DUVI. Diario da Universidade de Vigo
Inicio arrow Investigación
Martes, 13 de xuño do 2017

A duodécima edición deste encontro internacional está organizada polo grupo Ephyslab

Spheric 2017 reúne en Ourense a 120 expertos en simulación de fluídos procedentes de 21 países

Durante tres días presentaranse 60 comunicacións sobre o modelo computacional SPH


ImageEste martes arrancou no campus de Ourense a celebración de Spheric 2017, o 12th International Smoothed Particle Hydrodynamics European Research Interest Community Workshop. A cita, organizada polo grupo da Universidade de Vigo Ephyslab, Environmental Physics Laboratory, e o Flanders Hydraulics Research, reúne a 120 expertos e expertas en simulación de fluídos procedentes de 21 países. Durante os tres días de encontro, levaranse a cabo 60 presentacións nas que se afondará nas últimas novidades tecnolóxicas e de aplicación do modelo computacional SPH, modelo emerxente que se emprega principalmente para realizar todo tipo de simulacións de fluídos, desde o impacto das ondas na costa ata a colisión de galaxias. “A resposta á convocatoria deste workshop en Ourense foi moi boa, superando a cifra de participantes de anteriores edicións”, destacou Alejandro Cabrera en nome do comité organizador.
Martes, 13 de xuño do 2017

É un dos resultados dun artigo de Mª Jesús I. Briones e Olaf Schmidt publicado en ‘Global Change Biology’

Algunhas poboacións de miñocas prexudicadas polas prácticas agrícolas intensivas tardarán ata unha década en recuperarse

Revisaron cuantitativamente os resultados de estudos realizados durante 66 anos nos cinco continentes


Image Como “un labor inxente, unha maratón… de longa distancia…”. Así cualifica a catedrática do Departamento de Ecoloxía e Bioloxía Animal da Universidade de Vigo María Jesús Iglesias Briones o traballo que durante máis de 15 anos desenvolveu xunto ao docente e investigador do University College de Dublin Olaf Schmidt e que conclúe, entre outras cuestións, que a agricultura intensiva, sobre todo o arado convencional do solo, ten efectos moi prexudiciais para as miñocas, en especial nas de maior tamaño e nas que viven na superficie, ata o punto de que, incluso cesando estas actividades, as poboacións, nalgúns casos, necesitarán como mínimo unha década para recuperarse. O traballo vén de ser publicado na revista Global Change Biology.
Luns, 12 de xuño do 2017

Bota a andar o Instituto de Bioenxeñaría en Rede para o Envellecemento Saudable, Iberos

Máis de 150 especialistas en bioenxeñaría da Eurorrexión unen esforzos para mellorar a saúde durante o avellentamento

Forman parte do proxecto 13 grupos de investigación de oito institucións, liderados pola Universidade de Vigo


ImageO campus de Vigo acolleu este luns a constitución oficial do Instituto de Bioenxeñaría en Rede para o Envellecemento Saudable (Iberos) coa primeira xuntanza de traballo das e dos representantes de 13 grupos de investigación de oito institucións de Galicia e Portugal que forman parte deste proxecto transnacional e multidisciplinar. Seleccionado dentro do Programa Operativo de Cooperación Transfronteiriza Interreg España-Portugal 2014-2020 (Poctep), Iberos está liderado pola Universidade de Vigo e conta cun orzamento de preto de 2 millóns de euros ata 2020 para que as 152 investigadoras e investigadores implicados traballen en rede co obxectivo de desenvolver e implementar solucións baseadas na bioenxeñaría para a diagnose e o tratamento de enfermidades asociadas ao envellecemento.
Luns, 12 de xuño do 2017

Coa participación de destacados poñentes, celebrouse no CiQUS

A liberación de fármacos centra a primeira reunión temática da Rede Galega de Nanomedicina


Image A Rede Galega de Nanomedicina celebrou a primeira das reunións temáticas que se van desenvolver ao longo dos anos 2017 e 2018 coa liberación de fármacos como central. Destacados investigadores no campo do drug delivery como Maria José Alonso (CiMUS -USC), José Rodriguez Couceiro (CiQUS-USC), Alejandro Baeza (Universidad Complutense de Madrid), Carmén Álvarez (USC), Giuseppe Battaglia (University College London), Maria de la Fuente Freire (Oncomet-IDIS), así como investigadoras e investigadores pertenecentes os grupos que compoñen a rede, foron os encargados de ofrecer os relatorios que tiveron lugar no CiQUS-Universidade de Santiago.
Venres, 09 de xuño do 2017

A Casa das Campás acolle o 22 de xuño o simposio 'Multimodalidades e espazos dixitais'

Un coloquio internacional afondará en experiencias educativas e creativas híbridas

Organizado polo grupo Litex, porá o foco na creación literaria e no ensino de idiomas


ImageA xeneralización de internet ten convertido nun elemento cotiá a idea da “multimodalidade”, a combinación de diferentes modos de comunicación, do texto e a imaxe, ao vídeo, a música ou o discurso oral, nun mesmo contido. “Isto fixo mudar as fronteiras que se mantiñan entre xéneros en numerosos ámbitos”, sinala Carlos Valcárcel, profesor da Facultade de Ciencias da Educación e do Deporte e coordinador do coloquio internacional Multimodalidades e espazos dixitais, que o 22 de xuño promoverá na Casa das Campás unha reflexión sobre diferentes experiencias sustentadas nesa idea da multimodalidade nos ámbitos artístico e educativo.
Venres, 09 de xuño do 2017

Alberto Vara analizou a presenza do seu pole na atmosfera da cidade de Ourense

Unha tese afonda na carga alerxénica de freixos, oliveiras e aligustres

O período de estudo abrangue desde o ano 2009 a 2016


ImageOs trastornos de alerxia causados polo pole, explica o investigador Alberto Vara, téñense incrementado en gran medida durante os últimos anos, provocando un notable impacto clínico en toda Europa. Tendo en conta a preocupación por este incremento e polo seu impacto na sociedade, na súa tese de doutoramento este enxeñeiro técnico agrícola afondou no estudo das proteínas alerxénicas máis representativas da familia Oleaceae na atmosfera da cidade de Ourense entre os anos 2009 e 2016. A investigación realizada, sinala o seu responsable, pon de manifesto a necesidade de apostar pola xardinería hipoalerxénica.
Resultados 25 - 30 de 2270

Duvi. Diario da Universidade de Vigo. | Contacta con nós