DUVI. Diario da Universidade de Vigo
Inicio arrow Deportes arrow Campus Vigo

Campus Vigo

Luns, 29 de maio do 2017

As xogadoras clasificáronse para disputar as semifinais da División Prata

O equipo feminino de tenis da Universidade a un paso do ascenso á División de Honra Ouro

Pola súa banda, o equipo masculino B acadou a permanencia


Image O ascenso á División de Honra Ouro está máis preto para o equipo de tenis feminino da Universidade de Vigo ao clasificarse para disputar as semifinais da División de Prata, tras gañar o encontro de cuartos ao Deportivo D10 de Lugo. Pola súa banda, o equipo masculino B foi quen de confirmar a súa permanencia na Primeira División. No caso das xogadoras do equipo feminino, tras rematar os encontros individuais cun empate 2-2, foi o partido de dobres o que lles deu o punto necesario para gañar a eliminatoria. Na mesma xornada na que o equipo feminino situouse a un paso do ascenso á División de Honra de Ouro, o equipo masculino B acadaba a permanencia na Primeira División.
Xoves, 25 de maio do 2017

O Universidade de Vigo-Exp Xadrez: estratexia pola Paz, proclamouse este ano campión galego

A Universidade recoñece o éxito dos seus xadrecistas

O capitán, Pablo García, amosouse “moi satisfeito cos resultados” e ratificou a aposta do equipo pola canteira


ImageOs últimos éxitos ao equipo de xadrez chegáronlle a pasada fin de semana coa proclamación de Miguel Senlle como campión galego absoluto na modalidade de xadrez rápido e bronce en Blitz e a de Rubén Fernández, de tan só 12 anos, como campión nacional de Portugal Sub 12, título que suma ao de campión galego na mesma categoría. Son o broche de ouro a unha tempada “de transición” na que o equipo universitario, rebautizado este ano como Universidade de Vigo-Exp Xadrez: estratexia pola Paz, fixo unha auténtica aposta pola canteira que os levou a proclamarse campións da Liga Galega de Xadrez. Estes xoves recibiron os parabéns do reitor, Salustiano Mato.
Luns, 22 de maio do 2017

O título da Liga Galega Sub14 pon o broche de ouro á tempada de rugby

O equipo da Universidade consegue a permanencia na División de Prata do tenis galego

As e os integrantes da formación de atletismo participaron na carreira 10 km Vigo, Praia de Samil


ImageO equipo masculino de tenis da Universidade de Vigo logrou esta fin de semana garantir a súa permanencia na División de Prata do tenis galego ao derrotar ao C. Tenis Foz por 4-3. A esta excelente noticia súmase o título de Liga Galega Sub 14 acadado polo Kaleido Universidade de Vigo de Rugby e a participación das e dos integrantes da formación de atletismo na carreira popular 10 km Vigo, Praia de Samil, unha das poucas probas homologadas pola Real Federación Española de Atletismo que se celebra en Galicia. A vitoria acadada polo equipo masculino A de tenis nas pistas do campus comezou cun resultado favorable ao termo dos individuais por 3-2.
Luns, 15 de maio do 2017

O conxunto masculino A consegue evitar momentaneamente o descenso

O equipo de tenis feminino loitará polo ascenso á División de Honra

Na próxima xornada os equipos masculinos loitarán pola permanencia


ImageEsta fin de semana o equipo feminino de tenis da Universidade acadou o primeiro posto da clasificación da División de Prata despois de lograr a súa cuarta vitoria consecutiva fronte ao Tenis Gondomar. Tras gañar este partido, o conxunto feminino accede á fase de ascenso sen perder ningún encontro e como líder de grupo. As xogadoras, que se manteñen na categoría á que ascenderon na tempada anterior, loitarán agora polo ascenso á División de Honra, pero aínda queda por coñecer cal será o seu próximo rival.
Venres, 12 de maio do 2017

O equipo universitario vigués obtivo tamén un cuarto, un quinto, un sexto e dous oitavos postos

Marc Ciurana, bronce nos 400 metros estilos no Campionato de España Universitario de Natación

Nunha competición na que participaron olímpicos da categoría de Mireia Belmonte, Melani Costa ou Alan Cabello


ImageO equipo vigués de natación volve do Campionato de España Universitario con moi sabor de boca e cunha medalla de bronce obtida por Marc Ciurana nos 400 metros estilos. A final estatal celebrouse esta semana organizada pola Universidad Católica de Murcia. A “satisfacción polos resultados obtido é alta”, como recoñece Alexandre Sanjorge, técnico de Actividades Deportivas, que acompañou o equipo universitario vigués nesta cita deportiva. E é que ademais do bronce de Ciurana, a e os vigueses obtiveron un cuarto, un quinto, un sexto e dous oitavos postos, “isto é, nada máis e nada menos que seis finais para un equipo de só de tres membros nunha competición de altísimo nivel e na que participaban olímpicos da categoría de Mireia Belmonte, Melani Costa, Jessica Vall ou Alan Cabello, entre outros”.
Mércores, 10 de maio do 2017

O conxunto da Universidade de Vigo logra o pase á final ante os Rams de Valladolid

Thunders, entre os catro mellores equipos de España de eSports

A final do campionato de videoxogos será en Madrid a principios de xuño


ImageO equipo de eSports da Universidade, Thunders, está de parabéns. Tras dous meses de partidas de League of Legends na liga estatal universitaria de deportes electrónicos -OGSeries University- , o conxunto vigués conseguiu meterse na final do campionato tras derrotar en Burgos aos Rams da Universidade de Valladolid, e proclamarse vencedor da Conferencia Norte. O equipo, que participa dende marzo no campionato de videoxogos xunto con outras 31 universidades do territorio español, atópase nestes intres “adestrando para lograr un mellor nivel de cara á final”, que terá lugar en Madrid a comezos de xuño, explica Javier Carrera,membro do equipo.
Resultados 13 - 18 de 723

Duvi. Diario da Universidade de Vigo. | Contacta con nós