DUVI. Diario da Universidade de Vigo
Inicio arrow Deportes arrow Campus Vigo

Campus Vigo

Luns, 09 de outubro do 2017

Derrotou ao Uribealdea RKE por 25-17, sumando cinco importantes puntos

O Kaleido achégase á zona alta da clasificación

A próxima semana enfrontarase ao UBU Colina Clinic de Burgos, segundo clasificado


ImageO Kaleido Universidade de Vigo de Rugby alcanzou esta fin de semana unha importante vitoria na casa fronte ao equipo vasco Uribealdea RKE, un triunfo que logra situalos na parte alta da clasificación, ao sumar cinco puntos en xogo logrando o bonus ofensivo, o que lles permite distanciarse da zona de perigo e afrontar cunha maior tranquilidade a dureza que marca o calendario para as próximas xornadas, incluída a vindeira semana, na que os vigueses terán que enfrontarse ao segundo clasificado, o UBU Colina Clinic de Burgos. A fin de semana completouse para os vigueses coa vitoria do equipo Sub14 e as derrotas dos Sub18 e do segundo equipo senior.
Luns, 02 de outubro do 2017

Caeron por 17-15 ante o Bera Bera

O Kaleido Universidade de Vigo trae un punto de San Sebastián


O Kaleido Universidade de Vigo RC caeu por 17-15 ante o Bera Bera onte domingo nun partido moi traballado, no que o equipo conseguiu sumar a domicilio un punto bonus defensivo grazas a unha boa defensa e a fases de moi bo xogo. Os vigueses deron unha boa imaxe e fixérono ante un dos equipos máis fortes da División de Honra B. A parte máis positiva, xunto co punto acadado, foi a gran defensa, a melloría nas touches e a fluidez no ataque. Pola contra, o máis negativo desta terceira xornada foron os tres ensaios encaixados en cadanseu maul.
Martes, 26 de setembro do 2017

Dentro do proxecto Active Campus Europa, porase en marcha simultaneamente en 16 universidades

A Universidade pon en marcha un reto deportivo para activar o alumnado máis sedentario

Cun programa de 10 semanas de actividade física con seguimento médico deportivo individualizado


ImageA Organización Mundial da Saúde considera que unha persoa é sedentaria se non fai un mínimo de 30 minutos diarios de actividade física cinco días á semana. Non se trata necesariamente de practicar deportes de competición, nin de federarse, nin acudir a un ximnasio, basta cun pouco de constancia e motivación para realizar algún tipo de actividade. Poren, a porcentaxe de persoas sedentarias e o impacto de obesidade nas sociedades occidentais continúa crecendo, chegando en España a un 40% de poboación con sobrepeso. Para loitar contra estes hábitos de vida pouco saudables, a Universidade de Vigo vai poñer en marcha un programa de actividades, ao abeiro do proxecto Active Campus Europe, para que o alumnado que non practica deporte comece a realizar un mínimo de actividade física.
Luns, 25 de setembro do 2017

O equipo vigués perdeu 24-32 no segundo encontro da temporada

O Kaleido Universidade estréase na casa con derrota ante o Eibar

O mércores celebrase no pavillón do campus de Vigo un maratón de zumba e hip hop


Image O Kaleido Universidade de Vigo non foi quen de iniciar a temporada no seu campo cunha vitoria e caeu 24-32 ante o Avia Eibar. A contundencia e acerto permitiron ao equipo visitante gañar un partido no que o conxunto de Maxwell salvou un punto bonus ofensivo na segunda parte. O equipo vigués, comezou o encontro adiantándose nunha gran xogada de Barandiarán, que rompeu a liña visitante e pousou o oval na zona de marca contraria. Tras esta derrota o Kaleido Universidade de Vigo viaxará a próxima semana a San Sebastián, onde se enfrontará ao AVK Bera Bera RT.
Xoves, 21 de setembro do 2017

O programa de actividades arranca a última fin de semana do mes de setembro

Para sentirse como peixe na auga, Augaventura

Con clases de flyboard, paddlesurf, rafting, kaiak e snorkel, surf, wakeboard e windsurf


ImageQue remate o verán non supón necesariamente que ríos e rías deixen de ser lugares de diversión. A edición de outono do programa Augaventura Campus Mar Life está pensado xustamente para que a comunidade universitaria poida practicar deportes acuáticos durante as fins de semana do primeiro cuadrimestre. As opcións comprenden surf, rafting, wakeboard, flyboard, windsurf, paddlesurf ou rutas combinadas de kaiak, andaina e snorkel. Na pasada edición de outono participaron 95 persoas nas diferentes actividades, que están abertas tanto ao alumnado, persoal docente e investigador e de administración e servizos como a toda aquelas persoas que traballen nas institucións que forman parte da agrupación de I+D do Campus do Mar.
Luns, 18 de setembro do 2017

Impúxose ao equipo coruñés grazas a un ensaio no último minuto

O Kaleido Universidade de Vigo estrea a liga gañando o derbi ante o CRAT da Coruña

A próxima fin de semana o VigoRugby recibirá ao Eibar a un ensaio no último minuto


ImageTras o parón estival, o Kaleido Universidade de Vigo de Rugby non puido empezar mellor a liga, que xogando un derbi ante o seu eterno rival, o CRAT da Coruña, e acadando a vitoria, aínda que fose grazas a un ensaio no último minuto. Cun agradable ambiente nas gradas de Elviña, calquera dos dous equipos puido facerse coa vitoria pero Maka Tatafu, autor de tres dos catro ensaios do equipo vigués, selou a remontada do Universidade de Vigo nun partido que, pese a rematar a primeira parte 19-5 a favor do equipo local, chegou ao final cun favorable 19-22.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 727

Duvi. Diario da Universidade de Vigo. | Contacta con nós