DUVI. Diario da Universidade de Vigo
Inicio arrow Publicacións
Luns, 09 de maio do 2016

A revista 'Sarmiento' dedica especial atención ao proceso de segregación que se produciu en 1989/1990

25 anos de historia da educación e das universidades galegas

O docente Xosé Manuel Cid é o encargado de falar nela da institución académica viguesa


ImageA Universidade de Vigo celebrou ao longo do ano 2015 os seus 25 anos de historia desde a súa segregación en 1989/1990 da Universidade de Santiago de Compostela. A revista Sarmiento. Anuario Galego de Historia da Educación, publicación feita polas tres universidades galegas, dedica no seu último número especial atención a este capítulo da historia da educación galega e á evolución posterior das novas universidades nacidas nese momento, a de Vigo e a da Coruña. No caso da Universidade de Vigo, o docente Xosé Manuel Cid é o encargado de explicar polo miúdo como esta institución académica se converteu neste cuarto de século en motor do sur de Galicia.
Xoves, 05 de maio do 2016

O campus acolleu este xoves a presentación do último número da 'Revista Galega de Educación'

Ensinar... Non sen a poesía

Dedicado de xeito monográfico a chamar a atención sobre a importancia do seu uso nas aulas


ImageCambios culturais, sociais e educativos, explican desdo colectivo Nova Escola Galega teñen levado “á poesía a ser desterrada das aulas”. Un perda contra a que, apuntan, “a escola pode e debe erguerse”. Con este obxectivo, o último número da súa Revista Galega de Educación ten como tema monográfico a poesía infantil e xuvenil e como misión chamar a atención dos docentes e mediadores en xeral sobre a importancia de traballar con ela nas aulas. A Facultade de Ciencias da Educación do campus de Ourense acolleu este xoves a presentación deste número 64 da publicación, que leva por título Ensinar… Non sen a poesía.
Mércores, 04 de maio do 2016

É unha obra colectiva dirixida polo profesor Pablo Fernández Carballo-Calero

Sae do prelo o primeiro libro que une Dereito Mercantil e Cine

Inclúe a análise, xurídica e cinematográfica, de 13 películas, desde clásicos como Gilda a filmes actuais


ImageO 21 de setembro de 2012 a Universidade de Vigo puxo en marcha unha particular iniciativa, un ciclo de cine que unía por primeira vez o mundo do cinema cunha rama específica do Dereito, a mercantil, unha innovadora e exitosa experiencia da que non tardou en chegar unha segunda edición. Froito de todo aquilo, sae agora do prelo Derecho Mercantil y Cine, unha obra colectiva dirixida polo profesor da Facultade de Ciencias Xurídicas e do Traballo, Pablo Fernández Carballo- Calero, un produto editorial único no que, por primeira vez, se analiza en detalle a relación entre Dereito e Cine no ámbito específico do Dereito Mercantil.
Martes, 03 de maio do 2016

O estudante do Programa para Maiores Amancio Castro é co-autor do único libro sobre a flora deste río

O alumnado sénior achégase á riqueza vexetal do Gafos

Guiados polo biólogo Javier Silva Pando, realizaron un percorrido pola súa ribeira


Image241 especies de árbores, arbustos, lianas ou herbas descritas e outras 270 citadas, xunto cun glosario botánico de 621 termos e 390 ilustracións conforman a completa radiografía sobre a riqueza vexetal do río Gafos que o profesor do Centro de Investigacións Forestais de Lourizán Javier Silva Pando e o mestre e alumno do Programa para Maiores Amancio Castro recolleron no libro Flora do río dos Gafos. Ao traballo desenvolvido ao longo dos anos para dar forma a que é a única publicación sobre a flora da súa ribeira vén de achegarse o alumnado sénior do campus, que esta fin de semana participaba nunha visita ao río xunto cos dous autores desta publicación.
Venres, 29 de abril do 2016

O Foro Económico de Galicia presentou este venres na Coruña o seu 'Anuario 2016'

17 expertos, 14 visións e o reto común de reposicionar a economía galega

Na súa elaboración participou o Grupo Gen da Universidade de Vigo


ImageO Foro Económico de Galicia presentou este venres na Coruña o seu Anuario 2016, un documento no que reúne en 14 análises de expertos e representantes políticos galegos (do PP, PSdeG-PSOE, AGE e BNG) unha axenda común de propostas para reposicionar e mellorar a economía e a sociedade galegas. O traballo presentado conta coas achegas de 17 expertos, entre eles investigadores do Grupo Governance and Economics Research Network GEN da Universidade de Vigo, que diagnostican os principais problemas da economía galega e propoñen solucións.
Martes, 26 de abril do 2016

O profesor Fernando Ramos presenta un libro sobre normas de cortesía na Feira do Libro de Bos Aires

O protocolo da ‘vella España’ atravesa o Atlántico

Trátase dunha publicación editada polo Centro Cultural Betanzos da capital arxentina


ImageEl Quijote é todo el un tratado de bos modos e cortesía”, sinala o profesor de CCSS e da Comunicación, Fernando Ramos, tras realizar un percorrido histórico pola evolución do protocolo e as normas de cortesía en España para o libro que na este martes presenta na Feira Internacional do Libro de Bos Aires. Editado polo Centro Cultural Betanzos da capital arxentina, no marco do proxecto de mecenado que impulsou a edición para esta feira, na que presentan preto dunha vintena de libros, Protocolo, urbanidad y cortesías en la vieja España propón un percorrido pola evolución deste conxunto de normas desde a Idade Media ata a actualidade.
Resultados 55 - 60 de 363

Duvi. Diario da Universidade de Vigo. | Contacta con nós