DUVI. Diario da Universidade de Vigo
Inicio arrow Investigación
Xoves, 19 de outubro do 2017

A Rede RIES desenvolve en CC da Educación e do Deporte unha xornada sobre transferencia

Na procura de canles para levar a investigación educativa á sociedade

O seu obxectivo é achegar a investigadores a unha serie de ferramentas para divulgar os seus traballos


ImageIntegrada por sete grupos de investigación, que teñen como nexo común o traballo no eido da inclusión social, a Rede RIES realizou un estudo bibliométrico sobre a investigación educativa feita en Galicia entre 2012 e 2014. Unha das principais conclusións daquel traballo foi, como salienta a súa coordinadora, María del Mar Lorenzo, “que os investigadores tiñamos que facer un maior esforzo por difundir o noso traballo dunha forma moito máis axeitada”. Achegarlles diferentes ferramentas e dinámicas para divulgar os seus traballos é o principal obxectivo das Xornadas de Investigación que este xoves se desenvolven no campus.
Mércores, 18 de outubro do 2017

Iago Sanmartín Villar estudou na súa tese as variacións morfolóxicas e de comportamento en 14 especies

A coloración determina o comportamento e o éxito reprodutivo dos cabaliños do demo

A súa investigación confirmou a existencia de polimorfismo de cor en especies de América e Asia


ImageA existencia de diferencias de coloración, morfolóxicas ou de comportamento entre exemplares dunha mesma especie é un fenómeno abundante entre as preto de 6000 especies de libélulas que existen no mundo, o que converte a estes insectos nun importante campo de estudo do polimorfismo, da coexistencia de diferentes tipos de individuos dentro dunha mesma especie. Afondar na función deste fenómeno e na súa evolución foron os obxectos centrais da tese de doutoramento do investigador do grupo EcoEvo Iago Sanmartín Villar, na que recoñece que a interpretación do polimorfismo "continúa a ser un debate aberto". A investigación levada a cabo con 14 especies de libélulas de Europa, Asia e América permitiulle constatar como, “a nivel poboacional, os individuos reaccionan de diferente maneira fronte conxéneres de diferente coloración”, polo que "determinará o éxito reprodutivo e a representación dos xenes dun individuo na vindeira xeración”.
Martes, 17 de outubro do 2017

Coa participación de 130 especialistas de España, Reino Unido ou Canadá

Investigacións sobre cancro, inmunoloxía e nanotecnoloxía centran o I Annual Meeting de Cinbio

Co fin de facilitar a interacción de investigadores e profesionais da medicina e da saúde


ImageCun día de retraso pola vaga de incendios que asolou Galicia, este martes arrancou a primeira Annual Meeting do Cinbio, Centro de Investigación Biomédica da Universidade de Vigo. 130 persoas de toda Galicia participan nesta primeira xuntanza que nace co espírito de converterse nunha cita anual e que nesta ocasión ten como temas centrais o cancro, a inmunidade e a inflamación e a nanotecnoloxía. En total ao longo de dous días, presentaranse 21 ponencias, tanto de especialistas do propio Cinbio como de institucións alleas de España, Canadá, Reino Unido ou Alemaña. A coordinación da conferencia anual correu a cargo de investigadores de post-doutoramento, algo que segundo destaca África González, directora do Cinbio, “redunda en crear un equipo activo e implicado tanto na investigación como na divulgación”.
Martes, 17 de outubro do 2017

O profesor asociado Manuel Isorna é o promotor do evento que terá lugar os días 24 e 25 de novembro

O congreso internacional sobre cannabis agarda reunir en Catoira máis de 400 persoas

O seu obxectivo é abordar esta droga desde a perspectiva sanitaria, legal e educativa


ImageOs datos do Observatorio Español sobre Drogas sitúan no 33% a porcentaxe de estudantes de entre 14 e 18 anos que afirman ter consumido cando menos unha vez cannabis, a substancia ilícita máis consumida por adolescentes no mundo e o eixo do congreso internacional que en novembro reunirá en Catoira a preto de 40 especialistas e profesionais dos ámbitos da medicina, a psicoloxía clínica e as ciencias da saúde. Promovido polo profesor asociado da Universidade e técnico do Concello de Catoira Manuel Isorna, o I Congreso Internacional sobre o cannabis e os seus derivados agarda reunir no auditorio desta localidade a máis de 400 persoas.
Venres, 13 de outubro do 2017

Celebrarase os días 20 e 21 de outubro na Facultade de Ciencias Económicas e Empresariais

A produción e o consumo na industria do automóbil centrará o X Congreso España-Italia de Historia Económica


ImageA industria do automóbil en España e Italia: produción e consumo centrará a décima edición do Congreso España-Italia de Historia Económica, que se celebrará os vindeiros 20 e 21 de outubro na Facultade de Ciencias Económicas e Empresarias da Universidade de Vigo. “A elección da sede en Vigo para este encontro ten que ver coa implantación na área metropolitana viguesa, desde a década de 1950, dunha industria automobilística importante arredor de Citröen e as empresas auxiliares, que actualmente proporcionan máis de 19.000 empregos totais e xeran uns 43.000 empregos directos e indirectos”, explica o docente e investigador da Universidade de Vigo e organizador do congreso, Rafael Vallejo.
Venres, 13 de outubro do 2017

A antropóloga Fátima Braña investiga arredor das prácticas nestes lugares

Os espazos termais, fonte de valores simbólicos e patrimoniais

O estudo lígase ás temáticas de interese do proxecto de especialización do Campus da Auga


ImageTendo como base a temática da auga, o proxecto de especialización do campus de Ourense como Campus da Auga naceu cunha vocación multidisciplinar, facendo fincapé en que a investigación ao redor deste recurso empape as diversas liñas de investigación que se desenvolven nas diferentes facultades e escolas ourensás, non só nas da área científica. Neste senso, a antropóloga da Universidade de Vigo Fátima Braña está a realizar unha análise simbólica e patrimonial dos espazos termais en Ourense no marco dunha liña de investigación que intenta afondar no termalismo e nos usos da auga desde un punto de vista etnográfico, indagando nas prácticas culturais que os rodean.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 2355

Duvi. Diario da Universidade de Vigo. | Contacta con nós