DUVI. Diario da Universidade de Vigo
Inicio arrow Cultura
Venres, 17 de febreiro do 2017

A exposición 'Tecido Cru' reúne as creacións realizadas por 29 estudantes da titulación

Esdemga afonda nos principios construtivos do deseño na igrexa da USC

A mostra reúne unha escolma de proxectos elaborados a partires de tecidos carentes de cores


ImageAmosar e facer lexibles os fundamentos do deseño, pero tamén defender o proceso de construción dun vestido como un obxecto poético. Estas dúas ideas conflúen en Tecido Cru, o proxecto expositivo que reúne unha serie de traballos realizados polo alumnado de Esdemga a partires de tecidos nus, carentes de cores ou estampados. Un proxecto comisariado polas profesoras e investigadoras do grupo DX7 Lola Dopico e Cristina Varela que hai poucas semanas despedía a súa segunda edición na Casa Galega da Cultura de Vigo para agora viaxar ata a Igrexa da Universidade de Santiago de Compostela.
Xoves, 16 de febreiro do 2017

O proxecto PEPO, impulsado por unha investigadora de Ciencias do Mar, desenvolverase en sete colexios

Un espectáculo de monicreques amosa a nenos e nenas o impacto que os plásticos teñen nos océanos

Os protagonistas, Planki e Tonki, que loitan contra Plastikeitor para eliminar o lixo do mar


ImagePlanki e Tonki son dous microorganismos do plancto mariño. O seu inimigo é Plastikeitor, o mostro do lixo de plástico dos océanos. Da súa vitoria depende a supervivencia dos ecosistemas mariños, dos animais que os habitan e do equilibrio do planeta. Estes tres personaxes son os protagonista do proxecto de divulgación científica PEPO, que nas vindeiras semanas achegará aos estudantes de Educación Infantil de varios colexios de Vigo a problemática da contaminación que os plásticos provocan no océanos. Trátase dunha iniciativa posta en marcha por María Aranguren, estudante de posdoutoramento da Facultade de Ciencias do Mar, e financiada pola Asociación Internacional para la Investigación de Limnología y Oceanografía (ASLO) e conta coa colaboración da Vicerreitoría de Relacións Internacionais e Extensión Universitaria e a Asociación Oceanógrafos de Galicia.
Mércores, 15 de febreiro do 2017

A facultade acolle ata o día 24 unha exposición sobre a convención sobre os dereitos dos nenos e nenas

Amnistía Internacional reivindica os dereitos da infancia nas paredes de CC da Educación e do Deporte

Conformada por 17 paneis, a mostra busca denunciar a súa "vulneración sistemática"


Image'Os nenos e nenas deberán ir á escola en lugar de traballar' ou 'non se someterá a ningún neno ou nena a torturas' son dous dos lemas que desde esta semana poden lerse nas paredes do primeiro andar da Facultade de Ciencias da Educación e do Deporte. Ata o 24 de febreiro permanecerá exposta neste centro a exposición itinerante Os dereitos das nenas e os nenos, coa que Amnistía Internacional busca pór de relevo a vulneración dos dereitos da infancia a través de 17 paneis nos que se reproducen os diferentes puntos da convención sobre os dereitos dos nenos e nenas, aprobada por Nacións Unidas en 1989.
Luns, 13 de febreiro do 2017

Convócase un concurso de creacións audiovisuais arredor da obra da escritora galega

'RosalíaTe' facendo videopoemas de 20 segundos

Co gallo da celebración o 24 de febreiro do seu día


ImageO 24 de febreiro celébrase o Día de Rosalía e sumándose a esta conmemoración a Asociación de Escritoras e Escritores en Lingua Galega e o campus de Ourense veñen de convocar o Concurso de Videopoemas RosalíaTe. Nel convídase aos membros da comunidade universitaria a presentar nunha videogravación feita co teléfono móbil na que se recite un pequeno fragmento ou estrofa dalgún poema da escritora galega. O obxectivo da iniciativa, explican os organizadores, é transmitirlle á sociedade a importancia da figura de Rosalía de Castro no ámbito sociocultural galego.
Luns, 13 de febreiro do 2017

Alumnado do instituto Terras de Turonio entrevistou en directo ao reitor, Salustiano Mato

A Universidade súmase a Ponte… nas ondas! na celebración do Día Mundial da Radio

Estreouse a web Escolas nas Ondas, na que tamén colabora a institución académica viguesa


ImageA Universidade de Vigo vén colaborando con Ponte… nas ondas! desde hai anos, entre outros proxectos, encargándose de realizar o servizo de emisión e aloxamento dos programas realizados polos centros educativos. Neste contexto e coincidindo coa celebración do Día Mundial da Radio, o reitor da Universidade de Vigo, Salustiano Mato, asistiu este luns no IES Terra de Turonio de Gondomar á estrea do espazo web Escolas nas Ondas. Non foi unha visita calquera, durante a súa estancia no instituto o reitor compartiu experiencias co alumnado do centro, que iniciou a programación dun día tan especial con esta entrevista en directo.
Venres, 10 de febreiro do 2017

Xesús Alonso Montero e a filóloga Inés D’Ors protagonizarán dous relatorios na Casa das Campás

Do espello da alma ao cancioneiro popular

As actividades englóbanse nos encontros que promove a Vicerreitoría xunto co Programa para Maiores


Image“Aproveitar todo o que temos ao noso redor” para propor actividades abertas ao conxunto da cidadanía é, como sinala o responsable da Área de Extensión Cultural, Manuel Morquecho, a filosofía coa que a Vicerreitoría, coa colaboración do Programa para Maiores, articula baixo o epígrafe común de Encontros as actividades que propoñen para as vindeiras semanas na Casa das Campás. Por este espazo pasarase o mércores a filóloga Inés D’Ors, quen abordará a importancia do rostro na literatura ou na arte, mentres que o 9 de marzo o presidente da Real Academia Galega, Xesús Alonso Montero, falará do cancioneiro popular galego.
Resultados 31 - 36 de 1935

Duvi. Diario da Universidade de Vigo. | Contacta con nós