DUVI. Diario da Universidade de Vigo
Inicio arrow Cultura
Xoves, 12 de xaneiro do 2017

Con Nono Bandera, Marcos Covelo, Nuria Figueiredo, Berto Fojo, Julia Huete e Natalia Umpiérrez

‘Un rolo de papel continuo’ que une a docentes e titulados de Belas Artes

Este xoves inaugurouse a exposición que se poderá visitar na Sala X ata o 10 de febreiro


ImageXenerosidade, colaboración, intromisións, interferencias e horas e horas de “citas rolo” deron forma a Un rolo de papel continuo. Así o explica a profesora de Belas Artes Susana Cendán o xermolo de Un rolo de papel continuo, un proxecto coral, unha exposición que elas mesma comisaria e na que participan seis artistas vinculados á Facultade de Belas, ben sexan docentes, ben sexan titulados e tituladas. A mostra, que recolle o traballo conxunto de Nono Bandera, Marcos Covelo, Nuria Figueiredo, Berto Fojo, Julia Huete e Natalia Umpiérrez, inaugurouse este xoves na Sala X e poderase visitar ata o 10 de febreiro.
Luns, 09 de xaneiro do 2017

Mantense aberta a inscrición nos sete cursos abertos a toda a cidadanía que promove a Vicerreitoría

Fotografía e xénero, educación non formal e intelixencias múltiples súmanse aos obradoiros do campus

O control de son en radio, locución, oratoria e música tradicional completan a oferta formativa


ImageUn achegamento á educación non formal, a abordaxe da teoría das intelixencias múltiples como ferramenta didáctica e un achegamento á fotografía desde a perspectiva de xénero constitúen as principais novidades que a Vicerreitoría do campus suma ao seu programa de obradoiros para este cuadrimestre. Desde finais de decembro permanece aberto o prazo de inscrición nos sete talleres, abertos a toda a cidadanía, que se desenvolverán no campus entre febreiro e abril e entre os que se atopa tamén un obradoiro de control de son en radio, así como as novas edicións dos talleres de oratoria, locución audiovisual e interpretación de instrumentos populares.
Xoves, 22 de decembro do 2016

A Aula Universitaria de Teatro Infantil Gepetto presentará na Moti a súa última obra

'O traxe novo da emperatriz' xa está listo para a súa estrea

Froito do traballo feito polo alumnado neste primeiro cuadrimestre baixo a dirección de Elena Seijo


Image"Nun país non moi afastado, a emperatriz trae de cabeza a todo o reino. Os seus chanceleres xa non saben como facer para que pare de gastar e sexa consciente da crise que asola ao país. O pobo pasa fame e frío, pero a ela non lle importa. Un bo día chega a oídos da emperatriz a presenza no reino duns xastres espectaculares. Non parará ata que lle confeccionen o mellor traxe do mundo, o nunca visto, aínda que o pobo cada vez estea peor. Rebelaranse algún día?" Con este argumento preséntase a obra O traxe novo da emperatriz, que estreará Gepetto, a Aula Universitaria de Teatro Infantil do campus de Ourense, a vindeira semana.
Mércores, 21 de decembro do 2016

Ofrecerán un concerto o día 23 de decembro ás 18.30 h

Susa Herrera e o seu cuarteto As Comadres levarán ao escenario do Liceo os sons de Cabárceno

O público poderá escoitar as cancións do último disco da docente da Universidade de Vigo


ImageHai agora xusto un ano, en decembro de 2015, Susa Herrera, escritora e docente da Universidade de Vigo, presentaba o seu último libro musical, titulado En Cabárceno se sigue cantando, como continuidade ao publicada en 2012 En Cabárceno se oye cantar. O seu éxito editorial veu acompañado ao longo deste ano por diferentes actuacións que continúan este venres cun concerto no Liceo de Ourense destinado ás familias con nenos ou nenas a partir de catro anos de idade. Nel, a docente estará acompañada polas ex alumnas súas do campus de Pontevedra Tere Gómez, Lara Expósito e Merchy Rozas, coas que forma o cuarteto As Comadres.
Luns, 19 de decembro do 2016

O profesor Jorge Soto fixo entrega no Servizo de Pediatría dunha serie de xoguetes recollidos no campus

A solidariedade do campus chega ao Hospital Provincial

Ciencias da Educación e do Deporte continúa colaborando coa campaña ‘Un neno, un xoguete’


ImageCo propósito de sumar o seu gran de area á campaña Un neno, un xoguete, que desenvolve a asociación Stop y Iniciativa Local, a Comisión PEA-Unesco de Ciencias da Educación e do Deporte iniciou en novembro unha campaña de recollida de xoguetes que, como recoñece o profesor Jorge Soto, “está a resultar todo un éxito”. De feito, a pasada semana conseguiuse "encher un camión” cos xogos que a comunidade universitaria foi depositando nos colectores instalados á entrada do centro. Varios deles retornaron este luns a Pontevedra, onde foron entregados aos nenos e nenas que se atopan ingresados no Hospital Provincial.
Venres, 16 de decembro do 2016

Do 26 ao 30 de decembro a cidade de Ourense acollerá unha nova edición desta mostra

O teatro infantil volve polo Nadal da man da Moti

A Aula Gepetto do campus estreará a obra 'O traxe novo da emperatriz'


ImageÉ tempo de Nadal e un ano máis a Mostra de Teatro Infantil de Ourense Moti volve á programación cultural da cidade para encher de fantasía o tempo de ocio dos máis cativos e cativas. A 13 edición deste certame celebrarase na semana do 26 ao 30 de decembro, aínda que para abrir boca haberá un espectáculo de rúa o día 18. Nela participarán 16 compañías, procedentes a metade delas de Galicia e o resto de Cataluña, País Vasco, Madrid, Asturias, Arxentina e Portugal. Elas serán as encargadas de ofrecer 18 representacións de diferente formato, desde teatro para bebés a circo contemporáneo. Un ano máis o campus de Ourense volve a ter un protagonismo destacado nesta cita, xa que ademais de ser unha das entidades que a financia acollerá nas súas instalacións varios dos seus espectáculos e a Aula Universitaria de Teatro Infantil Gepetto estreará nela a súa última produción.
Resultados 55 - 60 de 1935

Duvi. Diario da Universidade de Vigo. | Contacta con nós