DUVI. Diario da Universidade de Vigo
Inicio arrow Institucional arrow Campus Pontevedra

Campus Pontevedra

Xoves, 05 de maio do 2016

O reitor participou na entrega de diplomas á primeira promoción de mestres e mestras composteiros

O curso de compostaxe da Deputación terá o recoñecemento académico da Universidade


ImageUn total de 18 alumnos e alumnas integran a primeira promoción de mestres e mestras composteiros formados no marco do Plan Compost Revitaliza da Deputación de Pontevedra, aos que, tras meses de formación, correspondeulles nesta xornada recoller os seus diplomas nun acto que tivo lugar no Pazo Provincial, coa participación do reitor da Universidade de Vigo. Salustiano Mato salientou que esta iniciativa formativa contará co recoñecemento da institución académica a partires do vindeiro curso, mentres que para esta primeira promoción faranse “as equivalencias correspondentes para que estea igualmente recoñecida”.
Martes, 03 de maio do 2016

Cunha pasarela de madeira e a adecuación da parcela situada en Celso Emilio Ferreiro

O campus quere renovar a súa porta de entrada

O proxecto vén de ser avaliado pola oficina técnica do Concello


Image Converter a parcela de acceso ao campus pola rúa Celso Emilio Ferreiro nun espazo de esparexemento é o obxectivo da actuación que a Vicerreitoría prevé acometer nos próximos meses e que nesta xornada foi abordada na Comisión de Urbanismo do Concello, tras ser avaliada pola Oficina Técnica de Medio Ambiente, Infraestruturas, Enxeñaría e Servizos municipal. O proxecto abrangue a construción dunha pasarela de madeira en rampla que salve o desnivel existente entre a avenida de Compostela e a rúa pola que se accede ao campus, así como o adecentamento e axardinamento desta parcela, á que se dotará de mobiliario urbano.
Venres, 22 de abril do 2016

Cun almorzo de traballo na que participaron preto de 30 investigadores e investigadoras

A Semana da Creatividade e da Innovación despídese buscando sinerxías no eido da investigación

Esta actividade tiña por obxecto fomentar a colaboración entre os diferentes grupos


ImageXerar un intercambio de ideas, promover que os investigadores e investigadoras do campus coñezan as liñas de traballo doutros grupos, centros e áreas e contribuír, deste xeito, “a xerar sinerxías entre diferentes proxectos” foi, como salienta o vicerreitor Juan Manuel Corbacho o obxectivo central do almorzo de traballo que este venres reunía a preto de 30 representantes do PDI na Casa das Campás. Unha xuntanza coa que o a Vicerreitoría despide a Semana da Creatividade e da Innovación e coa que buscaba pór en valor a “interdisciplinariedade” como un dos “puntos fortes” do campus pontevedrés e do proxecto CREA S2i.
Mércores, 20 de abril do 2016

O director de Atresmedia Digital participou nas actividades da Semana da Creatividade e da Innovación

Cando a televisión vai máis aló do televisor

O programa de actos continúa esta tarde cun relatorio do responsable de proxectos de innovación de Inditex


ImagePara o grupo Atresmedia, a difusión dos seus contidos a través de plataformas dixitais supón actualmente entre o 15% e o 20% da audiencia total dalgunhas das súas series ou programas. “O consumo deste tipo de produtos a través de internet é cada vez máis masivo e o labor que temos as televisións é explotar eses contidos dunha forma similar a como se fai na televisión tradicional”, salienta o director xeral da área dixital deste grupo, José Manuel González, quen afondou no proceso de transformacións que está a vivir este medio nun relatorio en CCSS e da Comunicación, dentro nas actividades da Semana da Creatividade e da Innovación.
Venres, 15 de abril do 2016

Cun proxecto para a conservación das píntegas, elaborado por catro alumnas deste centro de Ribadavia

O IES O Ribeiro gaña o Concurso Intercentros de Enxeñaría Forestal

Estudantes de 15 institutos participaron no certame promovido polo centro do campus pontevedrés


ImageA proposta de incorporar unha rampla a un pozo situado no bosque de Ridimoas, no concello ourensán de Beade, a través da que poidan saír deste as píntegas que van depositar nel as súas larvas, evitando así que morran afogadas, valeulle a un grupo de catro alumas do IES O Ribeiro de Ribadavia o primeiro premio no Concurso Intercentros de Enxeñaría Forestal, que este venres celebrou a súa entrega de premios. Un total de 56 estudantes de bacharelato de dez institutos participaron nesta iniciativa promovida pola de EE Forestal, que animaba ao alumnado a desenvolver propostas de recuperación e mellora de espazos da súa contorna.
Mércores, 13 de abril do 2016

Entre os días 15 e 22, o campus acollerá unha serie de conferencias, talleres e encontros

Unha semana coa creatividade por bandeira

Un concurso en Instagram convida á cidadanía a reflectir en imaxes a esencia do proxecto CREA S2i


ImageReivindicar a creatividade e a innovación como os piares que fan avanzar a unha sociedade e como a base do proxecto de especialización CREA S2i levou á Vicerreitoría do campus a conmemorar o pasado ano por primeira vez o Día Internacional da Creatividade e a Innovación. Co propósito de seguir afondando nestas ideas e de facer partícipes destas tanto a comunidade universitaria como aos pontevedreses e pontevedresas, esta celebración amplíase neste 2016 á Semana da Creatividade e a Innovación, coas conferencias, obradoiros e encontros profesionais, abertos á cidadanía, que se desenvolverán entre os días 15 e 22.
Resultados 49 - 54 de 402

Duvi. Diario da Universidade de Vigo. | Contacta con nós