DUVI. Diario da Universidade de Vigo
Inicio arrow Investigación
Venres, 09 de xuño do 2017

O Observatorio da Gobernanza coordina un seminario centrado nas iniciativas impulsadas por concellos

Expertos de tres universidades analizan en Cambados experiencias de cooperación transfronteiriza

Os relatorios deste venres centráronse nos estudos desenvolvidos no marco dun proxecto ministerial


ImageA cooperación entre concellos fronteirizos tense amosado como un xeito de mellorar os servizos que estas administracións prestan á cidadanía. Este é o punto de partida dun proxecto de investigación, financiado polo Ministerio de Economía e Competitividade no que participan investigadores da Área de Ciencia Política e da Administración da Universidade e centrado en analizar as boas prácticas e experiencias que no eido da cooperación internacional se teñen desenvolvido no marco da Unión Europea. Experiencias nas que este venres afondan en Cambados expertos das universidades de Vigo, País Vasco e Autónoma de Cataluña.
Venres, 09 de xuño do 2017

A EE de Telecomunicación acolleu hoxe o XII Foro de Interacción Matemática Industria

Novas técnicas matemáticas e estatísticas permiten reducir á metade os custes e o tempo na creación de fármacos

Presentáronse diferentes casos de éxito resultantes da interacción empresa-universidade


ImagePara obter un novo medicamento, desde que comeza a desenvolverse ata que sae ao mercado precísanse arredor de 100.000 millóns de euros e máis de dez anos de investigación. Non obstante, entidades como a Axencia do Medicamento dos Estados Unidos (FDA) defenden a necesidade de botar man na toma de decisións de todos os avances logrados no mundo das matemáticas e a estatística para sacar un maior rendemento á análise e interpretación de datos de partida, o que, segundo eles, permitiría reducir ese período a cinco anos e os custes á metade. Unha destas ferramentas chámase Modelling Poboacional e nela centrouse un dos relatorios do XII Foro de Interacción Matemática Industria, un encontro que se desenvolve ao longo de toda a xornada de hoxe venres na Escola de Enxeñaría de Telecomunicación e no que se presentaron estes e outros casos de éxito resultantes da interacción entre empresa e matemáticas en sectores como a medicina, a automoción, internet das cousas ou enerxía.
Xoves, 08 de xuño do 2017

Deseñaron e testaron un sistema de xestión de fluxo de traballo con presa viva

Investigadores da Ecimat e do IEO desenvolven un sistema de xestión para a alimentación temperá da pescada

Os resultados do traballo foron publicados na revista 'Aquaculture'


Image Polo seu gran potencial industrial e como alternativa á sobreexplotación pesqueira, a diversificación das especies mariñas é unha prioridade na axenda acuícola de moitos países. Pero esta diversificación implica para algunhas especies candidatas, como a pescada europea (Merluccius merluccius), novos retos como a diminución da mortalidade masiva observada preto dos 25 días de eclosión, así como a optimización da alimentación temperá e a xestión larvaria. Co obxectivo de avanzar no estudo da alimentación temperá da pescada europea, os investigadores do Centro Singular de Investigación Mariña da Universidade Mariña, Pablo Presa e Damián Costas e os do Instituto Español de Oceanografía Manuel Nande e Montse Pérez, desenvolveron un proxecto de colaboración no que deseñaron e testaron un sistema de xestión de fluxo de traballo con presa viva.
Martes, 06 de xuño do 2017

Un congreso afonda en Poio no desenvolvemento deste sector no primeiro terzo do século XX

España atopábase xa entre os principais destinos turísticos do mundo a comezos da década de 1930

Expertos de 18 universidades participan nunhas xornadas centradas en amosar novos datos deste período


Image“Repensar a historia do turismo en España no primeiro terzo do século XX”. Este é, como sinala o profesor da Facultade de Ciencias Económicas e Empresariais Rafael Vallejo, o obxectivo principal do I Congreso da Historia do Turismo, que desde este martes reúne no Mosteiro de San Xoán de Poio a expertos e expertas de 18 universidades co propósito de arroxar luz sobre a historia deste sector nunha época, recoñece, pouco estudada ata o de agora. Unha época na que España é xa “un país emerxente no mercado turístico mundial”, como amosan as comparativas que, partindo dos datos da Sociedade de Nacións, Vallejo presentou nesta primeira xornada e que a sitúan como o noveno país do mundo en ingresos xerados polo turismo receptor en 1933.
Martes, 06 de xuño do 2017

Segundo un estudo elaborado polas universidades de Vigo e Coimbra

As mimosas invaden comunidades vexetais inalteradas do noroeste da península ibérica

Conclúen que os incendios teñen un importante papel na súa dispersión e a matogueira sería unha barrera eficaz


ImageO avance na dispersión das poboacións da especie invasora Acacia dealbata ou mimosa é imparable, ocupando unha extensión cada vez maior no noroeste peninsular. O incremento estase dando de forma considerable tanto en espazos perturbados, como en zonas periurbanas, proximidades das vías de comunicación, como estradas ou vías férreas, e en plantacións forestais de eucalipto e coníferas como o piñeiro. Para coñecer o seu patrón de expansión e as causas que favorecen a dispersión desta especies, científicas e científicos da Universidade de Vigo e da de Coimbra desenvolveron un estudo no que avalían se o crecemento das mimosas está relacionado con factores ambientais en matogueiras e piñeirais non alterados no noroeste peninsular. Neste proxecto a Universidade viguesa está representada polo grupo de Ecofisioloxía Vexetal, do que forman parte os co-autores do traballo Jonatan Rodríguez e Luis González, xunto coa investigadora lusa Paula Lorenzo.
Xoves, 01 de xuño do 2017

Analizan a posta en marcha de posibles redes de colaboración colaborativas

Un simposio reúne en Vigo grupos de investigación en química computacional do norte de España e Portugal e do sur de Francia

Empregan os resultados da química teórica na resolución de problemas químicos, médicos, de novos materiais…


ImageGrupos de investigación en química computacional do norte de España e Portugal e do sur de Francia reúnense esta semana en Vigo para analizar a posta en marcha de posibles redes de colaboración competitivas. Fano no que bautizaron como 1st International Vigo Meeting on Advanced Computational Chemistry, unha xuntanza profesional que nesta primeira edición conta coa participación de 50 expertas e expertos procedentes de 14 universidades e centros de investigación. O acto de apertura contou coa participación do reitor da Universidade de Vigo, Salustiano Mato, o coordinador do congreso e catedrático de Química Física da Universidade de Vigo, Ricardo A. Mosquera e a profesora María de los Ángeles Peña.
Resultados 31 - 36 de 2270

Duvi. Diario da Universidade de Vigo. | Contacta con nós