DUVI. Diario da Universidade de Vigo
Inicio arrow Deportes
Luns, 06 de marzo do 2017

En fútbol gaélico o equipo masculino perdeu e o mixto acadou unha vitoria

Unha fin de semana de escasos resultados deportivos para o campus

As diferentes categorías de xadrez sumaron tres empates e unha derrota pola mínima


ImageEsta fin de semana os equipos das diferentes modalidades deportivas do campus de Ourense acadaron escasos resultados nos encontros disputados. En fútbol gaélico, mentres o equipo masculino sufriu unha derrota, o mixto acadou unha vitoria. En xadrez, o cómputo para os representantes universitarios foi tres empates e unha derrota pola mínima. Polo que respecta ao rugby, a categoría feminina perdeu contra o Muralla RC, e en baloncesto, o Universitario Campus de Ourense gañou ao Recambios Frain @AXSC, obtendo un marcador final de 67-53.
Luns, 06 de marzo do 2017

Pola súa banda, Pablo Vidal proclamouse subcampión galego Sub18

O Universidade de Vigo-EXP mantén o liderado da División de Honra tras vencer ao Círculo Ferrolano


Image O Universidade de Vigo-Estratexia Pola Paz non afrouxa e mantén o liderado da División de Honra do xadrez galego tras vencer a domicilio ao Círculo Ferrolano, subcampión as dúas últimas temporadas. Mentres, en Primeira División C, a Escola Deportiva Universitaria de Vigo perdía ante o Marcote A, converténdose en colista do grupo. Pola súa banda, Pablo Vidal proclamouse subcampión galego Sub18, tras acadar catro vitorias e catro empates no campionato celebrado en Viveiro, no que o tamén representante da Universidade de Vigo David García quedaba relegado á sexta posición.
Xoves, 02 de marzo do 2017

Facilitarase a participación do alumnado en actividades de escalada, montañismo ou alpinismo

A Universidade e o Club Peña Trevinca colaborarán na promoción dos deportes de montaña

A entidade deportiva encargarase da organización da andaina da HappyGoRunning-Cidade Universitaria


ImageA Universidade de Vigo e o Club Peña Trevinca Montañeiros de Galicia unirán esforzos e estratexias para promocionar os deportes de montaña entre a comunidade universitaria. Con este obxectivo acaban de asinar un convenio de colaboración no que ambas institucións se comprometen a traballar conxuntamente para que o estudantado e o profesorado teñan información directa e concreta das actividades que desenvolve o club, dentro e fora da comunidade autónoma, relacionadas co montañismo, o sendeirismo ou a escalada. Deste xeito, o club facilitará a súa participación sobre todo en aquelas actividades de montaña visitando distintas zonas da cordilleira cantábrica, Picos de Europa, Pirineos e outros parques nacionais.
Xoves, 02 de marzo do 2017

A oitava ruta cultural deste curso desenvolverase o sábado 4 de marzo

O Courel, o novo reto de montaña para as andainas universitarias

Os participantes coñecerán a Devesa da Rogueira


ImageA programación de rutas culturais que este curso académico organiza a Área de Benestar, Saúde e Deporte da Universidade de Vigo continúa o sábado 4 de marzo cun percorrido polo Courel, dedicando especial atención á Devesa da Rogueira. A dureza do percorrido de montaña que se realizará, explican desde a organización, verase compensada pola beleza da paisaxe que se poderá ver desde os máis de 1000 metros de altura aos que chegarán os participantes. No roteiro, que se enmarca dentro do ciclo de montaña da programación de andainas universitarias, non se descarta a posibilidade de poder gozar da neve.
Mércores, 01 de marzo do 2017

Do 6 ao 10 de marzo terán acceso de balde a clases de aquagym, hipopresivos, defensa persoal ou running

A Semana da Muller no Deporte tratará de incrementar a presenza feminina nos programas de actividade física

A iniciativa está impulsada por un alumno do programa formativo UTOP-Deporte e Liderado


ImageNo curso pasado nas ligas universitarias de deportes colectivos do campus de Vigo participaron un total de 1452 homes fronte a tan só 92 mulleres, un desequilibrio que se repite noutro tipo de actividades e que o Servizo de Benestar, Saúde e Deporte trata de reverter. Unha das iniciativas postas en marcha para facelo é a I Semana da Muller no Deporte, unha programación de actividades dirixidas nas instalacións deportivas do campus de Vigo ás que as mulleres poderán acceder de balde entre o 6 e o 10 deste mes. Detrás desta iniciativa está Rubén Fernández Arcos, estudante de Enxeñaría Industrial na especialidade de Deseño e Fabricación. Mentres realiza o seu Proxecto Fin de Carreira forma parte do programa UTOP, unha iniciativa institucional de formación en deporte e liderado.
Venres, 24 de febreiro do 2017

O partido será o sábado 18 de marzo

As seleccións de fútbol gaélico de Galicia e Francia enfrontaranse nas instalacións do campus

Xogarán un amigable as categorías tanto masculina como feminina


ImageO sábado 18 de marzo, o campo de rugby do campus de Ourense acollerá un enfrontamento entre as seleccións de fútbol gaélico de Galicia e Francia. Será un amigable no que participarán tanto as categorías masculina como feminina. A acollida desta cita, destacan desde o Auriense FG, o equipo creado no campus de Ourense pola Asociación Universitaria de Ciencias da Educación AUCE, supón un empuxe á aposta que se está facendo nos últimos anos na cidade de Ourense por este deporte. A súa celebración, indican, contribuirá á difusión deste deporte e permitirá aos xogadores e xogadoras da selección galega medirse cos dunha selección como a de Francia.
Resultados 55 - 60 de 1394

Duvi. Diario da Universidade de Vigo. | Contacta con nós