DUVI. Diario da Universidade de Vigo
Inicio arrow Actividades Académicas
Martes, 28 de marzo do 2017

O profesor Celso Cancela promove un club de lectura virtual dentro da Cátedra Jean Monnet

Debatendo sobre Europa a través da rede

O obxectivo desta actividade é achegar ao alumnado a diferentes textos sobre a integración comunitaria


ImageUna Europa alemana, de Ulrich Beck; La fragmentación del poder europeo, de José Ignacio Torreblanca; ou ¿Una gran ilusión? Un ensayo sobre Europa, de Tony Judt. Estes son tres dos libros sobre os que nos últimos meses debateu o alumnado do campus no marco dun club de lectura que desenvolve a súa actividade a través da rede. No marco da Cátedra Jean Monnet Understading the EU in the 21st Century, o profesor Celso Cancela promoveu un club virtual que busca “incentivar unha lectura reflexiva e crítica sobre temas que vemos na prensa a diario pero aos que non resulta de fodo fácil darlle un significado”.
Martes, 28 de marzo do 2017

A cita será os días 30 e 31 de marzo no campus de Ourense

Un encontro pedagóxico afondará na educación dende o punto de vista do compromiso co territorio

Dedicarase especial atención á experiencia desenvolvida na cidade lusa de Óbidos


ImageO CIFP Portovello e a Facultade de Ciencias da Educación do campus de Ourense organizan esta semana un encontro pedagóxico que, baixo o título A educación dende o compromiso co territorio. Achegamento á experiencia de Óbidos, reunirá a estudantes e profesionais do sector os días 30 e 31 de marzo nas instalacións universitarias ourensás. A presentación do evento tivo lugar este martes no Pazo Provincial, acto no que participou Rosendo Fernández, vicepresidente da Deputación de Ourense; Manuel Doval, deputado provincial de Cultura; José María Faílde, director da Área de Planificación do campus de Ourense, e Jesús Fortes, do CIFP Portovello.
Martes, 28 de marzo do 2017

O director do Campus do Mar, Emilio Fernández, impartiu un relatorio en CC da Educación e do Deporte

Para frear o cambio climático é preciso desligar benestar de crecemento

Catedrático de Ecoloxía, afondou nos efectos dun sistema económico baseado no incremento do consumo


ImageA mitigación dos efectos do cambio ambiental global é compatible cun modelo económico sustentado no crecemento? Esta é a pregunta que o catedrático de Ecoloxía e director do Campus do Mar, Emilio Fernández, formulou este martes entre o alumnado de Ciencias da Educación e do Deporte. “Temos un modelo económico que se sustenta en queimar combustible, sempre que falamos de crecemento falamos de aumentar as emisións”, opina este catedrático, para quen o “gran reto” á hora de mitigar os impactos do cambio climático, pasa por “atopar un novo modelo” económico no que o benestar “non estea asociado ao incremento do consumo”.
Luns, 27 de marzo do 2017

A cita será o 3, 4, 24 e 26 abril nos campus de Ourense e Vigo

As II Xornadas sobre Dereito Deportivo dedicarán especial atención aos dereitos humanos

As sesións contarán coa participación dun amplo panel de relatores do eido académico e profesional


ImageO pasado ano preto de 200 persoas entre docentes, investigadores, deportistas, adestradores, árbitros, xestores e estudantes participaron na primeira edición das Xornadas sobre Dereito Deportivo. Por estes bos resultados de participación e sobre todo “polo interese dos actores que participaron en continuar profundando na temática”, os días 3, 4, 24 e 26 de abril, as facultades de Dereito do campus de Ourense e de Ciencias Xurídicas e do Traballo do campus de Vigo acollerán a segunda edición desta xornadas, que nesta ocasión dedicarán especial atención aos dereitos humanos.
Venres, 24 de marzo do 2017

Ciencias Empresariais e Turismo acolleu este venres unha charla de Marta Álvarez, da Granxa Maruxa

Poñendo cara ao emprendemento rural e feminino

A empresaria salientou a importancia de saber afrontar o fracaso e o traballo cooperativo


ImageEmprender coa perspectiva de "darlle ao rural a dignificación que precisa, estando orgullosos do noso". Con esta premisa, Marta Álvarez, da Granxa Maruxa e da empresa de cosmética Muuhlloa, afrontou ao longo da súa traxectoria e afronta na actualidade diferentes proxectos empresariais nos que o feito de estar radicados no rural supuxo non unha desvantaxe senón unha vantaxe. A empresaria interviu este venres na Facultade de Ciencias Empresariais e Turismo do campus de Ourense co obxectivo de explicarlle ao alumnado a súa experiencia como muller emprendedora no rural galego.
Venres, 24 de marzo do 2017

Co obxectivo de analizar contidos e a adecuación ao mercado de traballo dun novo curso

O campus acolle unha reunión dun panel de especialistas de sectores vinculados ao mar

Participaron representantes das principais empresas e entidades vinculadas ao sector marítimo


Image“A experiencia resultou moi enriquecedora, superando con creces as nosas expectativas”. Así resume Maruxa Álvarez, profesora da Facultade de Bioloxía, a súa sensación ao remate dunha xuntanza na que participaron representantes das principais empresas e entidades vinculadas ao mar. O obxectivo deste panel de expertas e expertos era analizar a proposta de contidos para un novo curso de especialización centrado no desenvolvemento de habilidades profesionais en sectores vinculados ao mar e reflexionar conxuntamente sobre a súa adecuación e idoneidade á realidade do mercado de traballo.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 2652

Duvi. Diario da Universidade de Vigo. | Contacta con nós