DUVI. Diario da Universidade de Vigo
Inicio arrow Institucional arrow Campus Pontevedra

Campus Pontevedra

Mércores, 24 de maio do 2017

A Universidade é unha das 32 institucións non británicas convidadas á Graduate Fashion Week

Esdemga, seleccionada por primeira vez para participar nun encontro internacional de escolas de moda en Londres

A titulación estará representada neste evento pola colección que Aida Mosquera presentou en Debut 2016


ImageEntre o 4 e o 7 de xuño, representantes de máis dunha vintena de universidades e escolas de moda do Reino Unido amosarán o traballos dos seus novos titulados e tituladas nunha nova edición da Graduate Fashion Week, un evento que, na súa xornada de clausura, amosará tamén os proxectos xurdidos en 32 centros formativos de Europa, Asia e América. Entre eles estarán por primeira vez os Estudos Superiores de Deseño Téxtil e Moda de Galiza (Esdemga), que veñen de ser convidados a participar neste “importante escaparate” que durante catro días reúne no Truma Brewery londinense ao persoal de recursos humanos das principais firmas de moda, como sinala a directora da titulación que se imparte na Facultade de Belas Artes, Lola Dopico, que salienta tamén a oportunidade que esta invitación supón á hora de “traballar conexións internacionais” para o máster en Deseño e Dirección Creativa de Moda, que comezará a impartirse o vindeiro curso.
Luns, 15 de maio do 2017

Desenvolveuse entre o 8 e o 12 de maio, dentro do proxecto Green Campus

A semana de recollida de RAEEs reúne máis dun cento de obxectos

Móbiles, cargadores e cables foron os elementos presentes en maior número nesta campaña


ImageNumerosos móbiles, cables ou cargadores, pero tamén impresoras, pantallas, ordenadores, altofalantes ou electrodomésticos remataron a pasada semana nas caixas emprazadas nos diferentes centros e instalacións do campus de Pontevedra. No marco do proxecto Green Campus, a Vicerreitoría promoveu entre o 8 e o 12 de maio a cuarta edición da Semana de Recollida de RAAEs (Residuos de Aparellos Eléctricos e Electrónicos), que permitiu reunir máis dun cento de obxectos, que coa colaboración da Oficina de Medio Ambiente da Universidade, serán trasladados a un xestor autorizado para o seu tratamento.
Xoves, 11 de maio do 2017

O vicerreitor mantivo un encontro co presidente da Autoridad Portuaria, José Benito Suárez

O campus explora novas vías de colaboración co Porto de Marín


ImageExplorar novas vías de colaboración entre a Universidade e a Autoridad Portuaria de Marín e Ría de Pontevedra é o propósito da xuntanza que o vicerreitor do campus, Juan Manuel Corbacho, vén de manter co presidente do porto marinense, José Benito Suárez Costa, quen acompañou a Corbacho e ao director da Área de Extensión Cultural, Manuel Morquecho, nun percorrido polas instalacións portuarias co propósito de que puidesen coñecer de preto a realidade das empresas emprazadas no porto e as posibilidades de potenciar lazos entre a institución académica e o seu campus pontevedrés coas mesmas.
Luns, 08 de maio do 2017

No marco do proxecto Green Campus, conta con puntos de recollida nas diferentes facultades e escolas

O campus inicia unha nova semana de recollida de aparellos electrónicos

O obxectivo é propiciar o correcto tratamento de dispositivos que operan con electricidade ou baterías


ImageVellos teléfonos móbiles, cargadores, equipamentos informáticos, cables, electrodomésticos... Son moitos os aparellos eléctricos e electrónicos que, unha vez rematada a súa vida útil, rematan no fondo dun armario ou dun caixón. Co propósito de promover o correcto tratamento destes residuos e a concienciación da comunidade universitaria sobre os riscos para o medio ambiente que supón botar ao lixo este tipo de dispositivos, a Vicerreitoría vén de impulsar, no marco do proxecto Green Campus, a cuarta edición da Semana de Recollida de RAEEs (Residuos de Aparellos Eléctricos e Electrónicos).
Mércores, 03 de maio do 2017

As dúas institucións asinaron este mércores un convenio de colaboración

Deputación e Universidade selan un novo acordo para impulsar a mobilidade do alumnado

O ente provincial destina 100.000 euros a bolsas para o estudantado participante no programa Erasmus+


ImageA presidenta da Deputación de Pontevedra, Carmela Silva, e o reitor da Universidade de Vigo, Salustiano Mato, asinaron este mércores no Pazo Provincial un convenio de colaboración polo que o ente provincial destina 100.000 euros á promoción da mobilidade do alumnado dos campus de Vigo e Pontevedra. O acordo, que cumpre o seu segundo ano, beneficiará a 100 estudantes seleccionados nos programas Erasmus+ Estudos e Erasmus+ Prácticas, así como na convocatoria de bolsas propias da institución académica, aos que se outorgará unha axuda de 1000 euros.
Martes, 25 de abril do 2017

Trátase do primeiro simulacro de emerxencia que afecta de xeito conxunto a varios centros

Catro centros do campus pontevedrés participan no primeiro simulacro de bomba da Universidade

A iniciativa enmárcase na implantación e revisión dos plans de autoprotección das facultades e escolas


ImageNo marco da implantación dos plans de autoprotección cos que contan as diferentes facultades e escolas da Universidade para facer fronte a posibles emerxencias, o Servizo de Prevención de Riscos Laborais organiza simulacros que permiten poñer en práctica as medidas recollidas no documento e a formación adquirida polos equipos de emerxencia. Mais ata o de agora, ningún destes simulacros afectara conxuntamente a varias facultades e escolas, como aconteceu este mediodía no campus de Pontevedra, onde unha suposta ameaza de bomba motivou a evacuación das facultades de Fisioterapia, Ciencias da Educación e do Deporte e Ciencias Sociais e da Comunicación, así como da Escola de Enxeñaría Forestal.
Resultados 19 - 24 de 416

Duvi. Diario da Universidade de Vigo. | Contacta con nós