DUVI. Diario da Universidade de Vigo
Inicio arrow Deportes arrow Campus Ourense
Xoves, 22 de xuño do 2017

A cita celebrarase na Biblioteca Rosalía de Castro do 1 ao 7 de xullo

20 mestres xogarán no taboleiro do IV Torneo Internacional de Xadrez Campus Ourense

En total entregaranse 6480 euros en premios


ImageArredor de 60 inscritos e inscritas, entre eles 20 mestres, nove deles grandes mestres, seis deles mestres internacionais e o resto mestres federados. Con estas cifras de participación preséntase o IV Torneo Internacional de Xadrez Campus Ourense, que se celebrará do 1 ao 7 de xullo nas instalacións universitarias. A cita, destacan os seus promotores, continúa consolidándose no circuíto de xadrez internacional conseguindo atraer cada ano a xogadores de maior calidade. “Aínda que poida haber favoritos, este ano o primeiro posto do torneo vai estar moi disputado”, explicou Lino Hermida, director do torneo e da Asociación de Xadrez Ourensán Universitaria.
Mércores, 21 de xuño do 2017

A Fundación Aíto García Reneses celebrará por primeira vez en Galicia dous dos seus campus

Un equipo de 'primeira división' para formar a adestradores e xogadores de baloncesto

As citas desenvolveranse do 26 aos 30 de xuño no pavillón universitario


ImageComo “unha oportunidade única” para adestradores e xogadores de baloncesto interesados en mellorar a súa formación aprendendo “dun elenco inigualable” de adestradores. Deste xeito presentouse este mércores no campus de Ourense o Campus de Formación para Adestradores Galicia 2017 que por primeira vez traerá a Galicia a Fundación Aíto García Reneses. Aproveitando a presenza de adestradores de primeiro nivel no eido estatal, a actividade complementarase coa celebración nas mesmas datas cunha formación para a mellora individualizada de xogadores e xogadoras sub23.
Luns, 12 de xuño do 2017

A cita desenvolverase do 26 ao 30 de xuño

O II Campus de Xadrez fomentará este deporte entre rapaces e rapazas

A formación correrá a cargo do gran mestre internacional Arian González


ImageNo marco do seu compromiso co fomento do xadrez entre as xeracións máis novas, a Área de Benestar, Saúde e Deporte e o Xadrez Universitario Campus Ourense levan a cabo diferentes iniciativas ao longo de cada curso académico. Unha delas será este mes de xuño a celebración do II Campus de Xadrez-Campus Ourense, no que rapaces e rapazas de 5 e 14 anos poderán divertirse e mellorar o seu xogo neste deporte de man dun gran mestre internacional. “O que queremos é que aprendan pero sobre todo que se enganchen á práctica deste deporte e á súa competición ofrecéndolle un actividade que conxuga moi ben diversión e formación”, explica a organización.
Mércores, 07 de xuño do 2017

O Pavillón de Deportes acollerá a vindeira semana dúas actividades destas modalidades

Un pouco de zumba e 'spinning' para manter o ritmo en xuño

As sesións serán abertas ás persoas interesadas


ImageCo curso académico 2016/2017 na súa recta final, a Área de Benestar, Saúde e Deporte do campus de Ourense quere animar á comunidade universitaria a manter o “ritmo” na práctica deportiva. Con este obxectivo, a vindeira semana, concretamente o luns 12 de xuño e martes 13, levarán a cabo dúas actividades destinadas a fomentar o exercicio físico nas que se combinará deporte e diversión. Trátase dunha sesión de spinning, onde o ritmo o marcará en directo e coa súa batería o músico Isidro Freijeiro e o monitor Juanixo, e unha sesión de zumba a cargo de dúas monitoras de Aqa Ourense.
Luns, 05 de xuño do 2017

O Campus Universitario Ourense Coosur perdeu ante o Hernani na cita disputada en Valencia

O equipo do campus proclámase subcampión de España de Rugby 7

En xadrez, acadouse un quinto posto na Copa Galicia de Clubs


ImageRematadas as ligas, esta fin de semana os equipos de rugby e xadrez do campus de Ourense afrontaron cadanseu reto deportivo. O Campus Universitario Ourense Coosur disputou o Campionato de España de Rugby 7, no que acadou o segundo posto. A pesar deste revés no último encontro disputado na competición, desde o equipo universitario salientan o feito de que se trata “dun honor traer este novo título a Ourense”. Pola súa banda, o Universitario Campus de Ourense de Xadrez acadou un quinto posto na Copa Galicia de Clubs 2017.
Venres, 19 de maio do 2017

Os organizadores destacan os bos resultados desta edición

Once andainas, 200 quilómetros e 900 participacións despois, as rutas culturais despídense ata o vindeiro curso

A programación desenvolveuse do 22 de outubro ao 13 de maio


ImageRealizando o último tramo do Camiño de Santiago a Fisterra, a programación de rutas culturais que este curso organizou a Área de Benestar, Saúde e Deporte da Universidade de Vigo chegou ao seu fin a pasada fin de semana. Foron en total once rutas pola xeografía galega realizadas ao longo de 2016/2017, cunha media de 80 participantes en cada unha delas e un cómputo total de arredor de 900 participacións e de 200 quilómetros percorridos. “As andainas non defraudaron e nós quedamos moi satisfeitos pola resposta da xente e por conseguir rematar a programación sen ningunha incidencia”, resume José García-Calvo, Willy, coordinador destas rutas.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 509

Duvi. Diario da Universidade de Vigo. | Contacta con nós