DUVI. Diario da Universidade de Vigo
Inicio arrow Cultura arrow Campus Vigo

Campus Vigo

Mércores, 18 de outubro do 2017

Presentaron o seu disco 'A todo que sí', publicado no 2016

Los Zigarros inauguraron o cuadrimestre cultural na Universidade


ImageA voz de Ovidi Tormo xunto ás notas despregadas polos músicos Álvaro Tormo, Adrián Ribes e Nacho Tamartir inauguraron este mércores a programación cultural do primeiro cuadrimestre na Universidade de Vigo. Los Zigarros, teloneiros o pasado mes de setembro en Barcelona dos Rolling Stones, encheron de rock and roll o Teatro Vidal Bolaño de Cidade Universitaria. As e os seguidores da banda que se deron cita onte no campus vigués, gozaron en directo do novo traballo do grupo valenciano A todo que sí, no que se mesturan diferentes estilos e xéneros e no que as letras optimistas cantan ao amor, ao desconsolo, ao humor e á vitalidade.
Mércores, 18 de outubro do 2017

As imaxes son unha escolma da colección que posúe a decana de Belas Artes, Silvia García

Unha relectura da feminidade a través de fotografías anónimas mercadas en rastros

A docente propón unha reflexión sobre como se interpretan as imaxes sen o seu contexto cultural


ImageAo longo dos anos, a decana da Facultade de Belas Artes, Silvia García, foi conformado unha colección de preto de 500 fotografías de mulleres anónimas mercadas en rastros e mercados. Son mulleres descoñecidas, das que non se sabe o seu nome, a súa procedencia, dedicación, etc. É dicir, carecemos dun contexto para poder interpretar as imaxes, algo que a docente aproveitou para deseñar unha exposición cunha escolma das instantáneas que permita facer unha relectura da feminidade. Tras o seu paso pola Biblioteca central de Pontevedra, a mostra chega agora ao campus de Vigo, onde estará ata o día 27, co patrocinio da Unidade de Igualdade. A exposición Relecturas da feminidade. Rastro Material comprende unha selección de preto de 50 fotografías domésticas, realizadas principalmente entre as décadas de 1920 e 1950.
Martes, 17 de outubro do 2017

A programación cultural do primeiro cuadrimestre arranca este mércores coa actuación de Los Zigarros

Cristina Pato dirixe 'O Pergamiño Vindel: unha viaxe musical', un espectáculo de fusión para o concerto de Nadal

Teatro, música e cine integran a oferta


Image A gaiteira Cristina Pato será a protagonista do concerto de Nadal da Universidade de Vigo, que este ano renderá homenaxe ao Pergamiño Vindel, co gallo do seu regreso á cidade, onde permanecerá ata o vindeiro mes de marzo de 2018. O Pergamiño Vindel: unha viaxe musical é o título do espectáculo que a gaiteira dirixirá e no que fará un percorrido polas numerosas viaxes do pergamiño ata chegar, oito séculos despois da súa creación, ao mar de Vigo. Cun formato que mestura o concerto e a conferencia e que inclúe sete arranxos das cantigas orixinais realizados por recoñecidos artistas galegos procedentes de estilos como o jazz, a música antiga ou a tradicional, o espectáculo enlazará a música con pequenas conversas, en formato entrevista, con expertos na obra de Martin Codax.
Luns, 09 de outubro do 2017

As persoas voluntarias estiveron coordinadas pola profesora da Facultade de Bioloxía Maruxa Álvarez

Investigadores da Universidade participan nunha xornada de recollida de lixo na praia de Soutoxuste

A actividade realizouse dentro da campaña ‘1 m2 por las Playas y los Mares 2017’ do Proxecto Libera


ImageInvestigadores da Universidade participaron esta fin de semana nunha xornada de recollida de lixo na praia de Soutoxuste, no concello de Redondela, unha actividade realizada dentro da campaña 1 m2 por las Playas y los Mares 2017 do Proxecto Libera, en colaboración co propio concello redondelán e na que participou como coordinadora local a profesora da Facultade de Bioloxía, Maruxa Álvarez. “Recolléronse preto dun cento de quilos de lixo que van ser empregados para realizar unha análise, tanto cualitativa como cuantitativa, do tipo de refugallos abandonados nas praias”, explicou a docente.
Venres, 06 de outubro do 2017

Este venres tivo lugar unha nova sesión do ciclo 'As lecturas A Malinche'

A poesía irlandesa volve recitarse no campus cos versos de Grace Wells

A charla recital, centrada nas raíces da ecopoesía, tivo lugar na Facultade de Filoloxía e Tradución


ImageA poesía irlandesa volveu recitarse este venres no campus. Foi nesta ocasión cos versos da poeta Grace Wells de visita este días en Vigo para participar, entre outras actividades, en As lecturas A Malinche, un ciclo organizada polo profesor do Centro de Linguas Keith Payne en colaboración coa Unidade de Igualdade, a Área de Normalización Lingüística e a Embaixada de Irlanda. Tremendamente satisfeito pola visita a Galicia desta autora, Payne non dubidou en lembrar as verbas de Thomas McCarthy, quen se referiu a Wells como, “unha poeta profunda e elegante, de brillante intuición e estudiada formalidade, un dos doce apóstolos no banquete da poesía, cuxo traballo perdurará pola súa bela seriedade, o seu estilo, e o seu claro propósito”.
Xoves, 05 de outubro do 2017

O sacerdote mexicano é un recoñecido defensor dos dereitos humanos

Alejandro Solalinde, candidato ao Nobel da Paz 2017, denuncia no campus a terrible situación das persoas migrantes

Impartiu unha conferencia en Ciencias Xurídicas e do Traballo convidado polo grupo local de Amnistía Internacional


ImageÉ un dos candidatos ao Premio Nobel da Paz 2017, proposto pola Universidade Autónoma do Estado de México. Polo de agora é unha simple proposta pero para el significa xa o recoñecemento para todas e todos os que, como el, loitan contra as terribles violacións dos dereitos humanos que vive México e un “trancazo” para o Goberno. De visita estes días en España, este xoves achegouse ao campus Alejandro Solalinde, sacerdote católico mexicano defensor dos dereitos humanos das persoas migrantes e director do albergue Hermanos en el Camino, que proporciona asistencia humanitaria, médica e psicolóxica, ademais de orientación, aos migrantes centroamericanos que se xogan a vida no seu camiño cara Estados Unidos.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 791

Duvi. Diario da Universidade de Vigo. | Contacta con nós