DUVI. Diario da Universidade de Vigo
Inicio arrow Institucional arrow Campus Vigo

Campus Vigo

Mércores, 19 de decembro do 2007

Eduardo Coba, coordinador da ANECA:

“Xa temos conciencia de que a calidade e a avaliación son necesarias”


ImageCreada en 2002 coa finalidade de mellorar a calidade do sistema de educación superior, mediante a avaliación, certificación e acreditación de ensinanzas, profesorado e institucións, a ANECA, Agencia Nacional de Evaluación de la Calidad y la Acreditación, está a xogar un papel fundamental no proceso de adaptación ao Espazo Europeo de Educación Superior. Como organismo encargado de establecer os procedementos, protocolos e guías para a verificación de títulos oficiais e de avaliar as propostas dos plans de estudo, a ANECA tamén será a encargada da verificación e acreditación das carreiras, un traballo compartido coas axencias, como a ACSUG no caso de Galicia.
Mércores, 19 de decembro do 2007

Ante unha nutrida representación social

Vigo presenta a imaxe oficial da candidatura á Universiada 2013

A cerimonia será conducida polo actor Carlos Blanco


ImageA proxección do vídeo “Vigo Universiada 2013. Cidade Aspirante” co que a cidade de Vigo afrontará o proceso de selección á Universiada do verán do 2013 vai ser un dos momentos claves da presentación oficial da candidatura da cidade olívica ao maior evento deportivo despois dos xogos olímpicos, a Universiada. O Centro Social Caixanova acolle o acto a partir das 20.00 horas. A cerimonia, que será conducida polo actor Carlos Blanco, será un primeiro paso co que a urbe aspira a converterse na sede oficial da edición número 27 da competición deportiva, un evento que reúne cada dous anos a máis de 10.000 deportistas de 170 países distintos.
Martes, 18 de decembro do 2007

Investigación, infraestruturas e adapación ao EEES, eixos da proposta orzamentaria

O Consello de Goberno da Universidade de Vigo aproba un orzamento de 174 millóns de euros para 2008

Na sesión o reitor propuxo a contratación de Ana Fernández Pulpeiro como xerenta


ImageCon 23 votos a favor, seis en contra e unha abstención, o Consello de Goberno aprobou o orzamento da Universidade de Vigo para o 2008 por un importe de 174,2 millóns de euros, o que supón un incremento dun 14% respecto aos ingresos consignados no ano 2007. Do total dos 174 millóns de euros, o 65% do total, 114 millóns, proceden do Plan de Financiamento da Xunta, mentres que 27,3 millóns proceden de financiación externa por competencia, 15,7 de precios e taxas e 17,5 millóns, doutros ingresos. Unha vez aprobado polo Consello de Goberno, o presuposto deberá ser ratificado polo Consello Social que se reunirá o vindeiro día 27 de decembro.
Martes, 18 de decembro do 2007

Carlos Núñez e Paddy Moloney afinan as súas gaitas para o Concerto de Nadal da Universidade

O música vigués trae "Cinema do Mar", o seu último disco


Image O escenario do Centro Cultural Caixanova será testemuña da volta do músico vigués Carlos Núñez á súa cidade natal tras dous anos de ausencia con motivo da celebración do tradicional Concerto de Nadal da Universidade, organizado pola Vicerreitoría de Extensión Cultural e Estudantes en colaboración con Caixanova, e do que o gateiro será protagonista. Carlos Núñez, internacionalmente recoñecido por crítica e público e acostumado a estar acompañado por algúns dos artistas máis destacados do panorama músical, contará para o concerto de hoxe coa presenza do tamén gaiteiro, Paddy Moloney, compoñente de The Chieftans.
Luns, 17 de decembro do 2007

A Universidade de Vigo afiánzase na vangarda da comunicación social

Publica un volume sobre o traballo xornalístico e o uso correcto da lingua na institución


ImageSe no ano 2000 a Universidade se situou na vangarda da comunicación social coa publicación dun diario dixital como soporte para canalizar a información que xera, este luns deu un paso máis coa presentación do volume Traballo xornalístico na Universidade de Vigo: pautas para un correcto uso da lingua. Con carácter pioneiro na universidade española, o novo volume servirá de guía para os profesionais dos medios de comunicación pero tamén para toda a comunidade universitaria. A presentación contou coa presenza de Rodolfo Irago, director de servizos informativos da Cadena Ser, prologuista da obra, e do reitor, Alberto Gago, quen destacou que se trata de “expresar a importancia que lle damos á promoción das nosas actividades, a comunicación externa do que internamente fai a Universidade".
Luns, 17 de decembro do 2007

O proxecto de orzamento para o 2008 preséntase este martes no Consello de Goberno

A orde do día inclúe o informe sobre o nomeamento da nova xerenta

O proxecto de orzamento para o 2008 e o informe sobre o nomeamento da nova xerenta son dous dos asuntos destacados da orde do día do Consello de Goberno que se vai celebrar este martes a partir das 10.00 horas na sala de xuntas da Reitoría. Tamén se inclúe o plan de sostibilidade e medio ambiente na UVigo, Plan SuMA, e a aprobación dunha declaración de apoio institucional á candidatura de Vigo para a Universiada 2013.
Resultados 1363 - 1368 de 1408

Duvi. Diario da Universidade de Vigo. | Contacta con nós