DUVI. Diario da Universidade de Vigo
Inicio arrow Deportes
Venres, 20 de outubro do 2017

31 estudantes da Universidade participan xa no programa Active Campus Europe

Co compromiso de deixar de ser persoas sedentarias

Durante dez semanas desenvolverán un plan de exercicio físico personalizado


ImageSer unha persoa nova non equivale a ser unha persoa activa. O sedentarismo, a falla de exercicio físico, é unha problemática que tamén afecta ao alumnado universitario. Co obxectivo de fomentar o deporte entre este colectivo, a Área de Benestar, Saúde e Deporte da Universidade de Vigo, ao abeiro do proxecto internacional Active Campus Europe, vén de pór en marcha unha iniciativa mediante a cal 31 persoas dos tres campus están a desenvolver durante dez semanas un plan de exercicio físico personalizado. O reto é, seguindo as recomendacións da Organización Mundial da Saúde, acadar que cada unha delas realice 150 minutos de actividade física moderada á semana.
Martes, 17 de outubro do 2017

A primeira andaina deste curso terá lugar o sábado 21 de outubro

Un percorrido polo Ribeiro e un baño nas termas de Prexigueiro para arrancar con bo pé as rutas culturais

A inscrición está aberta a membros da comunidade universitaria e persoas alleas a ela


ImageO sábado 21 de outubro a programación de roteiros que este curso organiza a Área de Benestar, Saúde e Deporte da Universidade de Vigo bota a andar e farao cun percorrido “polo corazón do Ribeiro”. Coa inscrición aínda aberta tanto para os membros da comunidade universitaria interesados como para a cidadanía en xeral, as persoas que se apunten realizarán unha excursión pola contorna de Castrelo de Miño que lles permitirá coñecer a riqueza natural, cultural e vitivinícola desta zona. O traxecto rematará cun baño nas termas de Prexigueiro.
Luns, 16 de outubro do 2017

O equipo masculino derrotou ao Cambados nun encontro moi disputado

Pleno de vitorias do Auriense na liga galega de fútbol gaélico

A categoría feminina gañou ao Pontevedra


ImageEsta fin de semana, os equipos de fútbol gaélico do Auriense FG sumaron cadansúa vitoria nos seus desprazamentos. Segundo informan desde o equipo, o sábado a categoría masculina “derrotou a domicilio a un rival directo, o Cambados FG, nun partido que demostrou ao igualdade que este ano vaise a vivir na liga galega”. Despois dun partido moi disputado, o resultado final do encontro foi de Cambados 3-11(20)-Auriense 4-13(25), mantendo o equipo as súas boas expectativas neste comezo de competición. Pola súa banda, a categoría feminina gañou ao Pontevedra.
Mércores, 11 de outubro do 2017

Investigadores de Vigo e da Politécnica de Madrid analizan nun artigo o rendemento físico deste equipo

Un estudo sobre o Real Madrid demostra que correr máis non fai gañar máis partidos

A análise abrangue de 2001 a 2007 e compara os quilómetros percorridos a alta intensidade polo equipo e os rivais


ImageA pesares dos seus éxitos deportivos, os xogadores do Real Madrid percorreron de media menos quilómetros en carreiras de alta intensidade e sprints que os seus rivais. Esta é a principal conclusión da análise realizada por investigadores das universidades de Vigo e Politécnica de Madrid dun total de 140 partidos disputados por este equipo entre as tempadas 2001-2002 e 2006-2007. “Os resultados demostran unha idea moi sinxela, que non por correr máis vas gañar máis”, salienta o catedrático da Facultade de Ciencias da Educación e do Deporte, Carlos Lago, da investigación que realizou xunto ao tamén docente desta facultade Luís Casais e os investigadores da Politécnica de Madrid Javier Miñano e Miguel Ángel Gómez. Os resultados desta análise amosan que os xogadores do Real Madrid percorrían a alta intensidade unhas distancias medias un 10% inferiores ás dos seus rivais.
Luns, 09 de outubro do 2017

Derrotou ao Uribealdea RKE por 25-17, sumando cinco importantes puntos

O Kaleido achégase á zona alta da clasificación

A próxima semana enfrontarase ao UBU Colina Clinic de Burgos, segundo clasificado


ImageO Kaleido Universidade de Vigo de Rugby alcanzou esta fin de semana unha importante vitoria na casa fronte ao equipo vasco Uribealdea RKE, un triunfo que logra situalos na parte alta da clasificación, ao sumar cinco puntos en xogo logrando o bonus ofensivo, o que lles permite distanciarse da zona de perigo e afrontar cunha maior tranquilidade a dureza que marca o calendario para as próximas xornadas, incluída a vindeira semana, na que os vigueses terán que enfrontarse ao segundo clasificado, o UBU Colina Clinic de Burgos. A fin de semana completouse para os vigueses coa vitoria do equipo Sub14 e as derrotas dos Sub18 e do segundo equipo senior.
Luns, 09 de outubro do 2017

Os xogadores de rugby acadaron un resultado final de 34-21

O Campus Universitario Ourense Coosur gañou na casa ao Eibar

A categoría feminina do club comezou esta fin de semana a competición perdendo contra o Muralla


ImageEsta fin de semana, o Campus Universitario Ourense Coosur disputou a cuarta xornada da liga que disputa no Grupo A da División de Honra B do rugby estatal, recibindo nas instalacións universitarias a “un rival duro” como é o Eibar. Os xogadores adestrados por David Monreal continuaron a súa dinámica de resultados sumando unha vitoria. Segundo explican desde o equipo, o Campus Universitario Ourense Coosur impúxose ao Eibar por 34-21, apuntándose ademais o bonus ofensivo. Pola súa banda, a categoría feminina do club comezou esta fin de semana a competición
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 1425

Duvi. Diario da Universidade de Vigo. | Contacta con nós