DUVI. Diario da Universidade de Vigo
Inicio arrow Publicacións
Mércores, 21 de decembro do 2016

Segundo o último Informe de Conxuntura Socioeconómica de 2016

A economía galega medra máis que a española por vez primeira dende o inicio da recuperación

O documento tamén recolle que os galegos gañan 800 euros menos ao ano que en 2008


ImageO Foro Económico de Galicia presentou este mércores o seu derradeiro Informe de Conxuntura Socioeconómica do ano 2016, coordinado por Fernando González Laxe. Nesta ocasión, xunto coa análise das contas económicas do terceiro trimestre do ano e a síntese estatística dos indicadores de conxuntura, o traballo compleméntase con comentarios sobre o panorama da acuicultura a cargo de Manuel Varela Lafuente e con 15 cadros para avaliar os efectos da crise económica en Galicia. Segundo o documento presentado, a economía galega medra máis que a española por vez primeira dende o inicio da recuperación económica.
Mércores, 21 de decembro do 2016

O volume coas obras gañadoras de 2016 xa está a disposición das persoas interesadas

Dúas décadas publicando os mellores relatos curtos, poesías e traducións creados na Universidade

A publicación está editada pola institución viguesa, a Xunta e Edicións Xerais


Image Xosé Sobral, Arancha Rodríguez e Luisa Iglesias foron o gañador e gañadoras, respectivamente, do Premio 2016 de relato, poesía e tradución da Universidade de Vigo, unha iniciativa da Área de Normalización Lingüística, co patrocinio da Secretaría Xeral de Política Lingüística da Xunta de Galicia. Agora, ambas as dúas institucións, xunto a Edicións Xerais de Galicia, editan os traballos de Sobral, Rodríguez e Iglesias, xunto ao das e dos gañadores dos accésits das tres categorías, nun volume que xa está nas bibliotecas e nos diferentes servizos da Universidade de Vigo a disposición das persoas interesadas.
Xoves, 15 de decembro do 2016

Celso Cancela é un dos coordinadores dun libro homenaxe ao catedrático da UAB Francesc Morata

24 olladas ás institucións, fronteiras e gobernanza europeas

A publicación intégrase na colección da Área de Ciencia Política e da Administración da Universidade de Vigo


ImageO proceso de integración europea e o papel que xogan na actualidade as institucións comunitarias, a gobernanza e a participación cidadá nas políticas públicas ou a cooperación transfronteiriza constitúen tres dos eixos de Europa, políticas públicas y gobernanza, un libro que profesores da Universidade de Vigo e da Autónoma de Barcelona impulsaron como homenaxe ao catedrático desta última institución Francesc Morata. 28 investigadores e investigadoras de diferentes países participan nun libro que, a través de 24 artigos, propón unha ollada “a liñas de traballo de plena actualidade en relación coa Unión Europea”, como salienta Celso Cancela.
Mércores, 14 de decembro do 2016

A obra presentouse este mércores no Consello da Cultura Galega

Xosé Carlos Arias e Antón Costas presentan nun libro as claves da ‘nova pel do capitalismo’

Os autores afondan nos erros do pasado e nos principais “nós que sería necesario afrouxar”


Image“Transcorreron xa máis de oito anos desde que un abismo se abriu na economía internacional coa caída do banco de investimentos Lechman Brothers. Naquel intre, ao longo dunhas poucas horas ou días, o mundo descubriu que as bases da economía eran moito máis fráxiles do que se cría, percibindo de súpeto que toda unha época tocaba ao seu fin...”. Así inician os catedráticos galegos Xosé Carlos Arias, da Universidade de Vigo, e Antón Costas, da Universidade de Barcelona, o libro La nueva piel del capitalismo, un ensaio conxunto no que ambos autores introducen unha reflexión xeral sobre o sentido histórico desta crise.
Luns, 05 de decembro do 2016

O primeiro número, coordinado por Xosé A. Fernández Salgado, contén estudos de sete novas filólogas

Nace 'Cumieira', publicación anual para divulgar os mellores traballos do alumnado relacionados co galego

O Departamento de Filoloxía Galega e Latina anima a alumnas e alumnos a enviar propostas


ImageDar a coñecer os traballos científicos das investigadoras e investigadores máis novos no ámbito dos estudos lingüísticos e literarios en galego. Este é o principal propósito co que nace Cumieira. Cadernos de investigación da Nova Filoloxía Galega, unha publicación anual lanzada polo Departamento de Filoloxía Galega e Latina “na que reunir e divulgar algúns dos máis destacados traballos do alumnado”, tal e como subliña o profesor Xosé A. Fernández Salgado, editor deste primeiro número, que fai fincapé en que as páxinas da revista están tamén abertas aos estudos lingüísticos e literarios doutras linguas, en especial ós estudos lusófonos que resulten de interese para o galego, ao que o director do departamento Xosé-Henrique Costas, engade que “se ben nace pensada para o noso alumnado, terán tamén cabida traballos das alumnas e alumnos doutros graos e mestrados da Universidade”.
Mércores, 30 de novembro do 2016

A publicación suxire aspectos de mellora e recompila un conxunto de retos da sociedade latinoamericana

Unha aposta pola innovación social como eixo para solucionar problemas de pobreza nos países latinoamericanos

A obra está editada polo Servizo de Publicacións da Universidade de Vigo


Image O profesor do Departamento de Economía Aplicada Carlos María Fdez-Jardón e a doutora en Organización de Empresas pola Universidade de Vigo María Susana Martos, xunto con Klaus Gierhake do Centro de Investigación do Medio Ambiente  e Desenvolvemento Internacional da Universidade de Giessen, veñen de publicar o libro Innovación social y conocimiento local en Latinoamérica editado polo Servizo de Publicacións da Universidade de Vigo. Nel axuntan o traballo de diferentes autores que investigan e afondan nos cambios colectivos e o uso do coñecemento rexional, dos que xorden alternativas para potenciar melloras sociais.
Resultados 31 - 36 de 363

Duvi. Diario da Universidade de Vigo. | Contacta con nós