DUVI. Diario da Universidade de Vigo
Inicio arrow Deportes
Luns, 08 de maio do 2017

A última andaina do curso académico será o sábado 13 de maio

As rutas culturais universitarias pecharán a súa programación cunha viaxe á fin do mundo

As persoas participantes realizarán parte do Camiño de Santiago a Fisterra


ImageDespois dun intenso curso de actividade, a programación de rutas culturais organizada pola Área de Benestar, Saúde e Deporte da Universidade de Vigo chega ao seu fin. O sábado 13 de maio, entre 80 e 90 participantes procedentes dos tres campus realizarán a onceava e última andaina. Elas e elas percorrerán parte da terceira etapa do Camiño de Santiago a Fisterra e realizarán unha viaxe pola costa ata chegar á “fin do mundo”. Como xa vén sendo tradición, e se as condicións climáticas o permiten, o peche das rutas culturais 2016/2017 farase cun baño na praia.
Xoves, 04 de maio do 2017

A falta dunha xornada para rematar os encontros

O Kaleido Universidade de Vigo RC proclámase campión de liga nas categorías sub-16 e sub-18

O club valora como “excelentes” os resultados obtidos pola canteira


ImageO Kaleido Universidade de Vigo RC proclámase campión da Liga Galega nas categorías sub-18 e sub-16 a falta dunha xornada para rematar os encontros. O conxunto sub-18 alzouse co título de maneira matemática grazas á súa vitoria ante o CR Ferrol, logo de permanecer invictos durante toda a tempada, “algo que amosa o bo traballo realizado pola canteira”, segundo sinalan desde o club. Pola súa banda, os xogadores da categoría sub-16 derrotaron na última xornada ao Pontevedra RC cun resultado de 101-0, alzándose así co título de liga, e facendo valer o bonus defensivo logrado na súa recente visita ao CRAT de A Coruña.
Martes, 02 de maio do 2017

CCSS e da Comunicación acolleu unha nova edición desta iniciativa do Campus da Auga ConVida

Os Martes Saudables pasan revista ao campus

No posto instalado no centro, ofrecíase información sobre saúde, nutrición, deporte e sexualidade


ImageInformación sobre nutrición, sexualidade ou sobre os diferentes servizos da Área de Benestar, Saúde e Deporte da Universidade, xunto á posibilidade de coñecer a tensión arterial, o índice de masa muscular ou os niveis de colesterol. Os Martes Saudables achegaron de novo ao campus un amplo abano de opcións para que a comunidade universitaria puidese coñecer e mellorar o seu estado de saúde. Cun posto articulado en catro seccións, centradas en deporte, nutrición, sexualidade e saúde xeral e complementado con información da Axencia de Doazón de Órganos de Sangue de Galicia, esta iniciativa retornou nesta xornada a CCSS e da Comunicacion.
Martes, 02 de maio do 2017

Esta fin de semana Vigo obtivo tamén a prata no Campionato Galego Universitario de Orientación

O UVigo EXP proclámase campión da Liga Galega de Xadrez

Tres equipos vigueses participan dende hoxe nos CEU de deportes colectivos en Murcia


ImageO equipo de xadrez universitario UVigo EXP-Xadrez Estratexia pola Paz proclamouse esta fin de semana campión da División de Honra da Liga Galega de xadrez. E fíxoo a pesar de caer fronte o Xadrez Ourense A por 2-4, xa que os vigueses precisaron tan só dous puntos ante un dos rivais máis duros da liga. Ademais, esta fin de semana o deporte universitario vigués acadou tamén outro éxito, a prata no Campionato Galego Universitario de Orientación. Por ourta banda, este martes arrancan en Murcia os Campionatos de España Universitarios de deportes colectivos, coa presenza de tres equipos vigueses: baloncesto feminino e masculino e balonmán masculino.
Martes, 02 de maio do 2017

O Universitario de Ourense A acadou una vitoria contra o Xadrez Ourense B

O primeiro equipo de xadrez do campus remata a liga galega nun segundo posto do seu grupo

As categorías de baloncesto conseguiron cadansúa vitoria nos encontros disputados


ImageEsta fin de semana os equipos de xadrez e baloncesto do campus de Ourense pecharon a súa participación en diferentes fases das súas respectivas competicións. Na liga galega de xadrez por equipos, o Universitario Campus de Ourense A acadou una vitoria contra o Xadrez Ourense B que lle proporciona o segundo posto do seu grupo na competición. Polo que respecta ao baloncesto, a categoría feminina rematou a súa participación na fase clasificatoria A-2 da primeira división autonómica feminina como líder na táboa.
Luns, 24 de abril do 2017

Vigo mantense no podio do Campionato de España Universitario de Taekwondo

Noelia Lalín e Lydia Pérez converten á Universidade en Campioa de España en Loitas Olímpicas

En xadrez Rubén Fernández proclamouse Campión Galego Sub 12


ImageHabía grandes expectativas e os resultados non defraudaron a ninguén. A Universidade de Vigo proclamouse esta fin de semana en Murcia Campioa de España en Loitas Olímpicas en categoría feminina grazas aos ouros conseguidos por Noelia Lalín, en 75 kg, á prata de Lydia Pérez, en 63 kg. e ao quinto posto de Cristina Alves. Xunto a elas, completou o medalleiro pola Universidade de Vigo Pablo García cun ouro en 70 kg. Son exemplos dunha extraordinaria fin de semana para o deporte universitario vigués, que trouxo tamén consigo unha medalla de bronce na clasificación xeral do Campionato de España Universitario de Taekwondo.
Resultados 25 - 30 de 1394

Duvi. Diario da Universidade de Vigo. | Contacta con nós