DUVI. Diario da Universidade de Vigo
Inicio arrow Actividades Académicas
Martes, 23 de maio do 2017

A Área de Formación e Innovación Educativa organiza un curso práctico

Persoal docente e investigador poderá mellorar as súas habilidades comunicativas en inglés nos foros internacionais

Esta actividade formativa levarase a cabo durante a primeira quincena de xuño


ImageA participación de docentes e persoas investigadoras en foros internacionais, como congresos, cursos e seminarios, implica a realización de presentacións e exposicións orais, normalmente, en inglés, polo que, ademais das técnicas necesarias para desenvolvelas, precísanse habilidades comunicativas nesta lingua. Para dar resposta a estas necesidades formativas, a Área de Formación e Innovación Educativa da Vicerreitoría de Organización Académica e Profesorado organiza o curso Práctica do discurso oral en inglés en foros internacionais destinado a persoal docente e investigador.
Luns, 22 de maio do 2017

A formación desenvolverase do 7 ao 14 de xuño

Enxeñaría Aeronáutica e do Espazo acollerá un curso de introdución aos sistemas aéreos non tripulados

O seu enfoque será fundamentalmente práctico


ImageA Escola de Enxeñaría Aeronáutica e do Espazo do campus de Ourense acollerá do 7 ao 14 de xuño o curso de formación Introdución aos sistemas aéreos non tripulados, que terá como obxectivo principal achegar esta tecnoloxía ao alumnado de titulacións técnicas que queira ter un primeiro contacto con ela. A actividade, explican os seus responsables, terá un carácter moi práctico e incidirá en aspectos como os diferentes subsistemas que compoñen un dron e cuestións relativas á lexislación actual neste eido, entre outros temas.
Venres, 19 de maio do 2017

Nunhas charlas impartidas no concello por titulados da Escola de Enxeñaría de Minas e Enerxía

Alumnado de secundaria descobre ‘en galego’ os principais recursos naturais de Galicia

Esta semana arrancou no campus unha nova edición do curso sobre o software de lincenza libre RecMin


ImageAchegar a ciencia e a enxeñaría ao estudantado de secundaria e facelo empregando como vehículo transmisor o galego. Esta é a idea coa que os servizos de normalización lingüística da Universidade e do Concello de Vigo puxeron en marcha unha serie de charlas dirixidas, precisamente, a amosar ao alumnado dos institutos vigueses que en Galicia se fai ciencia e que, ademais, faise en galego. O primeiro centro en participar foi a Escola de Enxeñaría de Telecomunicación e a ela uniuse este venres a de Enxeñaría de Minas e Enerxía, e fíxoo cunha exposición de carácter didáctico na que se amosan os principais recursos naturais de Galicia seguidas de seis minicharlas impartidas por catro ex-alumnas e alumnos dos diferentes graos da escola.
Venres, 19 de maio do 2017

A docencia será do 1 de xuño ao 20 de xullo en horario de tarde os xoves e venres sen exames

Enxeñeiras e enxeñeiros coñecerán as claves da seguridade dixital para facer fronte a ciberataques

Nun curso de 44 horas que será impartido por profesionais de empresas galegas e estatais


ImageDatos persoais, bancarios, fiscais, compras por internet, unha morea de claves… nun mundo como o actual no que as e os cidadáns están altamente conectados na rede, a seguridade dos equipos e sistemas informáticos e das actividades en liña é esencial. Sendo conscientes tamén do incremento da demanda de profesionais relacionados con este eido, a Escola de Enxeñería de Telecomunicación puxo en marcha o curso pasado un Curso de Introdución á Ciberseguidade e, dada a boa aceptación do mesmo, este verán repetirase. O obxectivo é dotar ao alumnado dunha visión de conxunto dos diferentes aspectos que conforman a ciberseguridade a das saídas profesionales que permite.
Martes, 16 de maio do 2017

O campus acollerá en xuño unha nova edición do curso organizado por Auce e Estou

Unha nova oportunidade para obter o título de monitor de tempo libre

O número de prazas dispoñibles ascende a 25


ImageUnha das citas formativas xa tradicionais no campus de Ourense unha vez rematada a docencia nas aulas é o Curso de Monitor de Tempo Libre, que a Escola de Tempo Libre Universitaria Estou e a Asociación Universitaria de Ciencias da Educación Auce veñen organizando cada ano nos meses de xuño e xullo. As entidades veñen de convocar a matrícula para a súa primeira edición deste 2017, que se celebrará en xuño. Cada día, en horario de mañá e tarde e nas diferentes instalacións do campus, 25 persoas terán a oportunidade de aprender xogando a dinamizar todo tipo de grupos, desde nenos e nenas a persoas maiores.
Xoves, 11 de maio do 2017

A importancia destas plataformas centra o Día das Redes Galegas de CCSS e da Comunicación

O futuro do galego atópase tamén nas redes sociais

A xornada reuniu como conferenciantes a catro profesionais do eido formadas nesta facultade


ImageO 86% dos internautas de entre 16 e 65 anos, preto de 19 millóns, son usuarios e usuarias de redes sociais, segundo o informe publicado por IAB Spain neste 2017. Afondar na súa importancia e nos cambios que están a provocar no sector da comunicación era un dos obxectivos centrais do Día das Redes Galegas, que a Facultade de CCSS e da Comunicación celebrou este xoves reunindo a catro profesionais formadas e formados nas súas aulas. Mais tamén érao pór de relevo que os social media son tamén unha “grande oportunidade” para o idioma, como salientou o secretario xeral de Política Lingüística, Valentín García.
Resultados 13 - 18 de 2717

Duvi. Diario da Universidade de Vigo. | Contacta con nós