DUVI. Diario da Universidade de Vigo
Inicio arrow Investigación
Luns, 31 de xullo do 2017

O grupo dx5, de BBAA, estudará ata 2019 o cómic de campo expandido e o hiperlibro de artista

Un proxecto con financiamento estatal para teorizar nas fronteiras do cómic e a arte

O estudo parte da ausencia de literatura específica e busca tamén promover a experimentación artística


ImageDas súas páxinas xurdiron películas que xeran ingresos multimillonarios e icónicas personaxes, así como unha linguaxe visual, marcada pola secuenciación, que se ten expandido máis aló dos seus soportes tradicionais. Mais, ao mesmo tempo, a banda deseñada é tamén un medio pouco explorado desde o punto de vista investigador, en especial desde ámbitos como as Belas Artes. Promover unha reflexión teórico-conceptual sobre a idea do “cómic de campo expandido”, aquelas obras que combinan as peculiaridades narrativas e conceptuais do cómic con outras manifestacións artísticas é un dos obxectivos centrais do proxecto de investigación, financiado polo Ministerio de Economía e Competitividade, que o grupo dx5 da Facultade de Belas Artes desenvolverá ao longo dos próximos tres anos e que no que afondarán tamén noutro soporte ”na fronteira da arte gráfica” como é o hiperlibro de artista, ao tempo que estudarán a animación desde un enfoque transversal.
Venres, 28 de xullo do 2017

Durante o mes de xullo arredor de 30 persoas participaron na intervención arqueolóxica

As escavacións en Armea rematan deixando ao descuberto a 'domus' norte do xacemento

En outubro realizarase a campaña de conservación e restauro dos restos descubertos


ImageEste venres a campaña arqueolóxica que durante o mes de xullo se levou a cabo en diferentes puntos do Concello de Allariz co obxectivo de afondar no coñecemento histórico da "Cibdá de Armea", que os arqueólogos datan no século I, chegou ao seu fin. No seu balance, Adolfo Fernández, arqueólogo do Grupo de Estudos en Arqueoloxía, Antigüidade e Territorio (Geaat) da Universidade de Vigo que dirixiu a campaña, destaca como se cumpriron e superaron os obxectivos previstos para esta intervención, na que participaron arredor de 30 persoas. Entre os resultados acadados están deixar ao descuberto a 'domus' norte do xacemento, datar o lugar de culto das Pioucas da Santa en época romana e facer sondaxes en novas posibles zonas de investigación e musealización para vindeiras tempadas.
Venres, 28 de xullo do 2017

As universidades de Vigo e do Algarve participan na súa organización

O IX International Symposium on Kiwifruit trasládase este ano a Porto

Abordaranse todos os aspectos da industria deste froito, desde o cultivo ata o consumo


ImageO kiwi é un importante cultivo arredor do mundo e dada a súa importancia lévase celebrando desde 1987 o International Symposium on Kiwifruit, do que este ano se celebra a novena edición en Porto entre o 6 e o 9 de setembro. Anteriormente, os países encargados de acoller este simposio sempre foron os que maior produción teñen a nivel mundial, como China, Italia, Nova Zelandia, Chile e Grecia, e “nós somos os primeiros en romper esa hexemonía, polo que deberiamos estar orgullosos, aínda que é importante sinalar que só conseguimos estar por diante de Turquía, Francia, Irán, Xapón, USA e Arxentina pola unión da Península Ibérica”, explica o organizador do evento.
Xoves, 27 de xullo do 2017

Participan as universidades de Vigo, Autónoma de Barcelona, Complutense e Rey Juan Carlos

Un proxecto interuniversitario analizará a segregación ocupacional e as diferenzas socioeconómicas por xénero, raza e etnia

Financiado polo Mineco e con tres anos de duración, o subproxecto vigués está dirixido pola profesora Coral del Río


ImageA Universidade de Vigo, xunto coa Autónoma de Barcelona, Rey Juan Carlos e Complutense de Madrid, coordinadas por esta última, forman parte dun proxecto estatal de tres anos duración que analizará ata o 2019 as causas e consecuencias da segregación ocupacional e das diferenzas socioeconómicas por xénero, raza e etnia. A profesora da Facultade de Ciencias Económicas e Empresariais Coral del Río é a investigadora principal do subproxecto da Universidade de Vigo, no que participan tamén Carlos Gradín, tamén de Vigo; Olga Cantó, da Universidade de Alcalá e Francisco Azpitarte, da University of Merbourne, aínda que ambos pasaron anos atrás pola Universidade de Vigo. A docente explica que se trata do quinto proxecto deste tipo que desenvolve este equipo de investigación interuniversitario, traballando “ininterrumpidamente dende 2004” e rotando a universidade coordinadora en cada convocatoria.
Luns, 24 de xullo do 2017

É a primeira investigación que analiza o conxunto da obra teatral do autor donostiarra

Máis aló do narrador, unha tese reivindica a produción dramática de Pío Baroja na historia do teatro español do século XX

Chegou a escribir 12 pezas teatrais, “aínda que lamentablemente ningunha gozou de fortuna escénica”


ImageA pesares do inxente número de traballos dedicados á produción narrativa do escritor donostiarra Pío Baroja (San Sebastián, 1872-Madrid, 1956), ata agora non existía ningún traballo de conxunto que prestase atención a outra das súas facetas, a de dramaturgo. Consciente desta realidade, a filóloga viguesa Mónica González decidiu dedicar a súa tese de doutoramento a dar a coñecer e reivindicar o merecido lugar que debe ocupar a produción dramática deste autor na historia do teatro español do século XX.
O estudo, dirixido polo profesor Fernando Romo e defendido na Facultade de Filoloxía e Tradución, deixa claro que este coñecido autor da Xeración do 98 ocupouse do teatro dunha maneira concienciuda ao longo da súa carreira literaria.
Venres, 21 de xullo do 2017

Organizado polo Igadi e o Observatorio da Gobernanza G3 da Universidade

Os retos que afronta a UE centrarán o II Congreso de Estudos Internacionais de Galicia

A cita celebrarase o 18 e 19 de setembro na Facultade de Ciencias Sociais e da Comunicación


ImageA Facultade de Ciencias Sociais e da Comunicación do campus de Pontevedra acollerá os días 18 e 19 de setembro o II Congreso de Estudos Internacionais de Galicia. Repensar Europa desde aquí. A cita, organizada polo Igadi e o Observatorio da Gobernanza G3 da Universidade de Vigo, pretende, tal e como destacan os seus organizadores, “abrir un espazo de reflexión para pensar Europa desde aquí, a partir da nosa propia experiencia, necesidades e intereses” e tendo en conta os retos que afronta na actualidade o marco comunitario.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 2310

Duvi. Diario da Universidade de Vigo. | Contacta con nós