre manexo de gases en laboratorios


ImageEn principio eran 30 as prazas ofertadas para os tres campus, pero a demanda de inscricións na xornada de Prevención de riscos nos traballos con manexo de gases en laboratorios fixo que finalmente o Servizo de Prevención de Riscos Laborais ampliase o aforo ata as 78 persoas. Ao longo da mañá de onte, e en colaboración con Fremap, persoal docente, investigador, PAS e algúns estudantes puideron coñecer unha serie de pautas para o manexo seguro e a xestión do risco de botellas e botellóns de gases comprimidos nos laboratorios. O acto de apertura correu a cargo do decano da Facultade de Química, Ignacio Pérez Juste.
Xoves, 28 de setembro do 2017

O Pergamiño Vindel é amosado publicamente por primeira vez trala súa chegada á cidade

Martin Codax volve trobar na ría de Vigo

Tras dous días de aclimatación no Museo do Mar, o manuscrito abandonou dous minutos a urna que o aloxa


Image Por un período de dous minutos e baixo unha luz moi tenue, o Pergamiño Vindel amosouse por primeira vez en Vigo. Tras dous días de aclimatación nunha sala especialmente deseñada para acollelo, o manuscrito, que chegou á cidade procedente da Morgan Library&Museum de Nova York, abandonou a urna que o contén no Museo do Mar de Galicia para ser mostrado aos medios de comunicación, case dúas semanas antes da inauguración da exposición Un tesouro en sete cantigas. O técnico de conservación da Morgan Library, propietaria desde 1977 do pergamiño que recolle as sete cantigas de amigo do trobador Martin Codax, Frank Trujillo, foi o encargado de retirar e volver depositar o manuscrito na urna que o albergará ata o mes de marzo de 2018, cando abandonará Galicia para regresar a Nova York.
Resultados 7 - 12 de 2384

Duvi. Diario da Universidade de Vigo. | Contacta con nós