DUVI. Diario da Universidade de Vigo
Inicio arrow Cultura
Mércores, 29 de marzo do 2017

A iniciativa ‘El Pliego’ foi coordinada polas profesoras de BBAA Anne Heyvaert e Ana Soler

Un proxecto internacional de edición gráfica reúne 224 obras chegadas de once países

17 centros participaron na iniciativa coordinada polo grupo DX5, que dará lugar diferentes exposicións


ImageIntervir, a través das múltiples técnicas de edición gráfica que permiten crear unha imaxe múltiple, nas catro caras dunha folla de papel pregada en dous é a proposta que desde o grupo dx5 de Belas Artes propuxeron no proxecto internacional de intercambio, interacción gráfica e edición El Pliego / Le Pli / A Folder. Coordinado polas profesoras Ana Soler e Anne Heyvaert, esta iniciativa reuniu 224 obras procedentes de once países, compiladas agora nun catálogo dixital e nunha serie de libros formados por cadernos que reúnen todas as obras, que servirán como punto de partida ás exposicións que desenvolverán as entidades participantes.
Martes, 28 de marzo do 2017

Este martes presentouse a 22ª Mostra Internacional de Teatro Universitario de Ourense

Para divertir e para concienciar, a Miteu sube de novo ao escenario

A programación desenvolverase do 20 de abril ao 6 de maio


ImageUnha Miteu “equilibrada, poética, divertida e con moitos pratos fortes”. Con estas palabras presentou este martes Fernando Dacosta a 22ª Mostra Internacional de Teatro Universitario de Ourense, a Miteu. Do 20 de abril ao 6 de maio, 30 grupos, na súa maioría aulas de teatro de universidades galegas, estatais e lusas pero tamén compañías profesionais, subirán aos escenarios da cidade de Ourense para amosar ao público as súas últimas producións. Seguindo a liña de anos anteriores, o certame mesturará a súa aposta por divertir e entreter aos espectadores co seu compromiso social. Unha edición máis a Universidade de Vigo volverá a ter un protagonismo especial nesta cita xa que, alén de ser unha das entidades patrocinadoras, a mostra contará coa actuación das súas aulas de teatro e danza, ademais de acoller nos espazos universitarios parte das representacións.
Luns, 27 de marzo do 2017

A través da exposición ‘A miña luzada’, que poderá visitarse ao longo desta semana na sede da Vicerreitoría

Implicadas no Desenvolvemento achega a Casa das Campás aos efectos das crises nas mulleres

A mostra reúne fotografías realizadas en Galicia e na India no marco dun concurso promovido por esta ONG


ImageNo ano 2013, a ONG Implicadas no Desenvolvemento impulsou o concurso fotográfico Das crises ás alianzas, no que convidaba ás mulleres de Galicia e do estado de Tamil Nadu, no sur da India, a plasmar nunha imaxe os efectos que teñen as crises na vida das mulleres. Daquela iniciativa xurdiu A miña luzada, unha exposición que reúne en dez paneis unha selección dos proxectos presentados tanto en Galicia como na India, que desde 2014 viu percorrendo a xeografía galega e que desde este luns fai parada na Casa das Campás, onde serve como actividade de presentación do grupo de traballo desta organización na cidade.
Xoves, 23 de marzo do 2017

A Biblioteca Universitaria bota a andar unha acción solidaria de recollida e venda de libros

Libros Salvavidas para axudar aos refuxiados sirios

Os mercadillos terán lugar os días 25, 26 e 27 de abril en diferentes puntos do campus


Image“Participar nunha acción solidaria tendo o libro como motivo”. Esta é a razón pola que a Biblioteca Universitaria pon en marcha a iniciativa Libros Salvavidas, explica Paz Canduela, subdirectora do centro, unha actividade que ten como fin recadar fondos para axudar aos refuxiados sirios a través da recollida e posterior venda de libros usados, e que ao tempo servirá tamén para celebrar o Día do Libro o vindeiro 23 de abril. Todas as persoas que desexen colaborar coa causa poderán doar os libros en calquera dos centros bibliotecarios da Universidade, así como tamén na conserxaría da reitoría.
Xoves, 23 de marzo do 2017

A cita coa música independente no campus encheu o Vidal Bolaño

Agorazein e Royce Rolo poñen música ao Sonora’17


ImageA banda madrileña de hip-hop Agorazein, considerada como unha das revelacións deste xénero, foi a encargada de poñer música á edición primavera do Festival Sonora. A cita estrela da programación musical independente da Universidade de Vigo reuniu no Teatro Vidal Bolaño á banda madrileña e ao Dj Royce Rolo, que foi o encargado de abrir e pechar o concerto. C. Tangana, Sticky M.A., Fabianni, Jerv.agz e I-Ace son os artífices de Agorazein, un proxecto que xa ten catro álbumes no mercado, Kind of Red, AGZ4EVER, Real Or Be Real'd e Siempre, publicado en 2016 e cheo de bases electrónicas e ritmos lentos.
Martes, 21 de marzo do 2017

A Escola Superior de Enxeñaría Informática acolle un obradoiro sobre este tema

Unha ventá aberta para introducirse no mundo da programación

A formación está pensada para ser de utilidade a alumnado das diferentes titulacións


ImageA programación de obradoiros deste cuadrimestre está estas semanas en pleno desenvolvemento, impartíndose xa ou estando a piques de facelo boa parte das accións previstas. Unha das principais novidades que se incluíron nesta última convocatoria é un Obradoiro de introdución á programación, destinado a ensinar tanto aos membros da comunidade universitaria como aos cidadáns en xeral interesados a crear eles mesmos os seus primeiros programas, sen ser precisos coñecementos previos de informática. Actualmente, 20 estudantes participan cada semana nesta formación.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 1935

Duvi. Diario da Universidade de Vigo. | Contacta con nós