DUVI. Diario da Universidade de Vigo
Inicio arrow Deportes arrow Campus Vigo

Campus Vigo

Luns, 23 de xaneiro do 2017

O equipo vigués queda nunha situación delicada ao perder ante o Avia Eibar RT por 28-31

O Kaleido Universidade volve caer e asómase ao abismo

Alberto Portela, do Universidade de Vigo de Xadrez, proclamouse Campión Absoluto dos campionatos provinciais


ImageO Kaleido Universidade de Vigo de Rugby atópase a só dez puntos do descenso ao caer no último suspiro ante o penúltimo clasificado, un Avia Eibar RT que lle deu a volta ao marcador cando parecía que a vitoria ía ser nesta ocasión para o Kaleido. Esta é a nova realidade que debe afrontar o equipo de Norman Maxwel, que queda agora nunha situación especialmente delicada e obrigado a xogar a partir de agora a vida ou morte cada partido en busca de escapar da zona de perigo. Se ben a Liga Galega de Xadrez non arranca oficialmente ata o próxima fin de semana, o equipo da Universidade de Vigo tivo xa a oportunidade de quentar motores nos campionatos provinciais, nos que Alberto Portela se proclamou campión absoluto.
Mércores, 18 de xaneiro do 2017

Dende o 16 de xaneiro está aberto o segundo período do programa de Centros Deportivos Abertos

O campus recupera o pulso deportivo

O 23 deste mes arrancan as Escolas Deportivas


ImageTras o período de exames e as vacacións de Nadal, co inicio esta semana do segundo cuadrimestre arranca tamén unha nova temporada deportiva no campus de Vigo. Dende este luns 16 está xa en marcha o programa de Centros Deportivos Abertos, un acordo que a Área de Benestar, Saúde e Deportes da Universidade ten con ximnasios e centros da cidade para ofrecer á comunidade universitaria a posibilidade de facer uso das instalacións destes centros en condicións especiais respecto das establecidas para a poboación xeral. Por outra banda, a partir do vindeiro luns 23 arrancan tamén as Escolas Deportivas do segundo cuadrimestre para practicar acrobacias, xadrez, ioga, tenis, natación ou bailes.
Luns, 16 de xaneiro do 2017

Nova derrota 32-7 do Kaleido Universidade fronte ao Zarautz

A próxima cita será no campus fronte ao Eibar Rugby


Image O Kaleido Universidade de Vigo viaxou esta fin de semana a terras vascas para enfrontarse ao Babyauto Zarautz RT, actualmente o terceiro clasificado na táboa da División de Honra B e que suma catro vitorias consecutivas. Todos os prognósticos existentes fixéronse realidade e aínda que o equipo vigués saíu a defender o partido, os esforzos non valeron moito. A baixa de Maka Tatafu, entre outros, está pasando factura. O Kaleido Universidade de Vigo viaxou esta fin de semana a terras vascas para enfrontarse ao Babyauto Zarautz RT, actualmente o terceiro clasificado na táboa da División de Honra B e que suma catro vitorias consecutivas.
Mércores, 11 de xaneiro do 2017

Benestar, Saúde e Deporte colabora con Prado Surf na organización de viaxes a Leitariegos e San Isidro

Tres fins de semana e dúas estacións para practicar deportes de inverno

Este venres 13 de xaneiro é o último día para inscribirse na primeira saída


Image Un ano máis coa chegada do inverno, a Área de Benestar, Saúde e Deporte da Universidade colabora con Prado Surf na organización de fins de semana para desfrutar da neve. Aquelas persoas que desexen participar nestas actividades, deberán escoller data, entre xaneiro, febreiro e marzo, e destino, entre as estacións de Leitariegos e San Isidro, situadas ambas na cordilleira Cantábrica da provincia de León. As tres viaxes inclúen transporte en autobús dende A Coruña, Vigo ou Ourense, aloxamento en hotel en réxime de pensión completa, abono de libre uso das instalacións das estacións e seguro de pistas. Os prezos non inclúen nin equipo para a practica de deporte nin clases.
Luns, 09 de xaneiro do 2017

Preparan o Campionato Mundial que se celebrará en Francia entre o 11 e o 29 deste mes

A selección xaponesa de balonmán adéstrase no campus

O Kaleido Universidade de Vigo de rugby iniciou o ano con derrota ante o pechacancelas


ImageA dous días do inicio do XXV Campionato Mundial de Balonmán Masculino, a selección xaponesa adestrou este luns no campus vigués. A competición desenvolverase entre os días 11 e 29 en Francia e a selección nipoa elixiu as instalacións deportivas universitarias para ultimar a súa preparación física de cara á cita internacional. En total, desprazáronse ao campus vigués 26 persoas, entre xogadores e corpo técnico, que adestraron no pavillón universiario de 11 a 13 horas. Nesta fin de semana retomouse tamén a competición na División de Honra de B do rugby nacional, xornada na que o Kaleido Universidade de Vigo acadou unha preocupante derrota ante o pechacancelas, o Bilbao.
Xoves, 15 de decembro do 2016

Segundo acordaron na Asamblea Xeral da REUS celebrada este mércores en Madrid

As universidades españolas avaliarán os estilos de vida e as contornas saudables dos seus campus

Establecerase os mínimos saudables esixibles nos contratos das máquinas de vending e de comedores e cafetarías


ImageA Universidad Rey Juan Carlos de Madrid acolleu este mércores a celebración da Asemblea Xeral da Rede Española de Universidades Saudables (REUS), da que o técnico do Servizo de Deportes da institución viguesa Román Lago é vogal. Nesta xuntanza acordaron deseñar varios instrumentos estandarizados que lles permitan ás institucións académicas avaliar os estilos de vida e as contornas saudables dos seus campus así como establecer os mínimos saudables esixibles e recomendacións da REUS para os pregos de prescricions técnicas dos contratos das máquinas de vending e dos comedores e cafetarías das universidades.
Resultados 49 - 54 de 723

Duvi. Diario da Universidade de Vigo. | Contacta con nós