DUVI. Diario da Universidade de Vigo
Inicio arrow Institucional arrow Campus Vigo

Campus Vigo

Mércores, 14 de xuño do 2017

Coincidindo coa celebración do Día mundial do doante de sangue

A Axencia de Doazón de Órganos e Sangue premia a solidariedade da Escola de Enxeñaría de Telecomunicación

O director do centro, Íñigo Cuiñas, recolleu o premio nun acto celebrado en Santiago de Compostela


ImageCoincidindo coa celebración do Día mundial do doante de sangue, a Escola de Enxeñaría de Telecomunicación recibiu este mércores un premio da Axencia de Doazón de Órganos e Sangue (ADOS) en recoñecemento á solidariedade que a comunidade educativa do centro amosou sempre nas diferentes campañas de doazón que veñen realizándose na escola desde hai anos. “Para nós este premio é unha gran ledicia porque é o recoñecemento a moitos anos de colaboración neste tipo de campañas”, tal e como explicou no acto de entrega, celebrado na Cidade da Cultura, o director do centro, Íñigo Cuiñas.
Xoves, 08 de xuño do 2017

O reitor reuniuse co presidente da asociación, José Luis Feire e outros directivos

Universidade e Conxemar exploran vías para futuras colaboracións


ImageO reitor da Universidade de Vigo, Salustiano Mato e os representantes da asociación Conxemar veñen de manter unha xuntanza co obxectivo de afondar no coñecemento mutuo de ambas institucións coa vista posta en establecer vías de colaboración e sinerxías no futuro. Na reunión, Mato explicoulles a José Luis Freire, presidente de Conxemar; Constante Freire, secretario da Xunta Directiva e Manuel Suárez Lemus, director de Asuntos Públicos e Comunicación as potencialidades da Universidade de Vigo en investigación e transferencia nunha cita na que estivo acompañado polo director do Campus do Mar, Emilio Fernández.
Mércores, 07 de xuño do 2017

Universidade e Gas Natural Fenosa asinaron hoxe a renovación da cátedra creada en 2011

60.000 euros para revitalizar a Cátedra Fenosa


Image Co obxectivo de promocionar as actividades de formación, investigación, innovación e divulgación nas áreas da enerxía, o medioambiente e o desenvolvemento sostible, nacía no ano 2011 a Cátedra Fenosa. Ao seu abeiro, durante este anos, a Universidade de Vigo e Gas Natural Fenosa teñen colaborado no desenvolvemento de traballos de investigación, realización de eventos públicos e apoio ao Máster en Xestión do Desenvolvemento Sostible, actividades que a partir de hoxe recibirán un novo pulo coa achega de 60.000 euros que Gas Natural Fenosa vén de confirmar e que hoxe se materializou coa sinatura dun convenio entre o reitor da Universidade de Vigo, Salustiano Mato e delegado xeral de Gas Natural Fenosa en Galicia, Manuel Fernández.
Martes, 06 de xuño do 2017

A institución basea a súa nova campaña de imaxe en casos de éxito de egresadas e egresados

Na Universidade de Vigo 'Todo encaixa'

“Poñemos en valor a quen cumpriu o seu soño e creou riqueza no país”, asegurou o reitor


ImageAlicia Ferreiro, enxeñeira industrial e directora de Loxística de Arnoia Distribución de libros; Jorge Vázquez, enxeñeiro informático e director da empresa de consultoría de sistemas e software a medida Redegal e Ismael Calvo e Luz Pérez, licenciados en Publicidade e Relacións Públicas e creativos de Ovo Publicidade son as e os protagonistas da nova campaña de imaxe da Universidade de Vigo. Co lema Todo encaixa, en referencia á unión entre a etapa como estudantes (pasado) e a profesional (presente), a campaña, deseñada e realizada por persoal e alumando da institución académica viguesa, céntrase en tres casos de éxito de egresadas e egresados da Universidade, que foron quen de “cumprir os seus soños e crear riqueza no país”, asegurou o reitor, no acto de presentación das novas pezas audiovisuais.
Luns, 05 de xuño do 2017

Segundo un estudo de inserción laboral elaborado polo centro

O 84% de egresadas e egresados da Escola de Enxeñaría de Minas e Enerxía atopa traballo en menos dun ano

Case o 60% quedou en Galicia e a maioría traballa en temas relacionados con enxeñaría e consultaría


ImageO 81% das egresadas e egresados da Escola de Enxeñaría de Minas traballa nalgo relacionado coa súa titulación e o 84% tardou menos dun ano en atopar o seu primeiro emprego. Estas son algunhas das principais conclusións do informe Estudo da inserción laboral dos egresados da Escola de Enxeñaría de Minas e Enerxía 1992-2017, que a escola presentará mañá martes á comunidade universitaria nunha charla no centro na que a directora, a profesora Natalia Caparrini, debullará os principias datos que deixa sobre a mesa unha enquisa na que participaron 249 persoas, un 30% dos 844 egresados e egresadas que a escola sacou ao mercado laboral nos últimos 25 anos.
“Son datos moi positivos dos que estamos moi orgullosos", explica Caparrini.
Luns, 05 de xuño do 2017

É a primeira universidade galega en por en marcha un instrumento deste tipo

O Observatorio de Igualdade bota a andar para visibilizar as desigualdades existentes na comunidade universitaria e as súas causas

Servirá tamén para avaliar os efectos producidos polas políticas de igualdade implementadas


ImageO II Plan de Igualdade entre mulleres e homes da Universidade de Vigo, aprobado en 2016, incluía entre os seus obxectivos a creación dun “observatorio de igualdade como fonte de información das políticas de igualdade da Universidade de Vigo”. Esta ferramenta está xa en marcha co obxectivo fundamental elaborar informes e estatísticas que ofrezan información sobre as desigualdades existentes e as causas que as provocan para axudar a comprender a necesidade das políticas de igualdade adoptadas na organización e o fundamento delas. Deste xeito, a Universidade de Vigo convértese na primeira de Galicia en crear un organismo deste tipo.
Resultados 25 - 30 de 1424

Duvi. Diario da Universidade de Vigo. | Contacta con nós